Muftiy hazratning janozalari Samarqandda o‘qiladi
Bugun, O‘zbekiston musulmonlari idorasi raisi, muftiy Usmonxon Temirxon o‘g‘li Alimov hazratlari foniy dunyodan boqiy dunyoga rihlat etganlari haqida qayg‘uli xabar bergan edik.
Muftiy hazratlarining janoza namozlari va ta'ziya marosimlari 2021 yil 16 avgust, dushanba kuni Samarqand viloyati Ishtixon tumani Orlot qishlog‘i “Eshoni Temirxon To‘ra” (avvalgi “Orlot” masjidi) jome masjidida ado etiladi.
Janoza namozi vaqtini qo‘shimcha xabar qilamiz.
Abituriyentlarning ruxsatnoma olish tartibi
O‘zbekiston musulmonlari idorasi tasarrufidagi o‘rta maxsus islom ta'lim muassasalariga hujjat topshirgan abituriyentlar Davlat test markazi tomonidan o‘tkaziladigan test sinovlariga kirish RUXSATNOMASIni Diniy idoraning qabul.muslim.uz sayti va @qabulmuslimuz_bot yoki @qabulmuslimuz2_bot telegram botlari orqali yuklab olishlari mumkin. Buning uchun abituriyent pasport seriyasi va raqamini tegishli joyga yozadi va ruxsatnomani oladi.
OG‘IR JUDOLIK
O‘zbekiston musulmonlari idorasi raisi, muftiy Usmonxon Temirxon o‘g‘li Alimov hazratlari og‘ir xastalikdan so‘ng vafot etdilar.
Alloh taolo Muftiy hazratlarini O‘z mag‘firatiga olsin, iymonlarini salomat qilsin, solih amallarini o‘zlariga hamroh etsin. Oxiratlarini obod etib, joylarini Firdavs jannatlaridan qilsin!
TANIQLI ULAMOLARNING NAVBATDAGI TASHRIF MANZILI – JIZZAX
Bugun, 13 avgust kuni yurtimizdagi bir guruh taniqli ulamolarning Jizzax viloyatiga tashriflari boshlanadi.
Safar davomida ma'naviy-ma'rifiy uchrashuvlar, olis va chekka hududlardagi aholi vakillari bilan yuzma-yuz muloqotlar, taniqli ulamolar ishitirokida jome masjidlarda suhbatlar o‘tkazilishi va ehtiyojmand oilalar holidan xabar olish kabi xayrli ishlarni amalga oshirish maqsad qilingan.
Muharram oyi va Ashuro kunining fazilati haqida
Bismillahir Rohmanir Rohiym
Muharram oyi ramazon oyidan keyin turadigan eng hurmatli oydir. Bu oy hijriy sananing boshlanish oyidir. Dinimizda bu oy urush harom qilingan oylardan biri hisoblanadi. Ashuro kuni esa muharram oyining o‘ninchi kunidir. Payg‘ambarimiz Muhammad sollallohu alayhi vasallam bu oyda ro‘za tutishga targ‘ib qilganlar.
VAKSINA OLISHNING HUKMI QANDAY?
❓759-CAVOL: Hozirgi kunda hamma joyda vaksina olishga targ‘ibot ketmoqda. Dinimiz bunga qanday munosabat bildiradi? Vaksina olishning hukmi qanday?
JAVOB: Bismillahir Rohmanir Rohim.
Ma'lumki, sog‘liqni saqlash sohasi mutaxassislari qariyb ikki yillik kuzatishlar va izlanishlardan keyin koronavirus – COVID-19 kasalligidan saqlanishning eng samarali vositasi vaksina olish ekani to‘g‘risida xulosaga keldilar.
O‘zbekiston Respublikasi Prezidentining “Imom Moturidiy xalqaro ilmiy-tadqiqot markazini tashkil etish chora-tadbirlari to‘g‘risida”gi PQ-4802-sonli Qarorining qabul qilinganiga bir yil bo‘ldi
Bundan roppa-rosa bir yil avval, 2020 yil 11 avgustda O‘zbekiston Respublikasi Prezidenti Shavkat Mirziyoevning “Imom Moturidiy xalqaro ilmiy-tadqiqot markazini tashkil etish chora-tadbirlari to‘g‘risida”gi PQ-4802-sonli Qarori qabul qilingan edi.
Moturidiylik ta'limoti asoschisi Imom Abu Mansur Moturidiy va uning izdoshlari merosini chuqur o‘rganish, ularning aqida va kalom ilmi rivojiga qo‘shgan bebaho hissasini tadqiq etish va keng targ‘ib qilish, milliy-diniy qadriyatlarimizni asrab-avaylash va rivojlantirish, shu asosda yosh avlodni ezgu umuminsoniy g‘oyalar ruhida tarbiyalash, ularda ma'naviy va ma'rifiy qarashlarimizga yot bo‘lgan zararli ta'sirlarga qarshi mafkuraviy immunitetni kuchaytirish kabi bir qator vazifalar mazkur qarorning asosiy maqsadi sifatida belgilab qo‘yilgan.
Imom Buxoriy majuasida 9200 namozxonni sig‘diradigan masjid quriladi
Imom al-Buxoriy ziyoratgohi – Samarqand viloyatining Payariq tumanida joylashgan, XX asr oxiriga kelib madaniy va ma'naviy-ma'rifiy ahamiyatga ega bo‘lgan yodgorlik majmuasi. Ushbu ziyoratgoh islom olamida eng mashhur va taniqli ziyoratgoh hisoblanadi. Imom Abu Abdulloh Muhammad ibn Ismoil al-Buxoriy dunyoga mashhur islomshunos olim va alloma bo‘lib, 1997-1998 yillarda hijriy taqvim bo‘yicha alloma tug‘ilganiga 1225 yil to‘lishi munosabati bilan u abadiy makon topgan qadimiy mozorda katta yodgorlik majmuasi barpo etilgan edi.
#Davriy_nashrlarda: IJOZANING TA'RIFI, SHAR'IY ASOSLARI VA AHAMIYATI
Qur'oni karim ta'limida Rasululloh sollallohu alayhi va sallamga bog‘lanadigan sanad bilan ijoza berishning ushbu qoidalari Makkai mukarramada 1439 h.s. rajab oyining 2-sanasi (2018 y. 19 mart)dagi majlis raisi va Islom olami Uyushmasi bosh kotibi doktor Muhammad ibn Abdulkarim raisligida o‘tgan xalqaro qiroat shayxlari kengashi a'zolarining 2-sonli yig‘ilishida ishlab chiqildi.
Qur'on qiroatini ta'lim berish jarayonida Rasululloh sollallohu alayhi va sallamga bog‘lanadigan sanad bilan ijoza berishning asosiy me'yorlari bor.
10 avgustdan yangi hijriy 1443 yil boshlanadi
2021 yil 10 avgust kuni hijriy-qamariy hisobdagi yangi yil – 1443 yil kirib keladi va uning ilk oyi muharramning birinchi sanasi boshlanadi. Odatda ushbu munosabat bilan musulmonlar bir-birlarini tabriklashadi.
Abror Muxtor Aliy Diniy idorada mas'ul vazifaga tayinlandi
✅ O‘zbekiston musulmonlari idorasida yangi tashkil etilgan “Qur'on tajvidini o‘rgatish” bo‘limi mudiri o‘rinbosari vazifasiga O‘zbekiston xalqaro islom akademiyasi faxriy doktori, taniqli bloger Abror Abduazimov (Abror Muxtor Aliy) tayinlandi.
#TAYINLOV: O‘zbekiston xalqaro islom akademiyasi faxriy doktori, qiroat ilmi ustozi Alijon qori yangi bo‘lim mudiri etib tayinlandi
✅ O‘zbekiston musulmonlari idorasida yangi tashkil etilgan “Qur'on tajvidini o‘rgatish” bo‘limi mudiri vazifasiga O‘zbekiston xalqaro islom akademiyasi faxriy doktori, qiroat ilmi ustozi, mudarris, serg‘ayrat olim Alijon qori Fayzulloh Maxdum o‘g‘li Haydarov tayinlandi.
#XUSHXABAR: Diniy idorada “Qur'on tajvidini o‘rgatish” bo‘limi ochildi!
Allohga shukrki, yurtimiz aholisining diniy-ma'rifiy ehtiyojlarini qondirish yo‘lida bir qator xayrli ishlar amalga oshirib kelinmoqda. Mana shunday ishlarning uzviy davomi sifatida Qur'oni karimga muxlis xalqimizning talab va istaklarini inobatga olgan holda O‘zbekiston musulmonlari idorasida “Qur'on tajvidini o‘rgatish” bo‘limi ochildi.
BMTning Din va e'tiqod erkinligi masalasi bo‘yicha maxsus ma'ruzachisi O‘zbekistonga keladi
O‘zbekistonning AQSHdagi elchisi Javlon Vahobov BMTning Din va e'tiqod erkinligi masalasi bo‘yicha maxsus ma'ruzachisi Ahmad Shahid bilan muzokaralar o‘tkazdi. Bu haqda «Dunyo» manbasiga tayanib, kun.uz sayti xabar berdi.
Ahmad Shahid O‘zbekiston hukumatining uning ofisi va boshqa xalqaro tuzilmalar hamda ekspertlar hamjamiyati bilan hamkorligi izchilligiga yuqori baho berib, mamlakat bilan o‘rnatilgan muloqotni davom ettirishga tayyorligini tasdiqladi.
Ahmad Shahid joriy yil sentyabr oyida O‘zbekistonga safar qilib, Nyu-York shahri universiteti huzuridagi Ralf Banch nomidagi xalqaro tadqiqotlar instituti va Esseks universiteti huquqshunoslik maktabi yordamida texnik ko‘mak dasturini ishga tushirishga tayyorligini ma'lum qildi.
Qayd etilishicha, safar dasturida tegishli davlat idoralari, fuqarolik jamiyati va diniy tashkilotlar vakillari uchun qator seminar va treninglar o‘tkazish ko‘zda tutilgan. Shuningdek, BMT doirasida qo‘llanilayotgan inson huquqlari ko‘rsatkichlariga asoslangan milliy monitoring va baholash tizimini ishlab chiqishda maslahat yordami ko‘rsatiladi.
BMT maxsus ma'ruzachisi «Deklaratsiyalar muloqoti» xalqaro forumini o‘tkazish rejasini olqishlab, mazkur anjuman yakunlari bo‘yicha «Buxoro deklaratsiyasi» qabul qilinishi alohida ahamiyat kasb etishini ta'kidladi. Ahmad Shahid «Buxoro deklaratsiya»si loyihasini ishlab chiqishda zarur maslahat yordami ko‘rsatishini, shuningdek, dekabr oyida ushbu xalqaro konferensiya ishida ishtirok etish uchun O‘zbekistonga yana bir bor safar qilishini tasdiqladi.
Paxtachi tumanida sayyor yig‘ilish bo‘lib o‘tdi
Joriy yilning 03 avgust kuni O‘zbekiston musulmonlari idorasining Samarqand viloyati vakilligi tomonidan joylarda masjidlar faoliyatini takomillashtirish, mavjud kamchiliklarni joyida o‘rganish va bartaraf etish maqsadida shahar va tuman bosh imom xatiblari hamda Paxtachi tumanidagi mavjud 12 ta masjid imom xatiblari ishtirokidagi navbatdagi sayyor uchrashuv Paxtachi tuman “Xo‘ja Ziyovuddin” masjidida bo‘lib o‘tmoqda.
