Муфтий ҳазратлари мадраса устозига моддий рағбат ва икки талабага шартнома тўлови сертификатини тақдим этдилар
Ўзбекистон мусулмонлари идораси раиси, муфтий Нуриддин домла ҳазратлари “Кўкалдош” мадрасаси устоз ва талабалари билан учрашув чоғида билим юртининг энг жонкуяр устози Жалолиддин домла Холмўминовга беш миллион сўмлик бир марталик моддий рағбат ҳамда мадрасанинг икки нафар талабаси – Муҳаммадхўжаев Исмоил ва Аҳмедов Абдулқодирнинг ҳар бирига бир йиллик ўқув шартномаси тўлови – 10 684 000 сўмлик сертификатларини топширдилар.
Ёқубжон домла Мансуров Каттақўрғон шаҳар “Тегирмонбоши” жомесига пешин намозига ташриф қилдилар
Бугун, 15 февраль куни Ўзбекистон мусулмонлари идораси Самарқанд вилояти вакили ўринбосари Ёқубжон домла Мансуров Каттақўрғон шаҳридаги “Тегирмонбоши” жоме масжидида пешин намозини жамоат билан бирга адо этди.
Зайниддин домла Эшонқулов Самарқанд шаҳар “Хўжа Абду Мўмин” жомесига пешин намозига ташриф қиладилар.
Бугун, 15 февраль куни Ўзбекистон мусулмонлари идораси Самарқанд вилоят вакили Зайниддин домла Эшонқулов “Хўжа Абду Мўмин” жоме масжидига пешин намозига ташриф қиладилар.
Дин ишлари бўйича қўмита раисига биринчи ўринбосар тайинланди
Махсудов Давронбек Рустамович Дин ишлари бўйича қўмита раисининг биринчи ўринбосари этиб тайинланди.
Махсудов Давронбек Рустамович 2004-2012 йиллар - Ўзбекистон Республикаси Президенти девони ходими, 2012-2018 йиллар - Тошкент ислом университети илмий котиби, магистратура бўлими бошлиги, Исломшунослик кафедраси мудири, 2018-2020 йиллар - Ўзбекистон халқаро ислом академияси Исломшунослик ва ислом цивилизациясини ўрганиш ISESCO кафедраси мудири ҳамда ҳозирги вақтга қадар Ўзбекистон халқаро ислом академияси биринчи проректори ва Имом Мотуридий халқаро илмий-тадқиқот маркази директори сифатида фаолият юритиб келаётган эди.
Дин ишлари бўйича қўмита раисининг биринчи ўринбосари Президент маслаҳатчиси этиб тайинланди
Ўзбекистон Республикаси Президентининг тегишли фармони билан Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари Камилов Музаффар Муротович Президентнинг жамоат ва диний ташкилотлар билан ҳамкорлик масалалари бўйича маслаҳатчиси лавозимига тайинланди. У Ўзбекистон халқаро ислом академияси ректори бўлиб қолади.
Президент маслаҳатчиси лавозимини эгаллаб келган Шоазим Шоисламович Миноваров Ўзбекистондаги Ислом цивилизацияси маркази раҳбари сифатида фаолиятини давом эттиради.
144 нафар самарқандлик “Умра” зиёратига йўл олди
Аллоҳ таолога беҳисоб ҳамду санолар бўлсин, Юртимизда умра ибодатига кенг йўл очилиб, Байтуллоҳни тавоф қилувчилар сони кундан-кунга ортиб бормоқда. Илоҳим кўпайишда давом этаверсин!
САМАРҚАНДЛИК ЗИЁРАТЧИЛАР УМРА САФАРИ УЧУН ТАЙЁРГАРЛИК КЎРМОҚДА!
Бугун, 29 январь куни вилоят бош имом-хатиби Зайниддин домла Эшонқулов ва ўринбосари Хайрулло домла Саттаровлар вакиллик биносида Самарқандлик Умра сафарига зиёратига борувчи фуқаролар билан суҳбат ўтказди.
БАЙРАМ ТАБРИГИ
Ўзбекистон мусулмонлари идораси Самарқанд вилоят вакиллиги раҳбарияти ва жамоаси юртимизнинг алп ўғлонларини, Ватан ҳимоясидек улуғ ишга бел боғлаган, мамлакатимиз тинчлиги ва хавфсизлиги йўлидаги хизмат қилаётган азму шижоатли ҳарбийларимизни Ўзбекистон Республикаси Қуролли Кучлари ташкил этилганининг 30 йиллиги ва Ватан ҳимоячилари куни билан чин қалбдан самимий муборакбод этади.
Муфтий ҳазратлари 24 декабрь куни Сирдарё вилоятидаги “Гулистон” масжидига жума намозига ташриф қиладилар
Шу йил 24 декабрь куни Ўзбекистон мусулмонлари идораси раиси, муфтий Нуриддин домла ҳазратлари жума намозини сирдарёликлар билан бирга адо этиш ва мавъиза қилиш учун “Гулистон” жомесига ташриф буюрадилар.
Муфтий ҳазратлари ташриф давомида мўмин-мусулмонлар билан самимий мулоқот қилиш, туман-шаҳар бош имом-хатиблари ва соҳа ходимлари билан учрашувлар ўтказиш режалаштирилган.
Етимнинг бошини силаш, унга меҳрибонлик қилиш қалбдаги қаттиқликни кетказади.
“Меҳрнинг тафтини туйганмисиз?”
“Бирор марта меҳрдан тўйганмисиз?”
Табиийки, кўпчилигимиз бу саволларни ўқиб ҳайрон бўламиз. Чунки ҳаммамиз ота-онамизнинг, яқинларимизнинг меҳридан тўйиб, жаннатмонанд Ватанимизнинг меҳри тафтини туйиб яшаяпмиз. Яъни бизларга меҳр бегона эмас. Аллоҳга беадад шукрлар бўлсин.
Ислом динида етимларга ёрдам бериш қадрлаган шарафли ва ниҳоятда савоби улуғ амаллардан ҳисобланади. Етимларга таом бериш, кийим-кечак улашиш, таълим ва тарбия бериш энг хайрли ишдир.
Ҳар бир инсон ҳурмат-эҳтиромга лойиқ. Меҳр-мурувватга ташна, моддий-маънавий кўмакка муҳтож, ота-онасидан айрилган етимларга икки карра кўпроқ меҳр улашиш динимизнинг асосий кўрсатмаларидан.
Муфтий ҳазратлари Асака шаҳридаги "Холид ибн Валид" жоме масжидига 18 декабрь куни пешин намозига ташриф буюрадилар
Эртага, 18 декабрь куни муфтий Нуриддин домла ҳазратлари Андижон вилояти Асака шаҳридаги "Холид ибн Валид" жоме масжидида пешин намозини адо этиб, мавъиза қилиб берадилар.
Хабарингиз бор, шу кунларда Ўзбекистон мусулмонлари идораси раиси, муфтий Нуриддин домла ҳазратлари водий вилоятларида бўлиб турибдилар.
Муфтий ҳазрат Қўқон шаҳридаги “Ҳазрати Аббос” жомесида жума намозида иштирок этадилар
Қўқон шаҳри ўзининг муаззам ва муҳташам обидалари билан машҳур. Унинг бағрида олиму фозиллар, шоирлар, меъмор усталар, қўли гул ҳунармандлар улғайиб, етти иқлимга донг таратгани қадимий манбалардан маълум.
Янгитдан қуриб битказилган “Ҳазрати Аббос” жоме масжиди ҳам шаҳарга ўзгача тароват бахш этмоқда.
Муфтий ҳазрат Намангандаги Hi-Tech услубида қурилган “Юсуфхон ўғли Қосимхон” масжидига ташриф буюрадилар
Эртага, 16 декабрь куни Ўзбекистон мусулмонлари идораси раиси, муфтий Нуриддин домла ҳазратлари Наманган вилоятига ташрифлари давомида Наманган шаҳридаги янги инновацион шаклда қурилган “Юсуфхон ўғли Қосимхон” жоме масжидига пешин намози вақтида ташриф буюрадилар.
Муфтий ҳазратлари 15 минг намозхонни сиғдира оладиган "Юсуфхон ўғли Қосимхон" жоме масжидида минглаб намозхонлар билан пешин намозини бирга адо этиб, мавъиза қилиб берадилар.
Самарқандда диний соҳа ходимлари иштирокида йиғилиш бўлиб ўтди
Жорий йилнинг 15 декабрь куни Ўзбекистон мусулмонлари идорасининг Самарқанд вилоятидаги вакиллиги тизимида фаолият кўрсатиб келаётган 287 та жоме масжид имом-хатиблари иштирокида йиғилиш бўлиб ўтди.
Унда Ўзбекистон мусулмонлари идораси раиси ўринбосари Ў.Хасанбоев, ЎМИ Масжидлар билан ишлаш бўлими мудири М.Камолов, ЎМИнинг Самарқанд вилоятидаги вакилли Зайниддин домла Эшонқулов ва вакиллик масъул ходимлари ҳамда диний соҳа ходимлари иштирок этишди.
Самарқанд вилояти отинойилари учун ўқув-семинари ўтказилди
Бугун, Самарқанд вилоятида отинойиларнинг дунёвий ва диний билимларини мустаҳкамлаш, хотин-қизлар билан олиб бориладиган маънавий-маърифий ишлар самарадорлигини янада яхшилаш мақсадида Дин ишлари бўйича қўмита вилоят бошқармаси, Ўзбекистон мусулмонлари идораси вилоят вакиллиги, Ўзбекистон халқаро ислом академияси Малака ошириш маркази Самарқанд минтақавий филиали билан ҳамкорликда вилоят, шаҳар ва туман бош имом-хатибларининг хотин-қизлар масалалари бўйича ёрдамчилари ҳамда ҳудудлардаги отинойилар иштирокида бир кунлик ўқув семинари ўтказилди.
