Samarqand viloyati hokimligida O‘zbekiston Qahramoni Hasan Normurodov tavvaludining 80 yilligiga bag‘ishlangan tadbir o‘tkazildi. Unda xalq deputatlari viloyat kengashi faollari, davlat va jamoat tashkilotlari rahbarlari ishtirok etdi.

Tadbirda Prezidentimizning yurt Qahramoniga yo‘llagan tabrigini Oliy Majlis Senati raisi Tanzila Norboyeva o‘qib eshittirdi.

Viloyat “Nuroniy” jamg‘armasini 2003 yildan buyon sabr va eng muhimi fidoiylik bilan boshqarib kelayotgan Hasan Normurodovni ushbu muborak sana bilan Samarqand viloyati bosh imom-xatibi Zayniddin domla Eshonqulov ham  qutlab, yana ko‘p yillar davomida jamiyatimiz ravnaqi yo‘lida mustahkam, yoshlarga bosh-qosh va nasihatgo‘y bo‘lib, sog‘-salomat yurishlarini tiladi.

O‘MI Samarqand viloyat vakilligi