Noxushliklarni islom shiorlariga bog‘lash-gunoh!
So‘nggi vaqtlarda Internet tarmoqlarida ayrim noxushliklarni islom shiorlariga bog‘lash – “imom unday bo‘ldi”, “masjid bunday bo‘ldi” deyish holatlari uchrayotgani ijobiy hodisa emas. Avvalroq “Denovda hamshahriga marixuana bergan masjid noibi qo‘lga olindi”, “Uyi tomsiz qolgan imomga yordam beraylik”, “Dahshatli alangadan mo‘jiza tufayli omon qolgan imom zudlik bilan operatsiya qilinishi zarur” kabi maqolalar e’lon qilingan edi. Bulardan maqsad nima? Shunday noxolis yo‘l orqali ommaning e’tiborini jalb qilish yo nashr reytingini oshirishmi?
Qur’oni karim xatmlari bo‘lib o‘tmoqda
Xabaringiz bor bu yil Muborak Ramazon oyi davomida Samarqand viloyati bo‘yicha jami 115 ta masjidlarda Xatmi Qur’on o‘tkazilishi rejalashtirilgan. Shundan ushbu oyning birinchi va ikkinchi o‘n besh kunligida o‘tkazilishi belgilan masjidlar ro‘yxati shakllantirilgan bo‘lib, ular reja asosida o‘z ishlarini davom ettirmoqda. 19 may tunda taroveh namozining 15-si o‘qildi. Birinchi o‘n besh kunlikka mo‘ljallangan 45 ta masjidlarda shu kuni Xatmi Qur’onlar o‘z nihoyasiga yetdi. Xatmi Qur’onlarda ishtirok etgan namozxonlar Qur’oni karim xatmidan so‘ng qilinadigan duolarning ijobatidan umid qilgan holda, ibodatlarni qabul bo‘lishi, tinchlik-ofiyat, fayzu barka va xatolarni mag‘firat etilishini so‘rab duoi xayrlar qildilar
Imom Buxoriy majmuasida ilk mehmonxona qurilishi boshlandi
Yurtimizning ko‘hna me’moriy va tarixiy obidalari jahon hamjamiyatida katta qiziqish uyg‘otmoqda. Ayniqsa, keyingi yillarda turizmni rivojlantirish borasida amalga oshirilayotgan ishlar tufayli xorijiy sayyohlar safi tobora kengaymoqda. Imom Buxoriy majmuasining qayta ta’mirlanishi, kengaytirilishi, obod qilinishi yurtimizning turizm salohiyatini tobora yuksaltiradi. Imom Buxoriy majmuasi atrofida ziyoratchilar uchun zamonaviy, barcha talabga javob bera oladigan infratuzilma yaratish maqsadida bosh reja ishlab chiqilgan bo‘lib, bu bosh rejaga ko‘ra, majmua yaqinida qariyb bir kilometrlik xiyobon yaratiladi, xiyobon bo‘ylab 26 ta mehmonxona bunyod etiladi. Ana shu ishlarning dastlabkisiga bugun birinchi tamal toshi qo‘yildi. Imom Buxoriy majmuasi yonida dunyoga mashhur Indoneziya mamlakatining “SAHID HOTELS & RESORTS” kompaniyasi mahalliy tadbirkorlar bilan hamkorlikda besh yulduzli mehmoxona qurishni boshladilar. Ushbu binoning poydevorini qo‘yish marosimida Samarqand viloyat hokimligi, xorijlik investorlar, mahalliy tadbirkorlar va Samarqand viloyat bosh imom xatibi Zayniddin domla Eshonqulov ishtirok etdi.
Umra ziyoratchilari qaytib kelishdi
Samarqand viloyatidan Umra ibodatiga jo‘nab ketgan 137 nafar fuqarolar ziyoratdan sog‘ salomat qaytib kelishdi. Rasululloh sollallohu alayhi vasallam "Ramazon oyida qilingan umra - haj bilan barobar" deganlar. Mana shunday ulug‘ savob bizning viloyatimzdan borgan ziyoratchilarga ham nasib etdi. Ularni Samarqand viloyat vakilligi binosida vakillik xodimlari, ziyoratchilarning yaqinlari hamda shahar va tuman hokimliklarining mutasaddilari kutib olishdi. Ziyoratchilarning bunday baxtdan mamnun ekanliklari ularning nurli chehralarida o‘z aksini namoyon qilib turgan edi. Eslatib o‘tamiz, nabatdagi ziyoratchilar guruhi 24 may kuni safarga chiqadilar. Ular “Laylatul qadr” kechasini muqaddas Ka’batulloh yonida o‘tkazish imkoniyatiga ega bo‘ladilar inshaallloh. Ziyoratingiz qabul bo‘lsin, aziz Yurtdoshlar!
Yaxshilikka dalolat qiluvchi xuddi uni qiluvchi kabidir
Tolha ibn Ubaydulloh ibn Kurayzdan rivoyat qilinadi:
“Rasululloh sollallohu alayhi vasallam:
Viloyat bosh imom-xatibi joylardagi taroveh namozlarida
O‘zbekiston musulmonlari idorasining Samarqand viloyatidagi vakili, viloyat bosh imom-xatibi Zayniddin domla Eshonqulov Muborak Ramazon oyi davomida joylardagi masjidlarda bo‘lib, taroveh namozlarida ishtirok etmoqda. Tashrif jarayonida masjidlarning faoliyati bilan tanishib, namozxonlar bilan yaqindan muloqot qilib kelmoqda.
Ehson savobli amallardandir
Alloh taolo ehson haqida shunday marhamat qilgan:
“Suygan narsalaringizdan ehson qilmaguningizgacha sira yaxshilikka (jannatga) erisha olmaysizlar. Nimaniki ehson qilsangiz, albatta, Alloh uni biluvchidir” (“Oli Imron” surasi, 92-oyat).
Alloh taologa farzlardan keyingi eng sevimli amal
Umr insoniyatga berilgan eng bebaho ne’matdir. Insonning yaralishi, hayot kechirishi va oxir-oqibat dorulfanodan dorulbaqoga rihlat etishi Alloh tomonidan joriy qilib qo‘yilgan o‘zgarmas qonundir. Insonga umr o‘zi nima uchun beriladi, inson bu umrda nimalar qilishi kerakligiga Alloh taboraka va taolo Qur’oni Karimning “Mulk” surasida mana bunday marhamat qilgan:
Samarqand viloyati masjidlarida taroveh namozi shukuhi
Joriy yil Samarqand viloyatidagi jami 285 ta masjidlarda taroveh va Xatmi Qur’on namozlari o‘qiladi. Hozirgi kunda 70 ta jome masjidlarda Xatmi Qur’on bo‘lib o‘tmoqda. Yana Ramazon oyining ikkinchi o‘n besh kunligida 45 ta jome masjidlarda Xatmi Qur’on o‘qilishi rejalashtirilgan. Quyida joylardagi taroveh nomozlaridan fotolavhalarni ko‘rishingiz mumkin:
Faxriylar hamisha ardoqda
Samarqand tumani Arabxona mahallasida istiqomat qilayotgan, besh nafar farzandning otasi, qirqta nabira va abiraning bobosi Ochilov Ahad bobo II jahon urushining suruvli yillarida fashist bosqinchilariga qarshi jang olib borgan. Urushdan qaytganidan so‘ng yosh avlodga ilm-ma’rifat ulashib, ma’orif sohasida mehnat qildilar. Bugun tinchlik hukm surayotgan, farovon kunlarda yoshlar, farzandlari haqqiga, yurtimiz kelajagining porloq bo‘lishiga duo qilib, qarilik gashtini surmoqdalar. Avlodlari, mahalla ahlining ardog‘ida bo‘lgan Ahad boboni Samarqand tuman “Arabxona” jome masjidi imom xatibi Abduzohid Rizayev ham ziyorat qilib, u kishining xotiralari, ko‘rgan-kechirganlaridan iborat hikoyalaridan bahramand bo‘ldi. Nasihatlariga quloq tutib, duolariga sazovar bo‘ldi.
Oylarning sultoni Ramazon muborak bo‘lsin!
2019 yil 1 may kuni O‘zbekiston Respublikasi Prezidentining “Muborak ramazon oyini munosib tarzda o‘tkazish to‘g‘risida”gi qarori matbuotda e'lon qilinib, unda: Joylarda Ramazon oyining mazmun-mohiyatida mujassam bo‘lgan insoniylik, ma'naviy poklik, shukronalik fazilatlarini e'zozlash, hozirgi tinch va farovon hayotimizning qadriga yetish, odamlarni bir-biriga yaxshilik qilish, ahil va hamjixat bo‘lib yashashga da'vat etadigan hamda ulg‘ayib kelayotgan yosh avlodni ona Vatanga sadoqat, milliy va diniy qadriyatlarimizga hurmat ruhida tarbiyalashga xizmat qiladigan ma'rifiy tadbirlar va targ‘ibot ishlarini tashkil etishga;
Umra ziyorati davom etmoqda
Har bir mo‘min-musulmon kishining orzusi Haj va Umra ziyoratini ado etishdir. So‘ngi vaqtlarda fuqarolarimizning ushbu ziyoratlarni ado etishi uchun qulay shart-sharoitlar hozirlashga alohida e’tibor qaratilmoqda. Shuning samarasi o‘laroq Samarqand viloyatidan safarga chiqqan navbatdagi ziyoratchilar guruhi hozir Makka shahrida bo‘lib turibdilar. Ular dastlab umra amallarini bajardilar. Ziyoratchilarimizga bugun Makka shahridagi Savr va Nur tog‘lari, Arafot maydoni, Mino, Muzdalifa vodiylariga sayohat uyushtirildi. Samarqand viloyatidan Umra ziyoratiga borgan fuqarolarga guruh rahbari bo‘lib turgan viloyat bosh imom xatibining o‘rinbosari X.Sattarov Samarqandlik ikkita va Farg‘ona viloyatidan borgan uchta guruhga ushbu ziyorat chog‘ida rahbarlik qildi hamda ziyoratchilarga ushbu maskanlarning islom tarixidagi ahamiyati, u yerlarda sodir bo‘lgan muhim jarayonlar haqida atroflicha ma’lumotlar berdi.
ZIYORATCHILARIMIZ MADINAGA YETIB BORDILAR
Viloyatimizdan joriy yilning 18 aprel kuni Umra ziyoratiga ketgan ziyoratchilarimiz bugun 19 aprel kuni Madina shahriga sog‘-salomatlikda yetib bordilar. Ziyoratchilarga guruh rahbarlari viloyat bosh imom xatibi o‘rinbosari X.Sattarov va Urgut tuman “Imom Hasan” masjidi imom xatibi H.Tojiyevlar hamrohligida mehmonxonalarga joylashdilar. Shundan so‘ng Payg‘ambarimiz alayhissalomning qabrlarini ziyorat qildilar.
Imomning so‘zlari sabab Shohida o‘z joniga qasd qilish fikridan qaytdi
“Inson borki tashvish bor. Tashvishning katta-kichikligi aslida kishining imon va e'tiqodiga qarab bo‘ladi. Bu haqiqatni Rasululloh sollallohu alayhi vasallamning hazrati Ali roziyallohu anhuga aytgan gaplarida ko‘rishimiz mumkin: «Kimki, Alloh va Uning Rasuliga muhabbat qo‘yadigan bo‘lsa, endi tayyorgarligini ko‘raversin. Unga shunday muhtojliklar yetadiki, xuddi sel yoqqanida yuzi qanday ho‘l bo‘lib ketsa, shunday kambag‘alliklar yetadi. Kimki, Alloh va Uning Rasuliga muhabbat qo‘yadigan bo‘lsa, tayyorgarligini ko‘raversin. Unga shunday balolar keladiki, o‘sha balolarga u qalqon bo‘lib turib berishiga to‘g‘ri keladi». Lekin imoni zaiflar uchun biror sinov kelsa ham osmonu falakni boshiga ko‘tarib ayyuhannos soladi, dod-faryod qiladi. O‘sha muammodan qutulishni har qanday yo‘lini qiladi. Maboda o‘zi ko‘zlaganidek natijaga erisha olmasa o‘z joniga qasd qiladi. Eng achinarlisi, o‘z joniga qasd qilishni barcha tashvishlardan qutilishning yagona yo‘li deb bilishidadir. Vaholanki, bu uslub yechim emas, balki eng buyuk azob-uqubatning boshlanishidir. Aslida esa barcha muammolarning yechimi quyidagi oyati karimada o‘z ifodasini topgan: Kimki Allohga taqvo qilsa, U unga (tashvishlardan) chiqish yo‘lini (paydo) qilur.
Sohibqiron tavallud topgan kun
Amir Temur maqbarasi Markaziy Osiyo me’morchiligining noyob asari sifatida e’tirof etilgan. Maqbara qurilishi buyuk Soxibqiron Amir Temur tomonidan 1404 yilda boshlanib, Mirzo Ulug‘bek davrida tugallangan.
