Islom terrorga qarshi
“Terror” so‘zi lug‘atda “qo‘rqitish, vahima solish” ma'nolarini anglatadi. Ko‘pchilik terrorni “O‘z maqsadiga erishish yo‘lida boshqalarning joni, moli va obro‘siga kuch va qurol ishlatish yo‘li bilan zarar yetkazish” deb atamoqdalar. Ba'zilar: “Terrorchi mavjud qonuniy tartib va butun madaniyatli dunyo bilan hamma aloqalarini uzgan kishidir…Uning uchun faqat bitta fan – yo‘q qilish, qirib tashlash fani bor xolos” demoqda.
Tarbiya - axloqning go‘zalligi
Islom dini avvvalgi samoviy dinlar kabi Alloh taoloni yagonaligiga e'tiqod qilish bilan birgalikda ota-ona, aka-uka, qarindoshlar va boshqa barcha insonlar hamda mavjudotlarga yaxshi muomala, mehr-shavqatli bo‘lishga da'vat etadi. “Ilm odob bilan ziynatlidir” degan naqlda ham insonni yoshligidan odob-axloqiga e'tibor qaratilishi, voyaga yetish mobaynida yaqinlari, ustozini hurmatini joyiga quyish borasida tarbiyasiga e'tibor qaritilishi bilan ilm cho‘qqilariga erishish nazarda tutilgan. Aks holda o‘zaro muomala, odob-axloqda nuqsonli bo‘lib, diniy va dunyoviy ilmlardan bebahra qolsa, kelajakda jamiyatda o‘z o‘rnini yo‘qotadi, biror bir kasbni ham egallay olmasdan oilasiga halol kasb ortidan rizq yetkazib berishda qiyinchiliklarga duch keladi, hatto e'tiqodda ham adashib, ikki dunyosi uchun zarar ko‘rishi mumkin.
NIKOH-MUQADDAS RISHTA
OILA-muqaddas dargoh. Oila poydevori, uning mustahkam qal’asi, er-xotin o‘rtasini mahkam bog‘lovchi rishta nikohdir. Nikoh-insonlar jamiyatida eng muqaddas bitim hisoblanadi.
ODOB-AXLOQDAN AFZALROQ MEROS YO‘Q
Farzand - Alloh taolo tomonidan biz insoniyatga berilgan buyuk ne'mat. Har bir inson o‘z farzandini dunyodagi eng namunali, ilmli va ma'naviyatli bo‘lishini orzu qiladi. Shunga erishish yo‘llarini izlaydi hamda bu yo‘lda uchragan barcha to‘siqlarni yengib o‘tishga harakat qiladi. Bu haqida Payg‘ambarimiz alayhissalom: “Farzandlaringizga ta'lim bering, chunki ular sizniki bo‘lmagan vaqt uchun tug‘ilganlar”, deb marhamat qiladilar.
LAYLATUL QADR KECHASI VA UNING FAZILATI
Ramazon oyini Alloh taolo xossatan ummati muhammadiya uchun alohida barakotli, fazilatli qilib qo‘ygan. Ramazonning xususiyati, fazilati, barakasi juda ham ko‘p va beqiyos. Qur'oni karim mazkur oyda Lavhul mahfuzdan dunyo osmoniga nozil qilingan. Bu oyda Jannat eshiklari ochilib, do‘zax eshiklari yopib qo‘yiladi, Allohning rahmatlari ko‘plab nozil bo‘ladi. Bu oyda shaytonlar va jinlarning ashaddiylari zanjirband qilinadi.Ushbu oyda bir fazilatli kecha borki, U kechaning fazli va barokati bemisldir. Bu “Laylatul-qadr” bo‘lib, uning boshqa oylardagi kechalardan sharofatli va ulug‘ ekanligi oyati karima va hadisi shariflar bilan sobit qilingan.
BUGUNGI KUNDA ISLOHOTLARDA O‘ZBEKISTON MUSULMONLARI IDORASINING O‘RNI
Muftiy Usmonxon Alimov hazratlarining AQSHga qilgan safariga munosabat
“So‘nggi yillardagi o‘zgarishlar natijasida yoshi ulug‘, kesa ayol va erkaklardan diniy idoramizga “Biz Qur'onni o‘zidan o‘qishni xohlaymiz, qayerdan o‘rganamiz” degan talab tushdi. Shunda hukumatga murojaat qilib, madrasalar qoshida pullik kurslar ochildi. U joyda o‘qish muddati uch oy bo‘lib, o‘qish jarayonida tajvid asosida Qur'oni karimni o‘qish va arab tili harflarini o‘rganadilar. Keyingi ikki yil mobaynida 7 mingdan ziyod fuqaro Qur'on o‘qish ta'limotiga ega bo‘ldilar hamda ularga bu haqida sertifikat berildi. Bu davomli bo‘ladi. Bundan tashqari o‘rta maxsus diniy ma'lumotga ega bo‘lgan fuqarolar o‘zlarining bilimlarini yanada oshirishlari uchun hukumat qarori bilan Farg‘ona, Samarqand, Qashqadaryo, Buxoro, Surxondaryo viloyatlarida fiqh, aqida, kalom, tasavvuf, hadis maktablari tashkil etildi”, deb aytdi muftiy hazratlari.
Yaxshilik talabgori bo‘ling
Anas ibn Molik (roziyallohu anhu)dan rivoyat qilingan hadisi sharifda Rasululloh sollallohu alayhi va sallam marhamat qilib shunday deganlar: “Butun umringiz davomida yaxshilik talabgori bo‘lib, Alloh azza va jallaning rahmat shabadalariga yo‘liqing! Zero, Allohning rahmati jumlasidan bo‘lgan shabadalari borki, ularni bandalaridan xohlaganiga nasib qiladi” (Tabaroniy, Bayhaqiy, Ibn Abdul-Barr, Abu Nuaym, Ibn Asokir va boshqalar rivoyati).
MOHI RAMAZON FAZILATI
Hazrati Abu Lays Samarqandiy rahmatullohi alayh o‘zlarining mashhur “Tanbehul g‘ofilin” asarlarida Ramazon oyining fazilati to‘g‘risidagi bobda otalaridan silsila orqali hazrati Ibni Abbos roziyallohu anhudan rivoyat qilgan hadisda Rasululloh sollallohu alayhi vasallam shunday deb marhamat qilganlar: “Albatta, jannat muborak Ramazon oyi kirishi oldidan yildan yilga xushbo‘ylanadi, ziynatlanadi. Ramazon oyining birinchi kechasi Arshning ostidan yengil shamol — shabada esadi. Uning nomi Masiyradir. Jannat daraxtlarining barglarini tebratadi. Eshiklarining tabaqalari taqqillaydi. Xalqalari uriladi. Bu jaranglashlarning barchasi go‘zal bir ohang kasb etib, eshituvchilar bundanda yaxshi ovozni eshitmaganlar. Hurul 'iynlar ko‘rinish beradilar. Hatto ular jannat tepasidan qo‘nim topadilar. “Alloh taologa kuyov bo‘lishni hohlovchilar bormi? Bas, Alloh subhonahu va taolo ularni bizlarga juft qilsin. Keyin Rizvondan (jannatga vakil qilingan farishta) “Ey, Rizvon bu kecha qanday kecha? — deb so‘raydilar. Ular talbiya bilan javob beradilar: “Ey, jannat go‘zallari bu kecha Ramazon oyining avvalgi kechasidir”. Alloh taolo: Ey, Rizvon jannatning eshiklarini habibim Muhammad sollallohu alayhi vasallamning ro‘zador ummatlari uchun och. Molikka qarata (molik do‘zaxga vakil qilingan farishta) “Ey, Molik jahannam eshiklarini Muhammad sollallohu alayhi vasallamning ro‘zador ummatlari uchun yop”. Keyin Jabroil alayhissalomga: “Ey, Jibril yerga tush, bas shaytonlarning sarkashlarini zanjirband qil, ularni g‘ullar bilan kishanla. Keyin ularni dengiz to‘lqinlariga uloqtir. Hattoki ular Mening habibim Muhammad mustafo sollallohu alayhi vasallamning ro‘zador ummatlarini ro‘zalarini buzmasin”. Alloh subhonahu va taolo Ramazon oyining har kechasida uch marotaba: “Mendan so‘raguvchi bormi? So‘raganini beraman. Menga tavba qiluvchi bormi? Tavbasini qabul qilaman. Menga istig‘for aytguvchi bormi? Men uni mag‘firat qilaman”, deydi. Keyin Rahmonning nido qiluvchilaridan biri nido qiladi: “Kim uzoq muddatga yo‘q bo‘lib ketmaydigan, hech bir zulmsiz vafo qilinadigan qarz beradi”.
Til bu millatning ko‘zgusi!
Bir guruh shaxslarning O‘zbekistonda rus tiliga rasmiy til maqomini berish taklifi bilan chiqishi keyingi kunlarda ijtimoiy tarmoqlarda keng muhokamalarga sabab bo‘lmoqda.
Eng yaxshi iftorlik riyodan xoli bo‘lganidir
Ramazon oyi kirishi bilan butun Islom olamida o‘zgacha ruh paydo bo‘ladi. Ibodat, Qur'on tilovati, xayru ehsonlar mavsumi boshlanadi. Kun bo‘yi Allohning roziligi uchun o‘zini yeb-ichishdan, shahvatdan, hatto ko‘z, qo‘l, quloq, qalb, boringki butun vujudini gunoh ishlardan saqlab, taqvoda, odob-axloqda kunini o‘tkazgan kishi chin ma'nodagi ro‘zador sifatida quyosh botganidan so‘ng iftorlik qiladi. Mana shu daqiqalar mo‘min kishi uchun eng xursand bo‘ladigan onlar hisoblanar ekan.
Ziyoratda shirkdan saqlanaylik!
Shu kunlarda Buxoro viloyatining Kogon tumanidagi Bahouddin Naqshband ziyoratgohidagi qurigan daraxtni muqaddas sanab, uni tavof qilish va undan hojatini so‘rash kabi shirk amallar aks etgan videolavhalar ijtimoiy tarmoqlarda keng tarqalayotgani kuzatildi. O‘zbekiston musulmonlari idorasi tomonidan ziyoratgohlardagi shirk amallardan saqlanish borasida aniq ko‘rsatma va fatvolar e'lon qilingan.
O‘n mashhur qiroat
“Qiroat” so‘zi lug‘atda “o‘qimoq”[1] degan ma'noni anglatadi. Istilohiy ma'noda esa qiroat – Qur'on o‘qish ilmi imomlaridan birining Qur'on o‘qishda naql va rivoyatga asoslangan holda boshqa imomlardan o‘zgacha yo‘l tutishi, qiroat qilishidir. Boshqacha qilib aytganda, biror qiroat imomi tomonidan yo‘lga qo‘yilgan ma'lum harflarning tartibli ravishdagi jamlanmasi qiroat deb aytiladi[2].
