Shavkat Mirziyoev: Islom sivilizatsiyasi markazi asrlar davomida xalqimizga xizmat qiladi
Prezident Shavkat Mirziyoev 20 noyabr kuni O‘zbekiston islom sivilizatsiyasi markaziga yana bir bor tashrif buyurdi.
Davlatimiz rahbari asos solgan ushbu muassasa xalqimizning boy o‘tmishini, ilm-ma'rifat rivojiga qo‘shgan katta hissasini namoyon etadigan yaxlit majmua bo‘ladi.
- Hamma o‘z tarixini ulug‘laydi. Lekin bizning yurtimizdagidek boy o‘tmish, bobolarimizdek buyuk allomalar hech qayerda yo‘q. Bu merosni chuqur o‘rganishimiz, xalqimizga, dunyoga yetkaza bilishimiz kerak. Bu markazga kelgan odam ulkan merosimiz haqida to‘la tasavvurga ega bo‘lishi, katta ma'naviyat olib ketishi zarur, - degan edi Shavkat Mirziyoev bu yerga avvalgi tashriflaridan birida.
Olamlarga rahmat bo‘lgan payg‘ambar
O‘zbekiston musulmonlari idorasi Hadis ilmi maktabida “Olamlarga rahmat bo‘lgan payg‘ambar” mavzusida tadbir bo‘lib o‘tdi. Tadbirda Samarqand viloyat bosh imom-xatibi Z.Eshonqulov, Imom Buxoriy xalqaro ilmiy tadqiqot markazi direktori Sh.Ziyodov, Hadis ilmi maktabi mudiri O.Yusupov, viloyatimiz faxriy imom va ulamolari, talabalar ishtirok etdi.
Iymon keltirib solih amal qilganlar
Alloh taolo iymon keltirib solih amallarni qilganlarga oxirat saodatini, bitmas tuganmas ne'matlar, mag‘firat va kenglikni va'da qildi. Qur'oni karimda ushbu ne'matlar va'da qilingan insonlarning sifatlarini o‘rganib chiqsangiz, ularni iymon va solih amaldan iborat ekanini ko‘rasiz. Kahf surasi 107-oyatda Alloh taolo bunday deb marhamat qiladi:
“Albatta, imon keltirgan va ezgu ishlarni qilgan zotlar uchun Firdavs bog‘lari manzil bo‘lur“.
Uy-joyga ehtiyoji bo‘lgan fuqaro Aliyev Sergey Muzafarovichga hokimiyat tomonidan Samarqand shahridagi iqtisodiyot va servis kollejiga qarashli talabalar uyidan 6x8 m. hajmli xona yashash uchun ajratib berilgan edi. Vaqf xayriya jamoat fondining Samarqand viloyat filiali tomonidan ana o‘sha xona uchun gilam palas va ko‘rpachalar olib berildi. Xonaning boshqa jihozlari filialga qarashli ziyortagohlar tomonidan olib berish ishlari davom etmoqda.
Alloh taolo sadaqa ila bandasidan aziyatni ketkazish bilan birga, nochor miskinlarning ham hojati ravo bo‘lishidan rozi bo‘ladi. Sadaqalar bandani juda yuksak maqomlarga ko‘taradi. Inson har kun ozginadan solih amal qilib borsa, Hisob kunida albatta uning maqomini ko‘radi.
O‘MI Samarqand viloyat vakilligi
Samarqandliklar Umra ziyoratiga jo‘nab ketdi
Alloh taologa beadad hamdu sanolar bo‘lsinki, Yurtimizda umra ibodatiga keng yo‘l ochilib, Allohning baytini tavof qiluvchilar soni kundan-kunga ortib bormoqda. Umra ibodatining o‘ziga xos bir qancha fazilatlari bor. O‘shalardan biri gunohlarning o‘chirilishidir. Abu Hurayra roziyallohu anhudan rivoyat qilingan hadisda Payg‘ambarimiz sollallohu alayhi va salam shunday deganlar:
“Bir umra keyingi umragacha bo‘lgan oraliqdagi gunohlarga kafforatdir. Mabrur hajning mukofoti esa faqat jannatdir! (Imom Buxoriy rivoyati).
Dinimiz o‘zaro yordamlashib yashashga chaqiradi
Bu dunyoda odamlarning boshiga tez-tez turli g‘am – g‘ussa, qiyinchilik va mashaqqatlar tushib turadi. Boshiga mashaqqat tushgan odam o‘z yaqinlaridan yordam kutadi. Chunki bir o‘zi mushkulotga qarshi turishi oson emas. Islom dini o‘zaro bir-birimizga yordam berib yashashga chaqiradi.
Gunohlarning bu dunyo ham zararlari bor
Samarqand tuman bosh imom-xatibi Bahodir domla Sharipov o‘zining ko‘p yillik mehnati davomida xalqqa ilm ma'rifat yetkazish, yaxshilikka chaqirib, yomonliklardan saqlanishga da'vat etib kelmoqda. Navbatdagi ma'rifiy suhbat tumandagi 74-maktab o‘quvchilari bilan bo‘lib o‘tdi. Unda yoshlar o‘rtasida jinoyatchilik va huquqbuzarlikni oldini olish mavzusida suhbat qurildi.
Yosh avlodni turli tahdilardan asrash davr talabi
Bugungi kunda mamlakatmizda yoshlarning manfaatlarini yanada to‘liq ta'minlashga yo‘naltirilgan, ularning jamiyatda o‘z o‘rniga ega bo‘lishini kafolatlashga xizmat qiladigan huquqiy, iqtisodiy, ma'naviy-ma'rifiy, g‘oyaviy-mafkuraviy tadbirlar tizimli tarzda amalga oshirilmoqda. Amaliy ishlar doirasida yosh avlodni hayotga qat'iy e'tiqod va qarashlar ruhida, mentalitetimizga yot bo‘lgan zararli ta'sirlar va oqimlarga qarshi tura oladigan milliy, diniy hamda umuminsoniy qadriyatlarga hurmat ruhida tarbiyalash masalalari bilan bog‘liq chora-tadbirlar ham amalga oshirilmoqda
Giyohvandlikka qarshi kurashish hammamizning burchimiz
Samarqand shahrida joylashgan Bank kollejida “OITS va Giyohvandlikka qarshi kurashish” mavzusida davra suhbati bo‘lib o‘tdi. Unda “Xo‘ja Yusuf” masjidi imomi Nodirxon Mallayev ishtirok etib, o‘quvchi yoshlarni OITS va giyohvandlikning salbiy oqibatlaridan ogohlantirdi: “Islom dini joriy bo‘la boshlagandan beri giyohvandlikning harom ekani, uni halol sanaydigan kishi kofir bo‘lib qolishi aytilgan va barcha ulamolar shunga ittifoq qilgan. Uni istemol qilish insonning diniga, aqliga, xulqiga, tabiatiga zarar bo‘ladi. Ibn Hojar rohmatullohi alayh giyohvandlik yetkazadigan 120 xil zararni sanaganlar. .Shuningdek, giyohvandlik moddalarini yeyish, ichish, hidlash va igna orqali qabul qilish mutlaqo harom ekanini takidlashgan. Giyohvand moddalarni iste'mol qilish, ishlab chikarish, ularning tijorati bilan shug‘ullanish oqibati baxtsizlikdir. Ulamolar giyohvand moddalar orqali qilingan kasb haromdir, ularni tasiri ostida o‘qilgan namoz qabul emas, ulardan kelgan foyda ham harom uni sadaqa ham qilib bo‘lmaydi, deganlar. Bu illat oqibatida shifosiz kasalliklar insonda paydo bo‘ladi va natija o‘lim bilan yakun bo‘ladi. Alloh taolo ato qilgan hayot ne'matini xorlagani uchun oxiratda ham jazo muqarrardir”.
Chekka hudularga tashrif davom etmoqda
Chekka, viloyat markazidan uzoq masofada joylashgan masjidlarda juma namozini o‘qish, namozxonlar bilan uchrashish maqsadida Samarqand viloyat bosh imom-xatibi Z.Eshonqulov belgilangan reja asosida joylarda bo‘lib turibdi. Navbatdagi tashrif Ishtixon tumani “Dehqonobod” jome masjidi va Kattaqo‘rg‘on tuman “Chig‘atoy” masjidlariga bo‘ldi. Viloyat bosh imom-xatibi samimiy suhbat va do‘stona munosabatlar tarzida o‘tgan uchrashuvda namozxonlarni bugungi tinchlik va osoyishtalikka shukrona keltirish, yoshlarni tarbiyasiga mas'uliyat bilan yondashishga, shu muqaddas zaminda O‘zining ibodatini ado etib, yaxshilik bilan hayotga kechirishga chaqirdi.
“Markaziy osiyo umumiy uyimiz!” mavzusida xalqaro konferensiya ishtirokchilari Samarqandda
Toshkent shahrida Bag‘rikenglik haftaligi doirasida "Markaziy Osiyo - bizning umumiy uyimiz!" xalqaro anjumani bo‘lib o‘tganidan xabaringiz bor. Tadbir davomida Markaziy Osiyo davlatlari ekspertlari Toshkentda millatlararo aloqalar hamda madaniy-gumanitar loyihalarni rivojlantirish istiqbollarini muhokama qildilar.
Hasan Normurodov 80 yoshda
Samarqand viloyati hokimligida O‘zbekiston Qahramoni Hasan Normurodov tavvaludining 80 yilligiga bag‘ishlangan tadbir o‘tkazildi. Unda xalq deputatlari viloyat kengashi faollari, davlat va jamoat tashkilotlari rahbarlari ishtirok etdi.
Viloyatdagi barcha imom-xatib, imom noib va otinoyilar ishtirokida yig‘ilish bo‘lib o‘tdi
Samarqand shahar “Konsertlar zali”da tuman va shahar bosh imom-xatiblari hamda barcha imom-xatib, imom noib va otinoyilar ishtirokida yig‘ilish bo‘lib o‘tdi. Unda Vazirlar mahkamasi huzuridagi Din ishlari bo‘yicha qo‘mita masjidlar bo‘limi mas'ul xodimi Z. Sultonov ishtirok etdi.
Bulung‘ur tumani “Xo‘ja Hofiz” masjidida yangi tahoratxona ishga tushdi
Bulung‘ur tuman “Xo‘ja Hofiz” masjidi tahoratxonasi homiylar ko‘magi bilan zamonaviy holatga keltirilib, foydalanishga topshirildi. Namozxonlar uchun qulay sharoitlar yaratildi. Issiq-sovuq suv, sochiq, sovun kabilar bilan jihozlangan tahoratxona olti o‘ringa mo‘ljallangan bo‘lib, bitta yuvinish xonasi ham namozxon va masjid xodimlari foydalanishi uchun hozirlab qo‘yildi.
“Umra-2019” ziyorati boshlandi
Mamlakatimiz mo‘min-musulmonlari muborak haj va umra ibodatlarini ado etishlari uchun yildan-yilga qulay shart-sharoitlar tashkil etib kelinmoqda. So‘nggi yillarda ziyoratchilarga ko‘rsatiladigan tibbiyot, transport, mehmonxona xizmatlari va ibodat masalalaridagi yordamlar saviyasi sezilarli darajada oshganini alohida qayd etish kerak. Navbatdagi umra mavsumi ham boshlanish arafasida turibdi. Viloyat “Haj” va “Umra” tadbirlarini tashkil etish va o‘tkazish masalalari bo‘yicha Jamoatchilik kengashi hay'ati tomonidan Umra ziyoratiga boruvchi fuqarolarning tasdiqlangan ro‘yxati asosida “Umra-2019” ziyoratini namunali va tartibli tashkil etish bo‘yicha ishlar olib borilmoqda.
Yoshlar tarbiyasi eng ustuvor vazifalardan biridir
Bulung‘ur tuman bosh imom xatibi To‘lqin domla Ravshanov tumandagi Samarqand mahallasi aholisi bilan, Yoshlar tarbiyasiga befarq bo‘lmaslik, O‘z joniga qasd qilishni oldini olish va boshqa mavzularda suhbat o‘tkazdi.
