Рамазон қувончи улашилди
“Савоб ишни ҳар ким, ҳар куни ва ҳар ерда қилиши керак” деганларидек, бугун, 4 май куни вилоят бош имом-хатиби Зайниддин домла Эшонқулов ўринбосари Ёқубжон домла Мансуров ва Самарқанд шаҳар бош имом-хатиби Зафар домла Маҳмудовлар билан биргаликда бир қанча хайрия тадбирларини ташкил этиб, муштоқ қалбларга хушнудлик олиб келди. Хусусан, раҳбарларимиз аввало Самарқанд шаҳрида жойлашган 1-сон “Меҳрибонлик уйи”га ташриф буюрди ва 125 нафар тарбияланувчиларга оёқ- кийим маҳсулотларини эҳсон қилди.
Муфтий ҳазратларига “Фахрий доктор” илмий даражаси берилди
ЭЪТИРОФ
Ислом дини маърифатини кенг ёйиш ва илмий фаолиятларни эътироф этган ҳолда Ўзбекистон мусулмонлари идораси раиси, муфтий Усмонхон Алимов ҳазратларига Ўзбекистон Халқаро Ислом академияси “Фахрий доктори” илмий даражаси берилди. Шу муносабат билан Ўзбекистон мусулмонлари идораси Уламолар Кенгаши аъзолари муфтий ҳазратларини самимий муборакбод этади.
Имом-хатиблар ташаббуси билан 16 минг эҳтиёжманд оилага 4 миллиард сўмлик хайрия қилинди
Рамазон – тоат-ибодат ойи бўлиши билан бирга саховат ойи ҳамдир. Бу пайтда мўмин-мусулмон халқимиз хайрия ишларига янада кўпроқ эътибор беради. Имом домлалар ҳам бу ойда саховатпеша инсонларни эҳтиёжманд оилаларга ёрдам кўрсатишга тарғиб қилади, хожатбарорларга бериладиган ажру мукофотлар хушхабарини улашадилар.
Меҳр операцияси билан оиб келинган оилалар ҳолидан хабар олинди
Бугун, 29 апрел куни Самарқанд шаҳар “Домла Камолиддин” жоме масжиди имом-хатиби И.Абсаламов “Вақф” хайрия жамоат фонди Самарқанд вилояти филиали ҳомийлигида Самарқанд вилояти бош имом-хатибининг хотин-қизлар масалалари бўйича маслаҳатчиси Н.Темирова ва Самарқанд шаҳар отинойиси М.Қаршиевалар билан биргаликда Меҳр-2 операцияси орқали Ўзбекистонга олиб келинган, Каттақўрғон тумани “Тарнов” МФЙда яшовчи оила ҳолидан хабар олди ҳамда уларга озиқ-овқат маҳсулотларини эҳсон қилди.
Муфтий ҳазратлари ва бир гуруҳ уламолар кўкрак нишони билан тақдирландилар
Башарият тарихидан маълумки, инсон ўзининг ҳалол меҳнати билан обрў-эътиборга, улуғлик мартабасига эришади. Халқимизнинг “Меҳнат инсонни улуғлайди” иборасига ҳамоҳанг бу ҳикматли сўзларнинг амалий тасдиғи Янги Ўзбекистонда янада яққол намоён бўлмоқда. Мамлакатимиз равнақи, элимиз фаровонлиги йўлида фидокорона меҳнат қилган кўплаб юртдошларимиз давлатимизнинг юксак унвон, медаль ҳамда орденлари билан мукофотлангани ҳам шундан далолат беради.
Самарқанд вилоят вакиллигида қорилар билан тадбир ўтказилди
Рамазон файзу футуҳга бой ойдир. Унинг фазилатларидан бири - бу унинг Қуръон ойи эканлиги. Чунки, Исломнинг бош манбаи, инсониятнинг қиёматгача ҳаёт дастури Қуръони карим шу ойда нозил бўлгандир. Расулуллоҳ соллаллоҳу алайҳи васаллам бу ойда Қуръонни Жаброил алайҳиссалом назоратларидан тўлиқ ўтказиб олар эдилар. Салафи солиҳларимиз ҳам бу муборак ойда Қуръони карим учун алоҳида эътибор ва вақт ажратганлар. Фақиҳ олимлар ҳам бу ойда илм билан шуғулланишни бутунлай йиғиштириб ёки камайтириб, Қуръон мутолаасига иқбол этганлар. Бунинг сабаби, Қуръон мисоли йўқ тенгсиз илоҳий китобдир.
Экстремизм ва терроризмга қарши кураш борасида қабул қилинган халқаро ҳужжатларнинг аҳамияти
Тинчлик буюк неъмат, инсон ҳаётининг бирламчи шарти ҳисобланади. Чунки, осуда ҳаёт, яратувчанлик ва фаровонлик, умуман, барча эзгу мақсадларнинг рўёби, энг аввало, шу неъматга боғлиқ. Шунинг учун ҳам қадимдан барча халқлар тинчликни асраш учун моли-ю жони билан курашиб келганлар. Аммо воқелик тинчликни кўплаб мамлакатлар учун ҳали ҳануз орзу бўлиб қолаётганини кўрсатмоқда. Ҳозирда мамлакатлар тинчлигига рахна солувчи омиллар турлича, давлатлар ўртасидаги низоли вазиятлар, фуқаролик урушлари, миллий ва этник низолар, табиий офатлар… Лекин бу омилларнинг ичида бугунги кунда энг хатарли ва ҳар қандай давлат тинчлиги, осойишталиги учун жиддий хавф солишга қодир бўлгани экстремизм ва терроризм эканини ҳар бир соғлом фикрли инсон тан олмоқда.
Самарқанд шаҳри "Панжоб" жоме масжиди томонидан ташкил этилган Хайрия_тадбирлари
Самарқанд шаҳри "Панжоб" жоме масжиди имом-хатиби Б.Ризаев томонидан ҳомийларни жалб қилган ҳолда масжид атрофида яшовчи 35 нафар кам таъминланган, бемор ҳамда боқувчисини йўқотган оилаларга 500 минг сўмлик озиқ овқат маҳсулотлари эҳсон қилинди.
Шунингдек, 500 нафар фуқораларга 1.5 кгдан жами 750 кг гўшт махсулотлари ҳам эҳсон қилинди.
Аллоҳ таоло имомларимизнинг қилаётган хайрли амалларига кўмакчи бўлсин, эҳтиёжманд инсонларга қилинаётган хайрли ишларнинг файзини бунданда зиёда айласин!
Хайрия тадбирлари давом этмоқда...
Самарқанд шаҳри "Янгиобод" жоме масжиди томонидан ташкил этилган Хайрия_тадбирлари
Самарқанд вилоят бош имом-хатиби З.Эшонқулов, Самарқанд шаҳар бош имом-хатиби З.Маҳмудов ва Самарқанд шаҳри "Янгиобод" жоме масжиди имом-хатиби Т.Равшановлар "Янгиобод" жоме масжиди атрофида яшовчи 6 нафар кам таъминланган, бемор ҳамда боқувчисини йўқотган оилаларни зиёрат қилдилар ва уларга ифторлик ва саҳарлик учун зарур озиқ овқат маҳсулотлари эҳсон қилдилар.
Аллоҳ таоло имомларимизнинг қилаётган хайрли амалларига кўмакчи бўлсин, эҳтиёжманд инсонларга қилинаётган хайрли ишларнинг файзини бунданда зиёда айласин!
Пастдарғом туманида фаолият юритаётган отинойилар билан давра суҳбати бўлиб ўтди.
Жорий йилнинг 20 апрел куни ЎМИ вилоят бош имом хатибининг хотин-қизлар масалалари бўйича маслаҳатчиси Н.Темирова Пастдарғом туманида фаолият юритаётган отинойилар билан давра суҳбати ўтказди. Тадбирда бугунги кунда отинойилар олдида турган долзарб вазифалар ҳақида тўхталиб ўтди. Отинойиларни қизиқтирган саволларга атрофлича жавоблар берди.
Хайрия тадбирлари давом этмоқда
Бутун оламда кезиб юрган Муборак Рамазон тинчлик, файзу-барака ва саховат ойи муносабати билан жойларда ВАҚФ хайрия жамоат фондининг Самарқанд филиали томонидан ҳам турли хайрия тадбирлари ташкил этилмоқда.
Муфтий ҳазратлари олис Орлот қишлоғидаги таровеҳ намозида қатнашдилар
Аллоҳга шукрки, моҳи Рамазон ўлкамизда ўзгача файз ва тароват билан ўтмоқда. Қутлуғ ойнинг фазли ва баракасидан барча бирдек баҳраманд бўлишга ошиқмоқда. Буни одамларнинг хайрли ишларга ҳарислиги, ибодатга ошуфталиги ва фарзу суннат амалларини бажаришга эътибори ошганидан яққол сезиш мумкин.
Бу йилги Рамазон ойининг илк кунларида Самарқанд вилоятига Давлатимиз Раҳбарининг ташрифи ва муборак ой билан табрик қилишлари халқимизни чексиз қувонтирди.
Вилоят бош имом-хатиби “Бойбул” жоме масжидини қурилиш ишлари билан танишди
Жорий йилнинг 5 апрел куни Самарқанд вилоят бош имом-хатиби Зайниддин домла Эшонқулов Ургут туманида “Ургут” марказий жоме масжиди ва қурулиши охирига етган “Бойбул” жоме масжидини қурилиш ишлари билан танишди.
"Сарҳисоб" танлови ғолибларига мукофотлар муборак бўлсин!
Бир неча йиллардан буён аждодларимиз меросини ўрганиш, миллий-диний қадриятларимизни тиклаш, динлараро бағрикенглик ва ҳамкорлик ғояларини оммалаштириш, халқимиз, айниқса, ўсиб келаётган ёш авлод онгида ёт ғояларга қарши мустаҳкам иммунитетни шакллантириш бўйича амалга оширилаётган ишларни оммавий ахборот воситаларида кенг ёритиш, ушбу йўналишда фаол меҳнат қилаётган ижодкорларни муносиб рағбатлантириш ва тақдирлаш мақсадида "Сарҳисоб" танлови ўтказилиб келинади.
Рамазон ойи ва таровеҳ намозларига тайёргарлик бошланди
Рамазон ойини муносиб тарзда кутиб олиш, уни юқори савияда ўтказиш ва Таровеҳ намозларида мўмин-мусулмонларга қулай шарт-шароитлар ҳозирлаш мақсадида масжидларда тайёргарлик ишлари бошланди.
Бу ҳақда Ўзбекистон мусулмонлари идораси хабар берди.
