Муфтий ҳазратлари муҳташам жоме масжиднинг очилишида иштирок этдилар
Бугун, 13 март куни Ўзбекистон мусулмонлари идораси раиси, муфтий Усмонхон Алимов ҳазратлари, Дин ишлари бўйича қўмита раиси Абдуғофур Аҳмедов Самарқанд вилояти Ургут туманида барпо этилган “Ургут” марказий жоме масжидининг очилиш маросимида иштирок этдилар. Меҳмонларга Самарқанд вилояти бош имом-хатиби Зайниддин домла Эшонқулов, Диний идора Иш бошқарувчиси Рустам ҳожи Жамилов ҳамроҳлик қилди.
Масжиднинг очилиш маросимида Самарқанд вилояти ҳокими Эркинжон Турдимов, Ургут тумани ҳокими Ботир Жабборов, таниқли уламолар, тажрибали имом-домлалар, мўйсафид отахонлар, вилоят мутасаддилари ва юзлаб намозхонлар иштирок этдилар.
Тадбир аввалида қурбонлик сўйилди ва Қуръони карим оятлари тиловат қилиниб, хайрли дуолар қилинди
Файзли тадбирда муфтий Усмонхон Алимов ҳазратлари масжид жамоасини маҳобатли жоме билан муборакбод этдилар, муҳтарам Президентимиз ташаббуслари билан юртимизда диний-маърифий соҳада амалга оширилаётган хайрли ишлар ва улкан ислоҳотлар ҳақида сўзлаб бердилар. Айниқса, масжид-мадрасаларни обод этилиши, қадамжою-зиёратгоҳларни гўзал ҳолатга келтирилиши, мўмин-мусулмонларимизга кенг имкониятлар берилаётганини батафсил гапириб бердилар. Мана шундай эътибор ва ғамхўрликдан намозхонларимиз чексиз мамнунликларини ўз сўзларида изҳор этдилар ва қувончлари юз-кўзларидан яққол намоён бўлди.
Маълумот ўрнида, янги масжид қибласи мутахассислар қуёшнинг ёзги энг сўнгги ботиш ва қишдаги энг сўнгги ботиш нуқталари ҳисобга олиниб, ушбу икки нуқта орлиғи уч қисмга бўлиб, чап томондаги бўлак белгиланди. Шунингдек, кечаси Олтин қозиқ юлдузига қараб мўлжал олинди.
Ўзбекистон ва Россия муфтийлари онлайн мулоқот ўтказдилар
Шу йил 10 март куни Ўзбекистон мусулмонлари идораси раиси, муфтий Усмонхон Алимов ҳазратлари Россия марказий диний идораси раиси, муфтий Шайх Талъат Тожиддин билан онлайн мулоқот ўтказдилар. Унда икки давлат диний идоралари масъул ходимлари, Россия ислом университети ректори Артур Сулейманов, Тошкент ислом институти ректори Уйғун Ғофуров ҳам қатнашди.
Онлайн мулоқот Қуръони карим тиловати ва хайрли дуолар билан бошланди. Унда муфтий Усмонхон Алимов ҳазратлари Шайх Талъат Тожиддиннинг 40 йиллик муфтийлик фаолияти давомида катта ишлар амалга оширгани, икки давлат диний идоралари ўртасида мустаҳкам ҳамкорлик алоқалари ўрнатилганини алоҳида қайд этдилар. Келгусида ҳам диний соҳа ходимлари ва талабаларининг ўзаро тажриба алмашиши ва зиёрат туризмини ривожлантириш бўйича кенг кўламли ишларни амалга ошириш муҳокама қилинди.
“Энг обод масжид” ва “Йил имоми” танлови ғолиблари тақдирланди
Бугун, 10 март куни Ўзбекистон мусулмонлари идорасида интернет кузатувчилари ўртасида ўтказилган “Йил танлови – 2020” ғолибларини тақдирлаш маросими бўлиб ўтди. Унда Ўзбекистон мусулмонлар идораси раиси ўринбосари Иброҳимжон Иномов, Диний идора масъул ходимлари, имом домлалар ва меҳмонлар қатнашди.
Танлов натижаларига кўра, “Энг обод масжид” ва “Йил имоми” йўналишлари бўйича қуйидаги кўп овоз олган номзодлар ғолиб деб топилди.
Пастдарғом туманида сайёр йиғилиш бўлиб ўтди
Жорий йилнинг 9 март куни Ўзбекистон мусулмонлари идорасининг Самарқанд вилояти вакиллиги томонидан жойларда масжидлар фаолиятини такомиллаштириш, мавжуд камчиликларни жойида ўрганиш ва бартараф этиш мақсадида шаҳар ва туман бош имом хатиблари Пастдарғосм туманидаги мавжуд 24 та масжид имом хатиблари иштирокидаги навбатдаги сайёр йиғилиш Пастдарғом туман “Нурул Ислом” масжидида бўлиб ўтди.
Йиғилиш олдидан шаҳар ва туман бош имом хатиблари Пастдарғом туманидаги мавжуд масжидлар фаолияти билан танишдилар. Ютуқлар ва камчиликларни ўрганиб, хулосалар тўпладилар. Шундан сўнг, йиғилишнинг асосий қисми бошланди. Йиғилишни Вилоят ҳокими ўринбосари Д.Мамадкулов, вилоят бош имом-хатиби З.Эшонқулов, ўринбосари Х.Саттаров ва тегишли мутасаддилар иштирк этишди.
Дастлаб бош имом хатиблар томонидан ўрганиш хулосалари ўқиб эшиттирилди. Ўз навбатида вилоят бош имом хатиби З.Эшонқулов ва ўринбосари Х.Саттаров томонидан ҳам аниқланган камчиликлар айтилиб, мазкур камчиликларни бартараф этишга оид тавсиялар берилди.
Шу билан бир қаторда яқинлашиб келаётган рамазон ойини кўтаринки руҳда ўтказиш бўйича ҳам кўрсатмалар берилди.
Йиғилиш сўнгида қатнашчиларга байрам дастурхони ёзилди ва вилоят бош имом-хатиби Зайниддин домла Эшонқулов томонидан дуои хайрлар қилинди.
Навбатдаги сайёр йиғилиш Нарпай туманида бўлиб ўтишлиги белгиланди.
Зайниддин Эшонқулов ҳозирда Самарқанд вилоятида бўлиб турган Нурсултон Назарбоев маркази раҳбари билан учрашди.
Учрашувда вилоят бош имом-хатиби вилоятимизда диний-маърифий соҳада амалга оширилаётган янгиланишлар ҳақида сўзлаб бердилар.
Малака ошириш ўқувларининг биринчи босқичи якунланди
Имом ноиблар учун Ўзбекистон халқаро ислом академияси Малака ошириш маркази Самарқанд минтақавий филиалида 2021 йил 18 февраль куни бошланган ўқувлар 3 март куни ниҳоясига етди. Икки ҳафта мобайнида тингловчиларга исломшунослик - ислом тарихи ва манбашунослик, қуръоншунослик ва ҳадисшунослик, фиқҳ ва калом илми йўналишида умумий тайёргарлик, умумкасбий тайёргарлик, мутахассислик бўйича тайёргарлик, танлов фанлари бўйича машғулотлар бўлиб ўтди.
Сохта салафийликнинг ҳанафий мазҳабига зид даъволари
“Салафийлик” ибораси араб тилидаги “سلف” сўзидан олинган бўлиб, “аждодлар”, “аввал яшаб ўтганлар” маъноларини англатади. Қуръони каримнинг Зухруф сурасида “салаф” сўзи “аввал яшаб ўтганлар”, “ўтмиш (кишилари)” маъноларида ишлатилган.
Соғлом эътиқод сабоқлари: Иймон
بسم الله الرحمن الرحيم
Аллоҳ таоло севикли Пайғамбаримиз Муҳаммад соллаллоҳу алайҳи васаллам орқали Ислом динини юборди. Ислом динига эргашувчиларга “мўмин-мусулмон” дейилади. Мусулмон бўлиш учун Аллоҳ таолога, фаришталарига, китобларига, пайғамбарларига, охират кунига, тақдирига, ўлгандан сўнг тирилишига иймон келтириши керак.
Имом ноиблар илмий марказ ва ҳадис мактабида бўлди
Хабар берганимиздек Ўзбекистон халқаро ислом академияси Малака ошириш маркази Самарқанд минтақавий филиалида имом ноиблар учун малака ошириш ўқувлари бошланган эди.
Ўқув жараёнларида умумкасбий тайёргарлик, мутахассислик бўйича тайёргарлик, танлов фанлари бўйича машғулотлар ўтказилмоқда. Бугун амалий машғулот сифатида тингловчилар Имом Бухорий халқаро илмий тадқиқот маркази ва Ҳадис мактабларида бўлиб, бу икки илм масканининг фаолияти, талабалар ва илмий ходимлар учун яратилган шароитлар билан танишди.
ИМОМ НОИБЛАРИНИНГ БИЛИМ, КЎНИКМА ВА МАЛАКАЛАРИ ОШИРИЛМОҚДА
Ўзбекистон халқаро ислом академияси ҳузуридаги Малака ошириш маркази Самарқанд вилояти минтақавий филиалида 18 февралдан Ўзбекистон мусулмонлари идораси тасарруфида фаолият олиб бораётган Бухоро, Навоий, Самарқанд, Жиззах ҳамда Сирдарё вилоятларидаги имом ноиблари учун “Ижтимоий-маънавий муҳит барқарорлигини таъминлаш асослари” малака ошириш йўналиши бўйича 72 соатлик ўқувлар бошланди.
АХЛОҚСИЗЛИК, КАСАЛЛИК ВА ОФАТЛАРДАН САҚЛАНИШ. РУҲИЙ ВА НАФСИЙ ТАСКИН ТОПИШ. СОЛИҲ ЗУРРИЁТ ҚОЛДИРИШ.
Насабни сақлаш
Аллоҳ таоло марҳамат қилади:
وَٱللَّهُ جَعَلَ لَكُم مِّنۡ أَنفُسِكُمۡ أَزۡوَٰجٗا وَجَعَلَ لَكُم مِّنۡ أَزۡوَٰجِكُم بَنِينَ وَحَفَدَةٗ
«Аллоҳ сизлар учун ўзларингиздан жуфтлар яратиб, жуфтларингиздан сизлар учун ўғиллар ва набиралар пайдо қилди ...» (Наҳл,72).
Бир савол сўрасам: Намозни неча ракат ўқиганимга иккиланиб қолганимда нима қилишим керак?
— Баъзида намоз вақтида 3 ракат ўқидим-ми ё 4 ракат-ми, деб иккиланиб қоламан (хаёл бўлинади ёки эсдан чиқиб қолади). Кейин давом этиб кетавераман, лекин кўнглимда хижиллик қолади. Шундай пайтда нима қилишимиз керак? Давом эттираверсам тўғрими ё бошидан ўқиш керак-ми?
Жойларда қурилиш ишлари билан танишилди
Бугун, 16 феврал куни вилоят бош имом-хатиби ўринбосари Ёқубжон домла Мансуров Каттақўрғон туманида жойлашган “Қировул” масжидида олиб борилаётган бунёдкорлик ишлари билан яқиндан танишдилар. Хусусан, намозхонларга янада қулайликлар яратиш мақсадида масжид тахоратхонасининг янги, замонавий биноси тез фурсатдда қуриб битказилиши ва намозхонлар ихтиёрига топширилишини айтиб қурилиш учун керак бўладиган жиҳозларни вакиллик томонидан юборилишини айтиб ўтдилар. Шундан сўнг, Ёқубжон домла Мансуров Пахтачи туманида жойлашган “Болғали” масжидида олиб борилаётган қурилиш ишлари билан танишдилар ва қурилиш-монтаж ишларини миллий ва замонавий меъморчилик анъаналарига тўла мос ҳолда амалга ошириш юзасидан алоҳида тавсиялар тақдим этдилар.
Навбатдаги сайёр йиғилиш Каттақўрғон туманида бўлиб ўтди
Жорий йилнинг 16 феврал куни Ўзбекистон мусулмонлари идорасининг Самарқанд вилояти вакиллиги томонидан жойларда масжидлар фаолиятини такомиллаштириш, мавжуд камчиликларни жойида ўрганиш ва бартараф этиш мақсадида шаҳар ва туман бош имом хатиблари ва Каттақўрғон туманидаги мавжуд 31 та масжид имом хатиблари иштирокидаги навбатдаги сайёр йиғилиш Каттақўрғон туман “Қаландархона” масжидида бўлиб ўтди.
Ота-она дуоси
Ислом дини таълимотларида ёш авлодни ота-она дуосини олишга тарғиб қилинади. Солиҳ фарзанд учун ота-она дуосидан яхшироқ нарса бўлмаса керак.
