Учрашувлар, семинарлар, брифинглар

АЛ-БЕРУНИЙ БИЛИМ ЮРТИДА САМАРҚАНДЛИК ТАЛАБАЛАР БИЛАН УЧРАШУВ ТАШКИЛ ЭТИЛДИ

Бугун Ўзбекистон мусулмонлари идораси Самарқанд вилояти вакили Зайниддин домла Эшонқуловнинг ташаббуси билан йўлга қўйилган иш режа асосида Нукус шаҳридаги "Муҳаммад ибн Аҳмад ал-Беруний" ўрта-махсус ислом билим юртига Ўзбекистон мусулмонлар идораси Самарқанд вилояти вакили ўринбосари ҳамда Самарқанд туманидаги “Хўжа Ахрор Валий” жоме масжиди имом-хатиби Ёқубжон домла Мансуров ташриф буюрди.

 

Имом-хатиблар тамонидан маърифий суҳбатлар олиб борилди

Ижтимоий-маънавий муҳитни соғломлаштириш, диний бағрикенглик ҳамда миллатлараро тотувликни мустаҳкамлаш бўйича вилоят ишчи гуруҳи томонидан жорий йилнинг 20 сентябрь куни қуйидаги ишлар амалга оширилди:

 

Форум ишитирокчилари билан вилоят бош имом-хатиби Зайниддин домла Эшонқулов ўртасида дўстона суҳбат бўлиб ўтди.

Суҳбат давомида Макка шаҳри Ислом олами уюшмаси масъул ходими Абдулазиз Сархан "Ўзбекистонни хусусан Самарқандни кўриш ва зиёрат қилиш менинг 60 йиллиқ орзуим эди. Алҳамдулиллаҳ! Аллоҳ таоло мени шу кунларга етказди. Ушбу форумни ташкил қилган ва бизга яқиндан ёрдам бераётган барча мутасадди ташкилот ходим ва раҳбарларига ўз миннатдорчилигимни билдираман" - деди.

 

Самарқанд туманида отинойиларнинг ўқув семинари бўлиб ўтди

Диний соҳа вакилалари – отинойилар доим халқ билан бирга, хотин-қизлар ичида юрадилар. Ҳозирги замон диний соҳа вакиласи юксак маънавиятли, чуқур ҳаётий тажрибага эга, дунёвий ва диний билимлар соҳибаси, эл-юрт орасида обрў-эътиборли, миллий-диний қадриятларни асл ҳолида аҳолига етказа оладиган, замонавий илм-фан сирларини эгаллаши, ислом дини моҳиятини тўлиқ тушуна билиши, дунёда юз бераётган ҳодисалардан хабардор бўлиши зарур. Шуларни назарда тутган ҳолда, Самарқанд туман бош имом-хатиби Б.Шарипов, туман ҳокимлиги ва бошқа ҳамкор ташкилотлар вакиллари иштирокида ўқув семинар бўлиб ўтди.

 

Каттақўрғон туманида Самарқанд вилояти туман ва шаҳар бош имом-хатибларининг навбатдаги сайёр йиғилиши бўлиб ўтди

10 март куни Каттақўрғон туманида Самарқанд вилояти туман ва шаҳар бош имом-хатибларининг навбатдаги сайёр йиғилиши бўлиб ўтди. Унда Самарқанд вилояти ҳокимининг ўринбосари Д.Мамадкулов, вилоят бош имом-хатиби З.Эшонқулов, бош имом-хатиб ўринбосари Х.Саттаров ҳамда 16 нафар бош имом-хатиблар, Каттақўрғон туман ва Каттақўрғон шаҳар масжидларининг имом-хатиблари ва имом-ноиблари иштирок этди.

 

Ҳарбийлар билан учрашув бўлиб ўтди

Самарқанд вилоятининг Ургут тумани қўшни Тожикистон Республикаси билан чегарадош ҳудудлардан ҳисобланади. Туманнинг марказдан узоқ ҳудудлари аҳолиси билан имом-хатиблар томонидан доимий тарзда маънавий-маърифий тадбир ва учрашувлар ўтказиб келинмоқда. Бугун Самарқанд вилоят ҳокимининг ўринбосари Д.Мамадкулов ва вилоят бош имом хатиби З.Эшонқуловлар Ургут тумани чегара ҳудудида жойлашган ҳарбий қисмда бўлиб, ҳарбийлар ва чегара қисми хизматчилари билан давра суҳбати ўтказди.

ЎМИ Самарқанд вилоят вакиллиги матбуот хизмати

 

Ёшларга терроризм ва унинг оқибатлари ҳақида тушунчалар берилди

Самарқанд шаҳар Саттепо масканидаги 24- ўрта мактабда 11-синф ўқувчилари, устозлари ва маҳалла фаоллари иштирокида ўтказилган тадбирда “Хўжа Абду Мўмин” жоме масжиди имом-хатиби Жаҳонгир ҳожи Хатамов ҳамда шаҳар ИИБ бошлиғи Ж.Қодиров иштирок этди. Унда терроризм, унинг хавфи ва оқибати тўғрисида маъруза қилинди. Тадбир якунида қатнашчилар эътиборига Терроризм ҳақида фильм намойиш этилди.

ЎМИ Самарқанд вилоят вакиллиги ахборот хизмати

 

“Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференция бўйича тавсиялар қабул қилинди

Самарқандда “Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро конференциянинг ялпи мажлиси бугун, 4 март куни ўз ишини давом эттирди. Унда Конференция иштирокчилари томонидан олға сурилган таклифлар бўйича шакллантирилган тавсиялар муҳокама этилиб, тегишли қарорлар қабул қилинди.

 

“Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро анжуман ўз ишини бошлади

 Имом Абу Мансур Мотуридий ва мотуридия таълимоти: ўтмиш ва бугун” мавзусидаги халқаро анжуман бугун, 3 март куни соат 9.00да ўз ишини бошлади.

Дастлаб меҳмонлар ва конференция иштирокчилари учун “Форумлар саройи”  биносида фотосессия ташкил қилинди.  Шундан сўнг анжуман ўз ишини Қуръони карим тиловати билан бошлади. Анжуманнинг бугунги дастури бўйича хорижлик ва маҳаллий олимлар томонидан маърузалар қилиниши белгиланган.

 

Уламоларда анжуманга қизиқиш катта

Рамил АДИГАМОВ, Қозон ислом университети араб тили кафедраси мудири:

– 20 йилдан буён ақида таълимоти билан шуғулланаман. Абу Мансур Мотуридийнинг “Китоб ат-тавҳид” асарини рус тилига таржима қилиб, бу улуғ зотнинг илмий қарашлари, мероси билан яқиндан танишганман. Шу боис ҳеч иккиланмай айтишим мумкинки, Абу Мансур Мотуридий ва мотуридия таълимотини ўрганишга бағишланган бундай халқаро конференциянинг ташкил этилиши муқаддас ислом дини софлигини таъминлаш, уни турли ақида ва қарашлардан асрашда муҳим аҳамиятга эга. Шу боис айни пайтда ислом олами уламоларида мазкур анжуманга қизиқиш жуда катта.

Ўйлайманки, буюк мутакаллим камолга етган заминда ўтказилаётган ушбу конференция Имом Мотуридий илмий меросини янада чуқур ўрганишга, мотуридия таълимотининг бузғунчи оқимларга қарши курашишдаги аҳамиятини очиб беришга, бу борада биз олимларнинг тажриба алмашишимизга хизмат қилади.

Манба: zarnews.uz

 

“Бутун ислом дунёси бу шахсларни Ўзбекистон марваридлари, деб тан олади”

"Дунё" ахборот агентлиги Малайзия Миллий университети профессори, Ислом цивилизацияси институти асосчиси Моҳд Юсуф Ҳожи УСМОНнинг интервьюсини эълон қилди:

 

Доимо огоҳ ва ҳушёр бўлайлик

Мустақил фикрлайдиган, миллий ва умуминсоний қадриятларга ҳурмат билан қарайдиган, қатъий ҳаётий эътиқод ва қарашларга эга бўлган, миллий менталитетимизга ёт зарарли таъсирларга қарши туришга қодир ёшларни тарбиялашга қаратилган “Экстремизм ва терроризм – ёшлар келажагига таҳдид” мавзусидаги маърифий учрашув ва тадбирлар Олий ва ўрта махсус таълим муассасаларида ўтказилмоқда.

 

Экстремизм ва терроризм – ёшлар келажагига таҳдид

Жорий йилнинг 20-феврал кунида Самарқанд давлат чет тиллар институтида Ўзбекистон Республикаси Олий ва ўрта махсус таълим вазирлигининг 2020-йил 17-февралдаги 87-06-133-сонли хатида белгилан вазифалар ижросини таъминлаш мақсадида Ўзбекистон Мусулмонлар идораси вилоят вакиллиги қатор масъул ташкилотлар ҳамкорлигида “Экстремизм ва терроризм – ёшлар келажагига таҳдид” мавзусидаги тадбир бўлиб ўтди. Унда Самарқанд шаҳар “Руҳобод” жоме масжиди имом-хатиби Т.Амиров иштирок этди.

 

Самарқанд туман бош имом-хатиби мактаб ўқувчилари билан учрашди

Севикли Пайғамбаримиз Муҳаммад мустафо соллаллоҳу алайҳи васаллам: "Илм талаб қилиш ҳар бир муслим учун фарздир", деганлар. Нима учун? Чунки иймон келтириш учун ҳам илм керак. Мусулмон бўлиш учун ҳам илм керак. Ният қилиш учун ҳам илм керак. Ихлос қилиш учун ҳам илм керак. Ибодат қилиш учун ҳам илм керак. Аллоҳнинг розилигини топиш учун ҳам албатта, илм керак. Қолаверса, дўзахдан қутулиб, жаннати бўлиш учун ҳам илм керак. Худди оила қуриш учун ҳам илм керак бўлгани каби бу дунё саодатини топиш учун ҳам илм керак, охират саодатини топиш учун ҳам илм керак.

Самарқанд туман бош имом-хатиби Б.Шарипов Самарқанд шаҳар 9-умумтаълим мактаби ўқувчилари билан бўлиб ўтган учрашувда ана шу каби илмнинг фазилатлари ва аҳамияти мавзусида гапириб ўтди. Ўқувчиларга Ислом динининг илмга бўлган муносабати, диний ва дунёвий билимлар уйғунлиги, мамлакатbмизда ёшларнинг илм эгаллашлари учун яратилган шароитлар, хусусан диний таълим тизbми ҳақида маълумотлар бериб ўтди.   

ЎМИ Самарқанд вилоят вакиллиги матбуот хизмати

 

Вилоят вакиллигида Имом Мотуридий таълимотига бағишланган тадбир ва китоблар тақдимоти ўтказилди

Жорий йил 3-5 март кунлари Самарқандда буюк мутакаллим, калом илмининг асосчиси Имом Абу Мансур Мотуридий таваллудининг 1150 йиллиги муносабати билан “Имом Абу Мансур Мотуридий ва мотуридия таълимоти: ўтмиш ва бугун” мавзусида халқаро анжуман ўтказилиши режалаштирилган. Шу муносабат билан Вазирлар Маҳкамаси ҳузуридаги Имом Бухорий халқаро илмий-тадқиқот маркази,  вилоят ҳокимлиги, вилоятдаги Олий таълим муассасалари ҳамкорлигида Имом Мотуридий ҳаёти ва илмий меросига бағишланган тарғибот тадбирлари ўтказилмоқда.

 
 
 
Ўқиш учун ушбу тугмани босинг