Ҳожилик мақомига муносиб бўлиш ҳақида суҳбатлар ўтказилмоқда
Шу йил 14 июль куни Самарқанд вилояти бош имом-хатиби Зайниддин домла Эшонқулов Макка шаҳридаги “Аброж ал-Ҳидоя” меҳмонхонасида муборак ҳаж ибодатини адо этиб юртимизга қайтиш арафасидаги бир гуруҳ зиёратчилар билан ҳожилик мақоми ва унга муносиб бўлиш ҳақида мавъиза қилиб берди.
Суҳбат давомида Зайниддин домла ҳар бир зиёратчи улуғ ҳаж ибодатига етказгани учун Ҳақ таолога шукроналар келтириш, ҳожилик мақомига муносиб бўлиш йўлида юксак ихлос, гўзал одоб билан ҳаракат қилиши зарурлигини айтди.
Каттақўрғон туманида аҳоли билан мулоқотлар ташкил қилинди
Бугун, 2022 йил 08 июн куни навбатдаги сайёр йиғилиш Каттақўрғон туманида ташкил қилинди. Тумандаги мавжуд 31 та масжид имом-хатибларива ноиблар ҳамроҳлигида вилоятдаги 16 та шаҳар ва туман бош имом хатибларива 15 нафар иқтидорли имом-хатиблар тумандаги 31 та маҳаллаларга тарқалиб, жойларда аҳолининг кам таъминланган ва нотинч оилалар хонадонига ташриф буюрди. Шунингдек, маҳалла марказларида уюшмаган ёшлар билан суҳбатлар ташкил қилинди. Ҳар бир маҳалладаги фуқаролар сони, ижтимоий ҳолати ва муаммолари таҳлил қилинди. Шу билан бир қаторда вилоят ишчи гуруҳи Каттақўрғон туманидаги 31 та масжидда Пешин намозини ўқиб, йиғилган намозхонларга “Тинчлик қадри”, “Ёшлар келажагимиз”, “Оилангизни асранг”, “Ёт ғояларга алданманг” мавзуларида маърузалар қилдилар ҳамда уларнинг муаммо ва таклифларини тингладилар.Иш жараёнидаги ҳолатлар ишчи гуруҳ томонидан далолатнома асосида хатланди.
Самарқанд вилоятидан 13 нафар гуруҳ раҳбарлари Ҳаж сафарига йўл олмоқда.
Албатта, гуруҳ раҳбарлиги масъулиятли вазифа ҳисобланади. Шу боис улар билан Самарқанд вилоят вакиллигида вилоят бош имом-хатиби, ўринбосарлари ҳамда шу соҳа масъуллари иштирокида ўқув машғулотлари ўтказиш одат тусига кирган. Ана шундай машғулотларнинг навбатдагиси бугун, 3 июн куни вакиллик биносида бўлиб ўтди. Уни вилоят бош имом-хатиби З.Эшонқулов олиб борди. Зиёратчиларга раҳбарлик қилувчи гуруҳ раҳбарларига уларнинг вазифалари ва бошқа зарурий тавсиялар берилди. Жумладан, уларнинг бурч ва масъулиятлари, Ҳаж ибодати рукнлари, сафарга жўнаб кетиш ҳамда Саудия Арабистонидаги ташкилий ишларнинг уларга тааллуқли жиҳатлари атрофлича ёритилди.
Каттақўрғон тумани бош имом-хатиби бошчилигида туманддаги олис ҳудудга ташриф қилинди
Каттақўрғон тумани бош имом-хатиби Сирожиддин домла бошчилигида тумандаги барча имом-хатиблар биргаликда туманнинг чекка ҳудудида жойлашган “Ёнбош” ва “Ҳожи Абдусамат” масжидларига ташриф буюрдилар ҳамда масжидларда олиб брилаётган ободонлаштириш ишлари билан танишдилар.
1- июнь Халқаро болаларни ҳимоя қилиш куни МУБОРАК БЎЛСИН!
ҚАДРЛИ ВА МУҲТАРАМ АЗИЗ БОЛАЖОНЛАР!
Сизларни Халқаро болаларни ҳимоя қилиш куни билан табриклайман! Ўзбекистонимизнинг ҳар бир ўғил-қизи тинч-осуда юртда, ота-онаси бағрида, жисм-у жони саломат бўлиб улғайишини тилайман.
Буюк саркарда, соҳибқирон Амир Темур бобомизга эҳтиром
Ҳар бир инсон юрт фаровонлиги, ободлиги, дин, таълим, фан ва маданиятнинг ривожи учун ўз ҳиссасини қўшган. Шунингдек, Шамсуддин қози, Жазирий, Шайх Бухорий ва бошқа кўплаб машҳур олим ва уламоларни ўзига ром қилиб олган буюк саркарда, соҳибқирон Амир Темур бобомизнинг 686 йиллиги кенг нишонланмоқда.
Кемтик қалбларга хушнудлик улашиш вазифамиздир
Рамазон фазилатларга бой ойдир. Уни ғанимат билиб, иложи борича кўпроқ ибодату зикр, тиловату саловат ҳамда хайр саховат, бева-бечоралар кўнглига хурсандчилик улашиш ва бунинг сабабидан кўплаб ажру мукофотларга сазовор бўлишимиз даркор.
Каттақўрғон туманида аҳоли билан мулоқотлар ташкил этилди
Жорий йил 22 февраль куни Ўзбекистон мусулмонлари идораси Самарқанд вилояти вакиллиги тамонидан Каттақўрғон туманида муаммоли маҳаллалар аҳолиси билан учрашувлар ташкил қилиниб, маҳаллабай ишлаш тизими ташкил қилинди.
Самарқанд виоятида Рамазон ойига тайёргарлик йиғилиши бўлиб ўтди
Жорий йилнинг 29 март куни Ўзбекистон мусулмонлари идораси Самарқанд вилоятида фаолият олиб бораётган имом-хатиблар иштирокида “Рамазон ойини юқори савияда ўтказиш муносабати билан амалга ошириладиган тадбирлар юзасидан” тадбир бўлиб ўтди.
Унда Дин ишлари бўйича қўмита, Ўзбекистон мусулмонлари идораси Самарқанд вилоят вакиллиги ходимлари, уламолар, имом-хатиблар, иштирок этди.
БУГУН, 10 МАРТ КУНИ ИМОМ-ХАТИБЛАРИМИЗ ИШТИХОН, ОҚДАРЁ ВА ТАЙЛОҚ ТУМАНИДАГИ МАСЖИДЛАРГА ТАШРИФ БУЮРАДИЛАР
Бугун, 10 март куни вилоятимизнинг бир гуруҳ имом-хатиблари Иштихон, Оқдарё ва Тайлоқ туманларидаги масжидларга ташриф буюриб Пешин намозини жамоат билан бирга адо этиб, мўмин-мусулмонларга маърифий суҳбатлар қилиб берадилар.
ЭРТАГА, 4 МАРТ КУНИ ИМОМ-ХАТИБЛАРИМИЗ ЖУМА НАМОЗИНИ ЎҚИБ БЕРИШЛИК УЧУН МАСЖИДЛАРГА ТАШРИФ БУЮРАДИЛАР
Эртага, 4 МАРТ куни вилоятимизнинг бир гуруҳ имом-хатиблари Ургут, Булунғур, Тайлоқ ва Пахтачи туманларидаги масжидларга ташриф буюриб Жума намозини жамоат билан бирга адо этиб, мўмин-мусулмонларга "ИСЛОМДА АЁЛЛАРГА МУНОСАБАТ" мавзусида маърифий суҳбатлар қилиб берадилар.
“Кимга яхшилик қилиш эшиги очилса, фойдаланиб қолсин, зеро, унинг қачон ёпилишини билмайди”
Қуръони карим бандаларни табиатни авайлаб-асраш ва ҳимоя қилишга чақиради. Ислом динида бу вожиб амал ҳисобланади.
Аллоҳ таоло инсонларни табиатга умумий мулк сифатида қарашга буюрган. Шу сабабдан мусулмон киши учун ернинг барча бойликларини муҳофаза қилиши зарурий амаллардандир.
ЭРТАГА, 3 МАРТ КУНИ ИМОМ-ХАТИБЛАРИМИЗ САМАРҚАНД ШАҲРИ ВА ПАЙАРИҚ ТУМАНИДАГИ МАСЖИДЛАРГА ТАШРИФ БУЮРАДИЛАР
Эртага, 3 март куни вилоятимизнинг бир гуруҳ имом-хатиблари Самарқанд шаҳри ва Пайариқ туманидаги масжидларга ташриф буюриб Пешин намозини жамоат билан бирга адо этиб, мўмин-мусулмонларга маърифий суҳбатлар қилиб берадилар.
БИРЛАШГАН МИЛЛАТЛАР ТАШКИЛОТИ ВА ЎЗБЕКИСТОН
( 2 март 1992 йилдан бери байроғимиз БМТда )
“Эй имон келтирганлар!
Ёппасига итоатга киришингиз ва шайтоннинг
изидан эргашмангиз!
Албатта у сизларга аниқ душмандир”.
Қуръони Карим
Бақара сураси 208 оят
Бирлашган Миллатлар Ташкилоти (инглиз. United Nations) БМТ – Ер юзида тинчликни ва хавфсизликни таъминлаш, давлатларнинг ва миллатларнинг ўзаро хамкорлигини ривожлантириш мақсадида 1945 йил 24 октябрда фашизм устидан ғалаба қозонган мустақил давлатларнинг ихтиёрий бирлашиш асосида тузилган энг йирик халқаро ташкилот.
БМТ Уставида кўрсатилгандек, у халқаро тинчлик ва хавфсизликни сақлаш, халқларнинг тенгхуқуқлили бўлиши ва ўз тақдирини ўзи белгилаши қоидасига амал қилиб, миллатлар ўртасида дўстлик муносабатларини ривожлантиришни, иқтисодий, ижтимоий, маданий муаммоларни хал этишда халқлар ўртасида хамкорлик бўлишини таъминлашни кўзда тутиб, шу умумий мақсадларга эришишда миллатлар харакатини уйғунлаштириб турадиган маркази хисобланади.
ЎЗБЕКИСТОН МУСУЛМОНЛАРИ ИДОРАСИ УЛАМОЛАР КЕНГАШИ БАЁНОТИ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом
салавоту саломлар бўлсин.
Муҳтарам юртдошлар!
Аллоҳ таоло инсонни улуғлаб, унга ато этилган неъмат – табиатни асраб-авайлаш, ундан меъёрида, мақсадли фойдаланишга буюрган. Ҳақ таоло “Аъроф” сурасининг 56-оятида шундай амр қилади: “Ерни яроқли қилиб қўйгандан кейин унда бузғунчилик қилмангиз!”
