Muftiy hazratlari olis Orlot qishlog‘idagi taroveh namozida qatnashdilar
Allohga shukrki, mohi Ramazon o‘lkamizda o‘zgacha fayz va tarovat bilan o‘tmoqda. Qutlug‘ oyning fazli va barakasidan barcha birdek bahramand bo‘lishga oshiqmoqda. Buni odamlarning xayrli ishlarga harisligi, ibodatga oshuftaligi va farzu sunnat amallarini bajarishga e'tibori oshganidan yaqqol sezish mumkin.
Bu yilgi Ramazon oyining ilk kunlarida Samarqand viloyatiga Davlatimiz Rahbarining tashrifi va muborak oy bilan tabrik qilishlari xalqimizni cheksiz quvontirdi.
Viloyat bosh imom-xatibi “Boybul” jome masjidini qurilish ishlari bilan tanishdi
Joriy yilning 5 aprel kuni Samarqand viloyat bosh imom-xatibi Zayniddin domla Eshonqulov Urgut tumanida “Urgut” markaziy jome masjidi va qurulishi oxiriga yetgan “Boybul” jome masjidini qurilish ishlari bilan tanishdi.
"Sarhisob" tanlovi g‘oliblariga mukofotlar muborak bo‘lsin!
Bir necha yillardan buyon ajdodlarimiz merosini o‘rganish, milliy-diniy qadriyatlarimizni tiklash, dinlararo bag‘rikenglik va hamkorlik g‘oyalarini ommalashtirish, xalqimiz, ayniqsa, o‘sib kelayotgan yosh avlod ongida yot g‘oyalarga qarshi mustahkam immunitetni shakllantirish bo‘yicha amalga oshirilayotgan ishlarni ommaviy axborot vositalarida keng yoritish, ushbu yo‘nalishda faol mehnat qilayotgan ijodkorlarni munosib rag‘batlantirish va taqdirlash maqsadida "Sarhisob" tanlovi o‘tkazilib kelinadi.
Ramazon oyi va taroveh namozlariga tayyorgarlik boshlandi
Ramazon oyini munosib tarzda kutib olish, uni yuqori saviyada o‘tkazish va Taroveh namozlarida mo‘min-musulmonlarga qulay shart-sharoitlar hozirlash maqsadida masjidlarda tayyorgarlik ishlari boshlandi.
Bu haqda O‘zbekiston musulmonlari idorasi xabar berdi.
MUNOSABAT: HAMJIHATLIKDA HIKMAT KO‘P
Kuni kecha O‘zbekiston musulmonlari idorasi raisi, muftiy Usmonxon Alimov hazratlarining “O‘zbekiston 24” telekanali orqali efirga uzatilgan yoshlarga murojaatini tomosha qildik.
Nurobod tumanida “Jom ota” jome masjidi foydalanishga topshirildi
Tumanning Jom mahallasida bunyod etilgan “Jom ota” jome masjidining foydalanishga topshirilishiga bag‘ishlangan tadbir bo‘lib o‘tdi.
Jome masjidining umumiy yer maydoni 0,25 gektarni tashkil etib, masjid mingga yaqin namozxonni sig‘dira oladi. Masjidning o‘rtasida 32 metr balandlikda gumbaz qilingan.
Masjid hududida zamonaviy tahoratxona, imom-xatib va boshqa xodimlar uchun barcha qulayliklarga ega ma'muriy bino ham mavjud.
Tadbirda viloyat bosh imom-xatibi Zayniddin Eshonqulov, tuman hokimi Faxriddin Zoirov ishtirok etdi.
Samarqand viloyat bosh imom-xatibi Zayniddin domla Eshonqulov Paxtachi tumanidagi "Xo‘ja Ziyovuddin" jome masjidining qurilish ishlari bilan tanishdilar
Viloyat bosh imom-xatibi Paxtachi tumanidagi yangidan barpo etilayotgan "Xo‘ja Ziyovuddin" jome masjidida bo‘ldilar.
Olib borilayotgan qurilish ishlari bilan tanishgan Zayniddin domla Eshonqulov o‘zining maslahat va ko‘rsatmalarini berib, ushbu masjidning qurilishiga hissa qo‘shayotganlarning haqlariga duo qildilar.
“Tavaron” jome masjidida Juma ibodati ado etildi
Bugun, 26 mart kuni viloyat bosh imom-xatibi o‘rinbosari Yooqubjon domla Mansurov viloyatimizning olis Kattaqo‘rg‘on tumanidagi chekka hududda joylashgan, joriy yilda binosi to‘liq ta'mirdan chiqarilgan “Tavoron” jome masjidiga tashrif buyurdi. Mazkur masjidda jamoatga Juma namozini o‘qib berdilar.
Bosh imom-xatiblarning yig‘ilishi bo‘lib o‘tdi
25 mart kuni vakillik binosida Samarqand viloyati bosh imom-xatibi Zayniddin domla Eshonqulov boshchiligida joylardagi barcha tuman va shahar bosh imom-xatiblari ishtirokida navbatdagi yig‘ilish bo‘lib o‘tdi.
Otinoyilar uchun o‘quv-seminar tashkil etildi
Joriy yilning 25 mart kuni O‘MI Samarqand viloyat bosh imom-xatibi o‘rinbosari Xayrulloh domla Sattarov otinoyilar uchun tashkil etilgan o‘quv-seminar darsini boshlab, “Oilalarda ijtimoiy-ma'naviy muhitni sog‘lomlashtirish, Xotin-qizlar o‘rtasida turli yot g‘oyalar tarqalishining oldini olish va unga qarshi kurashishda otinoyilarning o‘rni” mavzusida suhbatlashdi.
Viloyatimizda faoliyat yuritayotgan shahar va tuman bosh otinoyilari uchun Urgut tumanida yig‘ilish tashkil etildi
Joriy yilning 24 mart kuni shahar va tumanlar bosh imom- xatiblarining xotin-qizlar masalalari bo‘yicha yordamchilarining sayyor yig‘ilishi Urgut tumanida tashkil etildi. Dastlab otinoyilarimiz tumandagi qadamjolarni, xususan G‘ovsili A'zam, Abdulqodir G‘iloniy va Chor-chinor ziyoratgohlarida bo‘ldilar. Shundan so‘ng, Mergancha qishlog‘ida o‘z faoliyatini boshlagan "Urgut” markaziy jome masjidida yig‘ilish bo‘lib o‘tdi.
Kattaqo‘rg‘on tumanida masjid ochilishi bo‘lib o‘tdi
Kattaqo‘rg‘on tumanida “Tavoron” jome masjidi ta'mirlanib yana foydalanishga topshirildi.
Ushbu masjidning ochilish marosimida O‘zbekiston musulmonlari idorasining Samarqand viloyat vakili o‘rinbosari Yooqubjon domla Mansurov ham ishtirok etdilar.
Mo‘min odam Allohning uylarini obod qilishga, unga infoq qilib, moddiy obodligini ziyoda qilishga, unda namoz o‘qib, ma'naviy obodligini ziyoda qilishga urinar va qalbi doim masjidlarga bog‘liq bo‘lar ekan, ikki dunyoning baxtu saodatiga, xayru barakasiga erishadi.
Alloh taolo ushbu masjidni xalqimizga muborak qilsin, yana shu kabi ko‘plab jomelar qurilishini nasib aylasin!
Yangi ochilgan “Urgut” markaziy jome masjidida ilk juma namozi o‘qildi (+fotolavha)
Bugun, 19 mart kuni Samarqand viloyati Urgut shahrida yangi qad rostlagan “Urgut” markaziy jome masjidida ilk juma namozi o‘qildi. Unda O‘zbekiston musulmonlari idorasi Ta'lim va kadrlar tayyorlash bo‘limi mudiri Erdon domla Esonov, Samarqand viloyati bosh imom-xatibi Zayniddin domla Eshonqulov, imom-xatiblar va namozxonlar ishtirok etdi.
Soxta salafiylik
Hozirgi kunda muqaddas islom nomidan har xil oqimlarning o‘zlarini jozibador ismlar bilan nomlab olib, go‘yoki to‘g‘ri yo‘lni da'vo qilib, g‘araz maqsadlari yo‘lida ushbu niqobdan foydalanish holatlari ko‘plab kuzatilmoqda. Ana shunday oqimlardan biri “Soxta salafiylar”dir.
Samarqand viloyatining Urgut tumanidagi «Urgut markaziy» jome' masjidiga tashrif.
Allohning uyi bo‘lmish masjid Islom dinining ezgulik, tinchlik, mehr-muruvvat, rahmdillik, muhtojlarga yordam berish kabi qadriyatlarini targ‘ib qiluvchi muhim ma'naviy-diniy maskandir. Shunday masjidlardan biri bugun foydalanishga topshirildi.
«Urgut markaziy» jome' masjidi jamoasining ma'lum qilishicha, 5 yildan ziyod vaqt davomida, xalq hashari yo‘li bilan bu joyda zamon talablariga javob beradigan, namozxonlar uchun qulay sharoitlarga ega, 10000 kishilik sig‘imli jome masjid bunyod etildi.
Mazkur masjid, tom ma'noda ma'rifat maskanidek qad rostlagan. Xonaqoh sharq uslubidagi zamonaviy ko‘rinishda bunyod etilgan bo‘lib, serjilo, issiq voha taftini namoyon etadi. Masjid gumbazining ichki tomonida Qur'oni karimning ibodatga da'vat etuvchi oyatlari bitilgan.
