Yosh oila quruvchilar bilan mashg‘ulotlar o‘tkazilmoqda
Oiladagi sog‘lom muhitni barqarorlashtirish, milliy mafkura va dinimizga xos bo‘lgan ilk tushunchalar oilada bobolar o‘giti, ota ibrati, ona mehri orqali amalga oshirilishini har bir yosh oila boshlig‘i va yoshlarga yetkazishni amalga oshirish va ularni oilaviy hayotga tayyorgarligini yaxshilash maqsadida, davlat va jamoat tashkilotlari viloyat va tuman imom xatibligi vakillari ishtirokida markazlarda maxsus o‘quv-tarbiyaviy kurslar sifatida tuzilgan "Yosh oila maktabi"da nikoh va oila masalalari bo‘yicha zarur saboq berilmoqda.
Yoshlar tarbiyasida imom-xatiblar ham mas'ul
O‘zbekiston aholisining 60 foizdan oshig‘ini yoshlar tashkil etadi. Yoshlar xalqimiz, davlatimizning bebaho boyligi. Ular har tomonlama barkamol bo‘lishi uchun mamlakatmizda barcha shart-sharoit yaratilgan, imkoniyatlar eshigi keng ochilgan.
Samarqand viloyat vakilligi binosida navbatdagi yig‘ilish bo‘lib o‘tdi
Unda Samarqand viloyat hokimi o‘rinbosari D.Mamatqulov, “Movarounnahr” nashriyoti bosh muharriri Abdul Jalil Xo‘jam, viloyat bosh imom-xatibi Zayniddin Eshonqulov hamda viloyatdagi barcha shahar va tuman bosh imom-xatiblari hamda joylardagi masjidlarning imom-xatiblari ishtirok etdi.
Jomboy tuman ishchi guruhi axoli bilan uchrashdi
Jomboy tumani bosh imom xatibi Nurbek Xidirov Ijtimoiy-ma'naviy muhitni sog‘lomlashtirish ishchi guruhi bilan Ahmadjon Qurbonov mahallasida bo‘lib, aholi bilan uchrashdi. Tadbir "Hududlarda Ijtimoiy- ma'naviy muhitni yanada sog‘lomlashtirish, kiyinish madaniyati, diniy maraka va marosimlarni o‘tkazishda diniy soha vakillari va mahalla xodimlarining hamkorligi" to‘g‘risida o‘tkazildi.
Olis mahalla aholisi bilan uchrashuv
Urgut tumanining chekka hududida joylashgan Jartepa aholisi bilan suhbat qurish, ularning turmush sharoitlari bilan tanishish maqsadida Urgut tuman “Shayx Muhiddinxon” jome masjidi imom-xatibi Tursunov Nodir ushbu mahallaga tashrif buyurdi. U joyda aholi va 2-maktab o‘quvchilari bilan uchrashuv va suhbat bo‘lib o‘tdi. Suhbat jarayonida tinchlik va osoyishtalik, ne'matlarning qadriga yetish, yosh avlodni har tomonlama barkamol qilib tarbiyalash, ularni hayotga tayyorlash borasidagi muhim jihatlarga e'tibor berish kabi mavzularda so‘z yuritildi.
Tadbirdan so‘ng “Shayx Muhiddinxon” jome masjidi imom-xatibi N.Tursunov Jartepa mahallasida yashovchi kam ta'minlangan oila farzandining holidan xabar oldi va unga qishgi kiym sovg‘a qildi.
Qayerda bo‘lsang ham Allohga taqvo qil
Bugun dunyo xalqlari Yer kurrasining istalgan nuqtasiga borib, o‘zining iqtidoriga munosib ish topib, mehnatiga yarasha haq olish imkoniga ega bo‘lmoqda. Jumladan, yurtimiz istiqlolga erishib, jahonga yuz tutgach, vatandoshlarimiz ham dunyoning istalgan mamlakatiga borish, u yerda istiqomat qilish, tijorat qilish va ishlash huquqiga ega bo‘ldilar. Xorijda istiqomat qilayotgan yoki ish, o‘qish maqsadida chet elga ketgan yurtdoshlarimiz dinimiz ta'limotlariga amal qilib, namozlarini mazhabimiz asosida ado etishlari, musofirlikka oid hukmlar, halol-harom masalalarini yaxshi bilishlari zarur. Har xil firqa, oqimlarning aldovlariga uchib, tuzog‘iga ilinib qolmasligi kerak. Buning uchun fuqarolarimizda mazhab, milliylik kabi tushunchalar mujassam bo‘lishi talab etiladi.
Islom - ezgulik dini
Samarqand shahar 21- umumta'lim maktabida “Islom - ezgulik dini” mavzusida o‘quvchilar bilan uchrashuv o‘tkazildi. O‘quvchi yoshlarga “Qoraboy Oqsaqol” jome masjidi imom-xatibi Bobobek Abdurahimov Qur'oni karim oyatlari, Payg‘ambarimiz alayhissalomning muborak hadislari asosida mavzuni yoritib berdi.
Viloyat masjidlaridagi qurilish va ta'mirlash ishlari
So‘ngi vaqtlarda mamlakatimizda yurt ravnaqi, millat kelajagi, din rivoji va xalq farovonligi yo‘lida diqqatga sazovor islohatlar amalga oshirilmoqda. Ana shunday xayrli ishlardan biri, yurtimiz musulmonlari ibodat qilishlari uchun har tomonlama qulay sharoitlar yaratish bo‘yicha keng ko‘lamli chora-tadbirlar ko‘rilayotganligidir.
Masjidlarni zamonaviy ko‘rinishga keltirish, namozxonlarga har tomonlama qulay sharoitlar yaratish borasida Samarqand viloyatining bir qancha masjidlarida keng ko‘lamli qurilish, ta'mirlash va obodonlashtirish ishlari olib borilmoqda. Viloyat bosh imom-xatibi Z.Eshonqulov Qo‘shrabot tumani “Jo‘sh ota”, Samarqand tumanidagi “Imom A'zam” va Jomboy tumanidagi “Islomobod” masjidlarida bo‘lib, amalga oshirilayotgan qurilish va ta'mirlash ishlari bilan tanishdi hamda masjidlarning zamonaviy, milliy me'morchilik an'analari asosida ta'mirlash, namozxonlar uchun qulay sharoitlar hozirlash, yong‘in va boshqa xavsizlik choralari bilan ta'minlanishi borasida ko‘rsatma va tavsiyalar berdi.
Tinchlik, hamjihatlik bor joyda fayzu barka bo‘ladi
Oqdaryo tuman bosh imom-xatibi Habibulloxon Abloqulov tumandagi Qum qishlog‘i aholisi bilan uchrashib, “Tinchlik va hamjihatlik” to‘g‘risida suhbatlashdi. Qishloq aholisini o‘zaro ittifoq, hamjihat bo‘lib yashashga, farzand tarbiyasida mas'uliyatini unutmaslikka chaqirib quyidagilarni gapirib o‘tdi:
Ta'ziya
O‘zbekiston musulmonlari idorasi Samarqand viloyat vakilligi Bulung‘ur tuman bosh imom-xatibi, “Amir Hamza” jome masjidi imom-xatibi Ravshanov To‘lqin domlaning otalari vafoti munosabati bilan chuqur ta'ziya izhor etib, marhumning yaqinlariga hamdardlik bildiradi.
Alloh subhanahu va ta'olo marhumning barcha xayrli ishlari hamda solih amallarini husni qabul aylab, O‘z mag‘firatiga olsin. Oxiratlarini obod qilib, ajru mukofotlarini ko‘paytirsin va yaqinlariga chiroyli sabr bersin.
Innaa lillaahi va innaa ilayhi roji'uun.
(Janoza ertaga, 23 noyabr kuni soat 11.00 da o‘qiladi. Manzil: Bulung‘ur tumani, Kichik kildon mahallasi).
O‘MI Samarqand viloyat vakilligi
Odam savdosi asr muammosi
Maktabni tugatib, mustaqil hayotga qadam qo‘ygan ayrim yoshlar oson pul topish ilinjida xorijga ishlash uchun ketayotganligi uchrab turibdi. Bugunning eng tashvishli holatlaridan biri, chet elga noqonuniy tarzda ishga chiqayotgan shaxslarning ko‘pchiligi yigirma birinchi asrning transmilliy tashkiliy jinoyatchilikning uchta eng xavfli turidan biri – xalqaro terrorizm va din niqobi ostidagi zo‘ravonlik ruhi, kuch ishlatish, ya'ni ekstremistik, fundamentalistik, separatistik xurujlar vakillarining tuzog‘iga tushib qolmoqda. Voyaga yetib kelayotgan yoshlarni ana shu kabi xavf-xatarlardan ogoh qilib borish zarurati oshib bormoqda.
Muftiy hazratlari Samarqand viloyatida bo‘ldilar
21-22-noyabr kunlari O‘zbekiston musulmonlari idorasi raisi, muftiy Usmonxon Alimov hazratlari Samarqand viloyatiga tashrif buyurdilar. Tashrifning birinchi kuni, 21-noyabrda Ishtixon tumani “Muhojirlar” jome masjidida bo‘lib, amalga oshirilayotgan bunyodkorlik, tamirlash va obodonlashtirish ishlari bilan tanishdi.
Masjidning ta'mirlanish ishlari shu yilning avgust oyida boshlangan bo‘lib, bugungi kunda masjid binosi, ma'muriy xonalar va tahorotxonaning qurilish ishlari davom ettirilmoqda. Muftiy hazratlari masjidning qurilish, ta'mirlash ishlari yuzasidan zaruriy ko‘rsatma va tavsiyalarni berdilar.
Oltin silsila turkumidagi «Sahihi Muslim» kitobining birinchi juzi nashrga berildi
Ma'lumki, «Hilol-nashr» nashriyot-matbaasi «Oltin silsila» turkumida dunyo musulmon ulamolari tomonidan yakdillik bilan e'tirof etilgan mo‘tabar hadis to‘plamlarini nashr qilmoqda.
Shunday xayrli ishning davomi sanalgan «Oltin silsila» turkumidagi «Sahihi Muslim» kitobining birinchi juzi nashrga berildi.
Avval habar qilganimizdek, joriy yilning 15 noyabr kuni nashriyotda shuningdek, yurtimizda mehmon bo‘lib turgan hindistonlik hadisshunos olim shayx Abdulloh Ma'rufiy hafizahulloh shu kuni «Oltin silsila» turkumining davomi «Sahihi Muslim» kitobining birinchi jildini nashr etish uchun ramziy tugmani bosib berdilar. Alloh taoloning xohish marhamati bilan yaqin ikki oy ichida hadis ixlosmandlari va barcha kitobxonlar ulug‘ muhaddis Muslim ibn Hajjoj rahmatullohi alayh tomonidan ta'lif etilgan «Sahihi Muslim» to‘plamining ilk nashrini o‘zbek tilida o‘qish baxtiga musharraf bo‘ladilar. Kitobda hadislarning arabcha matni ham keltirilgan bo‘lib, ular ko‘pchilik mutaxassislar tarafidan eng ishonchli deb e'tirof etilgan «Tavqun-najot» nashri asosida tayyorlandi.
Islom odob-axloq dinidir
Islom dini odob-axloq dinidir. Islomning eng katta darsi ham axloq darsidir desak, yanglishmagan bo‘lamiz. Shu ma'noda Abdulloh ibn Muborak rahmatullohi alayh: “Dinning deyarli uchdan ikki qismi odobdir”, deganlar. E'tibor beradigan bo‘lsak, Alloh taolo O‘zining habibi Muhammad sollallohu alayhi vasallamni vasf qilganida u zotning nasabi yoki mol-mulki, yoki shaklini vasf qilmagan. Balki: “Albatta, siz buyuk xulq uzradirsiz!” deb, u zoti bobarakotning axloqlarini va odoblarini vasf qilgan. Insonlarni tarbiyalashda turli xil uslub va yo‘llardan foydalanib kelingan. Hozirgi kunda ham yoshlarimizni yuksak ma'naviyatli, teran tafakkur va mustaqil fikrga ega insonlar etib tarbiyalashda teatr san'atining o‘z o‘rni bor. Buyuk ma'rifatparvar Mahmudxo‘ja Behbudiyning “Teatr - bu ibratxona” degan o‘lmas fikri bugun ham o‘z qiymatini yo‘qotgani yo‘q.
Ta'ziya izhor etamiz
O‘zbekiston musulmonlari idorasi Samarqand viloyat vakilligi Jomboy tuman “Shayx Xudoydodi Valiy” jome masjidi imom-xatibi Nazarov Furqat domlaning onalari vafoti munosabati bilan chuqur ta'ziya izhor etib, marhumaning yaqinlariga hamdardlik bildiradi.
