XO‘JA IS'HOQ VALIY JOME MASJIDI TOMONIDAN BAYRAM SOVG‘ALARI TARQATILDI
Muborak Ramazoni sharif oyi va Ramazon hayiti bayrami munosabati bilan Samarqand shahar “Xo‘ja Is'hoq Valiy” jome masjidi imom xatibi Yoqubjon Mansurov hamda masjid jamoasi ehsonparvar kishilar ko‘magida bayram sovg‘alari ulashdi. O‘zbekiston Respublikasi Prezidentining “Nogironligi bo‘lgan shaxslarni davlat tomonidan qo‘llab-quvvatlash tizimini tubdan takomillashtirish chora-tadbirlari to‘g‘risida”gi Farmoni qabul qilingan edi. Shu munosabat bilan harakat-tayanch a'zolarida nuqsoni bor, nutq, eshitish va ko‘rish imkoniyati cheklangan insonlar bilan diniy ma'rifiy uchrashuvlar tashkil etib kelinmoqda. Ular bilan o‘tkazilgan muloqotlar davomida so‘nggi yillarda eshitish va so‘zlashishda nuqsoni bor fuqarolar orasida missionerlik holatlari kuzatilayotgani, mazkur shaxslar islom dinining sof ta'limotlari bilan tanishishga katta ehtiyoj sezayotgani ma'lum bo‘lmoqda.
RAMAZON TUHFALARI ULASHILDI
Hadya (sovg‘a) ulashishga Payg‘ambarimiz sollallohu alayhi vasallam targ‘ib qilganlar. Shuning uchun har bir musulmon kishi ushbu targ‘ib qilingan amalni ado etishga imkon qadar harakat qilishi fazilatli ish hisoblanadi.
VAQF XAYRIYA JAMOAT FONDI HAYIT BAYRAMI MUNOSABATI BILAN NOGIRONLIK ARAVACHASI HADYA QILDI
“Vaqf” xayriya jamoat fondi va Samarqand shahar “Shohi Zinda” jome masjidi hamkorlikda Ramazon hayiti kunlari jismoniy imkoniyati cheklangan shaxslarga hayit bayrami munosabati bilan moddiy yordam ko‘rsatdilar. Jumladan, Jomboy tumani, O‘roqli MFYda yashovchi Karimqulov Ro‘zimurod, Tayloq tuman, Nayman MFYda yashovchi Ziyoev Husenjon va Samarqand Veterenariya va meditsina instituti talabasi Safarova Bahoralarga 3 dona 5 400 000 so‘mlik nogironlik aravachalari ehson qildi.
SAVOBI KO‘P AMALLAR
“Vaqf” xayriya jamoat fondi o‘z oldiga bir necha yo‘nalishda xayriya ishlarni amalga oshirishni rejalashtirgan. Aholining ijtimoiy himoyaga muhtoj qatlamlari, shu jumladan, imkoniyati cheklangan shaxslarni moddiy va ma'naviy qo‘llab-quvvatlash kabi bir qator ishlar ham fondning o‘z oldiga qo‘ygan maqsadlaridan biridir. Xayriya fondining vakillari sifatida joylarda faoliyat olib borayotgan imom xatiblar “Ro‘zg‘or”, “Ehtiyojmandlarga ko‘mak”, “Obod xonadon” aksiyasi doirasida aholining kam ta'minlangan, ehtiyojmand, boquvchisini yo‘qotgan, yolg‘iz keksa va nogironlarga homiylarni jalb etgan holda saxovat tadbirlari o‘tkazib kelmoqda. Jumladan, Paxtachi tuman imom xatiblari tuman bosh imom xatibi Isroil Amirillayev boshchiligida bir qancha xayriya tadbirlarini amalga oshirdilar. Tuman bo‘yicha Ramazon oyi davomida 120 dan ziyod xonadonga 15 000 000 so‘m miqdorda moddiy yordam va ehsonlar tarqatildi. Imom xatiblarimiz bu kabi ishlarda Ramazon oyi bilan cheklanib qolmaydilar.
RAMAZON OYIDAGI NAFAQA XUDDI ALLOH YO‘LIDA INFOQ QILGAN KABIDIR
Rasululloh sollallohu alayhi vasallam o‘ta saxovatli, infoq qiluvchi, oliyjanob, ochiqqo‘l hamda ko‘p sadaqa beruvchi, xushfe'l, yordam so‘rab kelganlarga yordamlari-yu ko‘maklarini ayamaydigan kishi edilar.
Otinoyilar ham saxovat tadbirlari o‘tkazishmoqda
Samarqand viloyatida faoliyat olib borayotgan otinoyilar Muborak Ramazon oyi hamda yaqinlashib kelayotgan 1 iyun Xalqaro bolalarni himoya qilish kuni munosabati bilan Samarqand shahridagi 1-son bolalar Mehribonlik uyiga tashrif buyurdilar. Tashrif asnosida bolajonlarni bayram bilan muborakbod etib, ulardan o‘ttiz ikki nafariga jami 2 850 000 so‘m qiymatga ega kiyim-kechak va o‘quv qurollari sovg‘a qildilar.
Vaqf fondlarining qo‘shma tadbiri o‘tkazildi
Joriy yil 23 may kuni “Vaqf” xayriya jamoat fondi Samarqand viloyat filiali hamda Turkiya davlatining Istanbul shahrida faoliyat olib borayotgan “Aziz Mahmud Xudoyi Vaqfi" tashkiloti tomonidan kam ta'minlangan oilalar va Viloyat Nogironlar jamiyatining a'zolariga Ramazon oyi munosabati bilan xayriya tadbiri o‘tkazildi. Tadbirda jami ellik nafar kam ta'minlangan va nogironlar jamiyati a'zolariga oziq ovqat mahsulotlari tarqatildi.
Ramazon-bu imkoniyatlar oyi
Inson qadri har narsadan ulug‘. Kishilarni ezgulik, har qachongidan ko‘ra ko‘proq savob ishlarni amalga oshirishga da'vat etuvchi muqaddas oyni munosib o‘tkazish maqsadida viloyat imom xatiblari joylarda turli xil xayriya tadbirlari o‘tkazib, ehtiyojmand insonlarga moddiy va ma'naviy yordamlar ko‘rsatib kelmoqda.
Yana bir xayrli tadbir o‘tkazildi
O‘zbek xalqi azaldan ehtiyojmand oilalar, boquvchisini yo‘qotgan bolalarning boshini silab, ularga bag‘ridan joy bergani tarixdan ma'lum. Urush yillari front maydonlaridan ko‘chirib keltirilgan qariyb 1 million kishi yurtimizdan qo‘nim topdi. Ularning 200 mingi bolalar bo‘lib, o‘zbek oilalari quchoq ochib ularni o‘z tarbiyasiga oldi.
Xayriya ishlari davom etmoqda
Samarqand shahar “Damariq” jome masjidi imom-xatibi Kimyogarlar qo‘rg‘onida joylashgan 61-sonli ixtisoslashtirilgan maktab-internat maktabga tashrif buyurdi. “Vaqf” xayriya jamoat fondi Samarqand viloyati filiali va homiylar ko‘magida maktab tarbiyalanuvchilari uchun oziq-ovqat mahsulotlari ehson qilindi. Maxsus maktabda tashkil etilgan tadbirda imom-xatib Abdumannonov Nursultonxon so‘zga chiqib, ilm va uning fazilatlari haqida gapirib, yurtimiz azal-azaldan dunyoga ustoz bo‘lgan ulamolari bilan mashhur bo‘lgani, yoshlarimiz ham ulug‘ ajdodlariga munosib voris bo‘lishga harakat qilishi lozimligini ta'kidladi.
Amallarning yaxshisi...
Kattaqo‘rg‘on shahrida hozirgi kunda beshta jome masjid faoliyat ko‘rsatmoqda. Ularda xizmat qilayotgan imom xatib va boshqa xodimlar aholi turmush tarzini o‘rganish, ehtiyojmandlarga yordam ko‘rsatish, bemorlar holidan xabar olish kabi xayrli ishlarda ham faol ishtirok etib kelmoqda. Kattaqo‘rg‘on shahar bosh imom xatibi Xayrullo Do‘smurodov boshchiligida imom xatiblar “Vaqf” xayriya jamoat fondining Samarqand viloyat filiali hamda boshqa saxiy kishilar ko‘magi bilan Muborak ramazon oyida qator xayrli ishlarni amalga oshirdi. 25 dan oshiq xonadonga tashrif buyurildi. Ular orasida bemorlar, keksalar, boquvchisini yo‘qotgan va nogironlar mavjud. Ularning har biriga xayr-ehson qilindi. Ehtiyojmandlarga ko‘rsatilgan moddiy yordamlar olti million so‘mdan oshdi. “Bu kabi ishlar davomli bo‘ladi, zero Rasululloh sollallohu alayhi vasallam muborak hadislarida: “Amallarning yaxshisi, garchi oz bo‘lsa ham, davomlisidir” (Buxoriy, Muslim rivoyati), – deganlar” deydi shahar bosh imom xatibi X.Do‘smurodov.
Ramazon sovg‘alari ulashildi
"Vaqf" xayriya jamoat fondiga ehson qilayotgan saxovatpesha insonlarning ko‘magi bilan fond tomonidan Ramazon oyi davomida ko‘plab xayriya-saxovat ishlari amalga oshirilmoqda. Joriy yilning 16 may kuni Fond tomonidan tayyorlangan qariyb 251 million so‘mlik Ramazon sovg‘alari yurtimizning 14 ta hududlariga yuborildi.
Bemorlik ham sinovlardan biridir
Alloh Taolo insoniyatga behisob ne'matlar berish bilan birgalikda, uning uchun sinovlar ham yuboradi. Gohida bu sinovlar boylik, mansab kabi yaxshiliklar misolida berilsa, gohida turli ofatlar va kasalliklar sinov tariqasida beriladi. Bemorlik ham Alloh Taoloning sinovlaridan biri bo‘lib, undan mo‘min kishi ham holi emasdir. Mo‘min kishiga xastalik yetsa, bu Alloh Taoloning unga bo‘lgan muhabbati belgisidir. Zero, kasalliklarning gunohlarga kafforot bo‘lishi va mo‘minning darajasi yuksalishiga sabab bo‘lishi haqidagi ma'lumotlar ulug‘larimizdan marhamat qilingandir. Muqaddas dinimiz insonlarni mehr-muruvvatga, ezgulikka chorlaydi, rahmdillikni tarannum etadi. Bemorlar holidan xabar olish ham mana shunday ulug‘ va savobli amallardan hisoblanadi.
Bu ko‘ngil ovlash oyidir
Abu Fazl “Musnad” nomli hadislar to‘plamida Salmon roziyallohu anhudan quyidagicha rivoyat qiladi: “Rasululloh sollallohu alayhi vasallam sha'bonning oxirgi kuni bizga xutba qilib bunday dedilar: “Ey odamlar! Darhaqiqat, sizlarga buyuk bir oy soya solmoqda. Muborak oy. Unda ming oydan yaxshi bir kecha bor. Alloh u (oy)ning ro‘zasini farz qildi, kechasini ibodat bilan o‘tkazishni ixtiyoriy – nafl qildi. Kim unda ixtiyoriy ravishda bir yaxshi ish qilsa, xuddi bir farzni ado etgandek bo‘ladi. Kim unda bir farzni ado etsa, xuddi yetmishta farzni bajargandek bo‘ladi. U sabr oyidir, sabrning savobi esa jannatdir. U ko‘ngil ovlash oyidir. U mo‘minning rizqi ziyoda qilinadigan oydir...”.
Ko‘ngillarni obod etib...
Ramazon oyida boshqa oylardagiga nisbatan saxovatga alohida e'tibor berilishi bejiz emas. Sababi bu oyda qilingan amalga juda ko‘p mukofot beriladi. Alloh O‘zining yo‘lida qilingan sadaqa va infoqni yetti yuz barobargacha ko‘paytirilishini Kalomida bayon qilgan. Ramazon oyida esa bu miqdor yanada oshirilishi shubhasiz. Saxovat ko‘rsatayotgan kishining ixlosi va qalbidagi ezgu niyati olinajak ajrni yanada ziyoda qiladi.
