ХЎЖА ИСҲОҚ ВАЛИЙ ЖОМЕ МАСЖИДИ ТОМОНИДАН БАЙРАМ СОВҒАЛАРИ ТАРҚАТИЛДИ
Муборак Рамазони шариф ойи ва Рамазон ҳайити байрами муносабати билан Самарқанд шаҳар “Хўжа Исҳоқ Валий” жоме масжиди имом хатиби Ёқубжон Мансуров ҳамда масжид жамоаси эҳсонпарвар кишилар кўмагида байрам совғалари улашди. Ўзбекистон Республикаси Президентининг “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Фармони қабул қилинган эди. Шу муносабат билан ҳаракат-таянч аъзоларида нуқсони бор, нутқ, эшитиш ва кўриш имконияти чекланган инсонлар билан диний маърифий учрашувлар ташкил этиб келинмоқда. Улар билан ўтказилган мулоқотлар давомида сўнгги йилларда эшитиш ва сўзлашишда нуқсони бор фуқаролар орасида миссионерлик ҳолатлари кузатилаётгани, мазкур шахслар ислом динининг соф таълимотлари билан танишишга катта эҳтиёж сезаётгани маълум бўлмоқда.
РАМАЗОН ТУҲФАЛАРИ УЛАШИЛДИ
Ҳадя (совға) улашишга Пайғамбаримиз соллаллоҳу алайҳи васаллам тарғиб қилганлар. Шунинг учун ҳар бир мусулмон киши ушбу тарғиб қилинган амални адо этишга имкон қадар ҳаракат қилиши фазилатли иш ҳисобланади.
ВАҚФ ХАЙРИЯ ЖАМОАТ ФОНДИ ҲАЙИТ БАЙРАМИ МУНОСАБАТИ БИЛАН НОГИРОНЛИК АРАВАЧАСИ ҲАДЯ ҚИЛДИ
“Вақф” хайрия жамоат фонди ва Самарқанд шаҳар “Шоҳи Зинда” жоме масжиди ҳамкорликда Рамазон ҳайити кунлари жисмоний имконияти чекланган шахсларга ҳайит байрами муносабати билан моддий ёрдам кўрсатдилар. Жумладан, Жомбой тумани, Ўроқли МФЙда яшовчи Каримқулов Рўзимурод, Тайлоқ туман, Найман МФЙда яшовчи Зиёев Ҳусенжон ва Самарқанд Ветеренария ва медицина институти талабаси Сафарова Баҳораларга 3 дона 5 400 000 сўмлик ногиронлик аравачалари эҳсон қилди.
САВОБИ КЎП АМАЛЛАР
“Вақф” хайрия жамоат фонди ўз олдига бир неча йўналишда хайрия ишларни амалга оширишни режалаштирган. Аҳолининг ижтимоий ҳимояга муҳтож қатламлари, шу жумладан, имконияти чекланган шахсларни моддий ва маънавий қўллаб-қувватлаш каби бир қатор ишлар ҳам фонднинг ўз олдига қўйган мақсадларидан биридир. Хайрия фондининг вакиллари сифатида жойларда фаолият олиб бораётган имом хатиблар “Рўзғор”, “Эҳтиёжмандларга кўмак”, “Обод хонадон” акцияси доирасида аҳолининг кам таъминланган, эҳтиёжманд, боқувчисини йўқотган, ёлғиз кекса ва ногиронларга ҳомийларни жалб этган ҳолда саховат тадбирлари ўтказиб келмоқда. Жумладан, Пахтачи туман имом хатиблари туман бош имом хатиби Исроил Амириллаев бошчилигида бир қанча хайрия тадбирларини амалга оширдилар. Туман бўйича Рамазон ойи давомида 120 дан зиёд хонадонга 15 000 000 сўм миқдорда моддий ёрдам ва эҳсонлар тарқатилди. Имом хатибларимиз бу каби ишларда Рамазон ойи билан чекланиб қолмайдилар.
РАМАЗОН ОЙИДАГИ НАФАҚА ХУДДИ АЛЛОҲ ЙЎЛИДА ИНФОҚ ҚИЛГАН КАБИДИР
Расулуллоҳ соллаллоҳу алайҳи васаллам ўта саховатли, инфоқ қилувчи, олийжаноб, очиққўл ҳамда кўп садақа берувчи, хушфеъл, ёрдам сўраб келганларга ёрдамлари-ю кўмакларини аямайдиган киши эдилар.
Отинойилар ҳам саховат тадбирлари ўтказишмоқда
Самарқанд вилоятида фаолият олиб бораётган отинойилар Муборак Рамазон ойи ҳамда яқинлашиб келаётган 1 июн Халқаро болаларни ҳимоя қилиш куни муносабати билан Самарқанд шаҳридаги 1-сон болалар Меҳрибонлик уйига ташриф буюрдилар. Ташриф асносида болажонларни байрам билан муборакбод этиб, улардан ўттиз икки нафарига жами 2 850 000 сўм қийматга эга кийим-кечак ва ўқув қуроллари совға қилдилар.
Вақф фондларининг қўшма тадбири ўтказилди
Жорий йил 23 май куни “Вақф” хайрия жамоат фонди Самарқанд вилоят филиали ҳамда Туркия давлатининг Истанбул шаҳрида фаолият олиб бораётган “Азиз Маҳмуд Худойи Вақфи" ташкилоти томонидан кам таъминланган оилалар ва Вилоят Ногиронлар жамиятининг аъзоларига Рамазон ойи муносабати билан хайрия тадбири ўтказилди. Тадбирда жами эллик нафар кам таъминланган ва ногиронлар жамияти аъзоларига озиқ овқат маҳсулотлари тарқатилди.
Рамазон-бу имкониятлар ойи
Инсон қадри ҳар нарсадан улуғ. Кишиларни эзгулик, ҳар қачонгидан кўра кўпроқ савоб ишларни амалга оширишга даъват этувчи муқаддас ойни муносиб ўтказиш мақсадида вилоят имом хатиблари жойларда турли хил хайрия тадбирлари ўтказиб, эҳтиёжманд инсонларга моддий ва маънавий ёрдамлар кўрсатиб келмоқда.
Яна бир хайрли тадбир ўтказилди
Ўзбек халқи азалдан эҳтиёжманд оилалар, боқувчисини йўқотган болаларнинг бошини силаб, уларга бағридан жой бергани тарихдан маълум. Уруш йиллари фронт майдонларидан кўчириб келтирилган қарийб 1 миллион киши юртимиздан қўним топди. Уларнинг 200 минги болалар бўлиб, ўзбек оилалари қучоқ очиб уларни ўз тарбиясига олди.
Хайрия ишлари давом этмоқда
Самарқанд шаҳар “Дамариқ” жоме масжиди имом-хатиби Кимёгарлар қўрғонида жойлашган 61-сонли ихтисослаштирилган мактаб-интернат мактабга ташриф буюрди. “Вақф” хайрия жамоат фонди Самарқанд вилояти филиали ва ҳомийлар кўмагида мактаб тарбияланувчилари учун озиқ-овқат маҳсулотлари эҳсон қилинди. Махсус мактабда ташкил этилган тадбирда имом-хатиб Абдуманнонов Нурсултонхон сўзга чиқиб, илм ва унинг фазилатлари ҳақида гапириб, юртимиз азал-азалдан дунёга устоз бўлган уламолари билан машҳур бўлгани, ёшларимиз ҳам улуғ аждодларига муносиб ворис бўлишга ҳаракат қилиши лозимлигини таъкидлади.
Амалларнинг яхшиси...
Каттақўрғон шаҳрида ҳозирги кунда бешта жоме масжид фаолият кўрсатмоқда. Уларда хизмат қилаётган имом хатиб ва бошқа ходимлар аҳоли турмуш тарзини ўрганиш, эҳтиёжмандларга ёрдам кўрсатиш, беморлар ҳолидан хабар олиш каби хайрли ишларда ҳам фаол иштирок этиб келмоқда. Каттақўрғон шаҳар бош имом хатиби Хайрулло Дўсмуродов бошчилигида имом хатиблар “Вақф” хайрия жамоат фондининг Самарқанд вилоят филиали ҳамда бошқа сахий кишилар кўмаги билан Муборак рамазон ойида қатор хайрли ишларни амалга оширди. 25 дан ошиқ хонадонга ташриф буюрилди. Улар орасида беморлар, кексалар, боқувчисини йўқотган ва ногиронлар мавжуд. Уларнинг ҳар бирига хайр-эҳсон қилинди. Эҳтиёжмандларга кўрсатилган моддий ёрдамлар олти миллион сўмдан ошди. “Бу каби ишлар давомли бўлади, зеро Расулуллоҳ соллаллоҳу алайҳи васаллам муборак ҳадисларида: “Амалларнинг яхшиси, гарчи оз бўлса ҳам, давомлисидир” (Бухорий, Муслим ривояти), – деганлар” дейди шаҳар бош имом хатиби Х.Дўсмуродов.
Рамазон совғалари улашилди
"Вақф" хайрия жамоат фондига эҳсон қилаётган саховатпеша инсонларнинг кўмаги билан фонд томонидан Рамазон ойи давомида кўплаб хайрия-саховат ишлари амалга оширилмоқда. Жорий йилнинг 16 май куни Фонд томонидан тайёрланган қарийб 251 миллион сўмлик Рамазон совғалари юртимизнинг 14 та ҳудудларига юборилди.
Беморлик ҳам синовлардан биридир
Аллоҳ Таоло инсониятга беҳисоб неъматлар бериш билан биргаликда, унинг учун синовлар ҳам юборади. Гоҳида бу синовлар бойлик, мансаб каби яхшиликлар мисолида берилса, гоҳида турли офатлар ва касалликлар синов тариқасида берилади. Беморлик ҳам Аллоҳ Таолонинг синовларидан бири бўлиб, ундан мўмин киши ҳам ҳоли эмасдир. Мўмин кишига хасталик етса, бу Аллоҳ Таолонинг унга бўлган муҳаббати белгисидир. Зеро, касалликларнинг гуноҳларга каффорот бўлиши ва мўминнинг даражаси юксалишига сабаб бўлиши ҳақидаги маълумотлар улуғларимиздан марҳамат қилингандир. Муқаддас динимиз инсонларни меҳр-мурувватга, эзгуликка чорлайди, раҳмдилликни тараннум этади. Беморлар ҳолидан хабар олиш ҳам мана шундай улуғ ва савобли амаллардан ҳисобланади.
Бу кўнгил овлаш ойидир
Абу Фазл “Муснад” номли ҳадислар тўпламида Салмон розияллоҳу анҳудан қуйидагича ривоят қилади: “Расулуллоҳ соллаллоҳу алайҳи васаллам шаъбоннинг охирги куни бизга хутба қилиб бундай дедилар: “Эй одамлар! Дарҳақиқат, сизларга буюк бир ой соя солмоқда. Муборак ой. Унда минг ойдан яхши бир кеча бор. Аллоҳ у (ой)нинг рўзасини фарз қилди, кечасини ибодат билан ўтказишни ихтиёрий – нафл қилди. Ким унда ихтиёрий равишда бир яхши иш қилса, худди бир фарзни адо этгандек бўлади. Ким унда бир фарзни адо этса, худди етмишта фарзни бажаргандек бўлади. У сабр ойидир, сабрнинг савоби эса жаннатдир. У кўнгил овлаш ойидир. У мўминнинг ризқи зиёда қилинадиган ойдир...”.
Кўнгилларни обод этиб...
Рамазон ойида бошқа ойлардагига нисбатан саховатга алоҳида эътибор берилиши бежиз эмас. Сабаби бу ойда қилинган амалга жуда кўп мукофот берилади. Аллоҳ Ўзининг йўлида қилинган садақа ва инфоқни етти юз баробаргача кўпайтирилишини Каломида баён қилган. Рамазон ойида эса бу миқдор янада оширилиши шубҳасиз. Саховат кўрсатаётган кишининг ихлоси ва қалбидаги эзгу нияти олинажак ажрни янада зиёда қилади.
