ЎЗБЕКИСТОН ТИНЧЛИК ЮРТИ
Ватанни севиш, хар бир инсонни вазифасидир. Бугунги кунда интернет тармоқларида айрим илмсиз жоҳил кишилар томонидан сайловга қатнашиш куфр, унга қатнашмаслик тўғрисида турли хабарлар тарқатяпти. Aслида ўзларига рахбар тайинлаш сахобалар даврида хам бўлиб ўтган. Бунга мисол Aбу Бакр розияллоҳу анҳу Пайғамбаримиз солаллоҳу алайҳи васаллам вафотларидан кейин, муҳожир ва ансорлар томонидан сайланганлар.
ПАЙҒАМБАР АЛАЙҲИССАЛОМНИНГ КЕЧИРИМЛИЛИКЛАРИ
Динимиз бизни солиҳ амалларга буюриш билан бирга намунали ва гўзал ахлоққа ҳам тарғиб этади. Зотан, дин уч нарсадан иборатдир: тўғри ақида, солиҳ амал ва намунали хулқ. Ана шу мақталган ахлоқлардан бири ҳалимлик ва кечиримлиликдир. Бир сўз билан айтганда кечиримли бўлиш, динимиз таълимотидир.
ИМОН ЙЎЛИНИНГ ИЛК ЙЎЛОВЧИЛАРИ (Ас-собиқийн ал-аввалийн)
Ҳазрати рисолатпаноҳ Муҳаммад Мастафо соллаллоҳу алайҳи васаллам қирқ ёшга тўлиб илк ваҳий келганида, ул зотнинг дунёга келишларидан кутилган мақсад ва вазифани амалга ошириш вақти бошланган эди. Расулуллоҳ нафақат Аллоҳни таниб унга ибодат қилиш, балки Аллоҳни бошқаларга танитиш, фақатгина унга ибодат қилиш ва унга қай тариқа сиғиниш ва ибодат қилишни ўргатиш учун яратилган эдилар.
ПАЙҒАМБАРИМИЗНИНГ СЎЗЛАШДАГИ ХУЛҚЛАРИ
Аллоҳ таола суюкли Пайғамбари, ҳабибимиз Муҳаммад соллоллоҳу алайҳи васалламни оламларга раҳмат қилиб юбориш билан бирга, у Зотни барча инсонлар учун намуна ва ўрнак оладиган комил инсон қилиб юборди. Аллоҳ Расулуллоҳни хулқларини гўзал ва олий қилди. Бу ҳақда “Қалам” сурасида: “Ва албатта, сен улкан хулқдасан”, деган хитоб билан Аллоҳ таоло ўзининг маҳбуб Пайғамбарининг нақадар чиройли ахлоқ эгаси эканликларини таъкидлади.
Оила қурмоқчи бўлганларга имтиҳон саволлари
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бу мақола эркак киши уйланмоқчи бўлган аёлга бериши керак бўлган 12 та савол ва аёл киши турмушга чиқмоқчи бўлган йигитга бериши лозим бўлган 10 та саволдан иборат. Бу 22 та саволда бўлажак турмуш ўртоқларнинг (эркак-аёл) олдиндан билиши зарур бўлган ҳақлари ва мажбуриятлари ёритилган ҳамда эр-хотин томонидан уларнинг бажарилиши ёшларнинг бахтли келажагини таъминлайди, иншааллоҳ.
Тил – миллатнинг маънавий бойлигидир.
Тил — давлат тимсоли, мулки. Тилни асраш, ривожлантириш – миллатнинг юксалиши демак. Ўзбекистон Республикаси Конституциясида давлат тилининг мақоми ҳуқуқий жиҳатдан мустаҳкамлаб қўйилган. Шу тариқа ўзбек тили мустақил давлатимизнинг Байроғи, Герби, Мадҳияси қаторида турадиган, қонун йўли билан ҳимоя қилинадиган муқаддас давлат рамзига айланди.
СУРАТИНГИЗ БИЛАН ОРАМГА УСТУН ҚЎЙДИМ, ЖАМОЛИНГИЗГА МУШТОҚ ЯШАДИМ, Ё РАСУЛУЛЛОҲ
Абу Дасама Ваҳший ибн Ҳарб ал-Ҳабаший (Аллоҳ бу зотдан рози бўлсин) зиддиятли ҳаёт йўли билан Ислом тарихида алоҳида из қолдирган саҳобийлардан эди. Аллоҳ таолонинг иродаси ва белгилаган тақдири туфайли у Уҳуд кунида Ҳамза ибн Абдулмуттолибдек улуғ саркардани ўлдириб, Расулуллоҳ соллаллоҳу алайҳи васалламнинг муборак қалбларини қонга бўяган, кейинчалик Ямома куни сохта «пайғамбар» Мусайлиматул Каззобни қатл қилиб, мусулмонлар қалбидаги ярага малҳам қўйган эди. Тарихчилар унинг ҳақида «Бу киши Муҳаммад соллаллоҳу алайҳи васалламдан кейинги энг яхши одамни ва энг ёмон одамни ҳам ўлдирган» деб ёзишган.
БАС, АНА ШУ ИЛА ХУРСАНД БЎЛСИНЛАР!
Ҳабиб пайғамбарини оламларга раҳмат қилиб юборган Аллоҳ таолога ҳамду сано бўлсин!
Ўз умматига дунё ва охиратда мушфиқ ва меҳрибон бўлган жаноб Расулимизга салоту саломларимиз бўлсин!
Расулуллоҳ алайҳис саломнинг туғилган ойлари ва яқинлашиб келаятган таваллуд айёмлари барчага муборак бўлсин.
Деярли ҳар йил Рабийъул аввал ойи кириши билан мавлид ҳақидаги ҳар хил гап-сўзларга дуч келамиз. Биров мавлидни жоиз деса, баъзилар буни ғайри машруъ эканига урғу беришади. Кейинги фикрни махкам ушлаганлар ҳатто ўз мусулмон биродарларини диндан чиқаришгача боришади. Ҳозирда салафларга "эргашишни даъво" қилаятганлар Расулуллоҳ алайҳис саломнинг мавлидларини эслаб хурсандчилик изҳор қилишни бу бидъат, буни саҳобалар ва тобеъинлар қилишмаган, агар қилиш мумкин бўлганида ана ўшалар қилишар эди, дейишади ва бу борада кўп баҳс-мунозара қилишади.
СОХТА ТАРИҚАТЧИЛАРГА РАДДИЯ!
Тасаввуф йўналишида ҳам асл тасаввуфни тушунмасдан, бузиб талқин қиладиган тоифалар учраб туради. Уларнинг фаолиятига эътироз бўлаётган энг асосий масалаларнинг бири тариқатга кирган кишига илмнинг шарт эмаслиги ва ҳатто илмни тарк қилиш афзаллиги. Баъзи бир сохта тариқатчилар бунга ушбуларни далил қилиб келтирадилар. Аввало илмнинг моҳияти ибодатга восита бўлишидир. У орқали инсон Роббисини танийди ва унга бандалик қилишга ҳаракат қилади. Модомики инсон Аллоҳга ибодат қилиш йўлига ўтган экан, унга илмнинг кераги йўқ.
ЮЗЛАБ КЕЛТИРМОҚЧИ БЎЛГАН ДАЛИЛИНГИЗ АЛЛОҲ ТАОЛОНИ - МАХЛУҚЛАРНИ СИФАТИДАН ПОКЛИГИГА ДАЛИЛ БЎЛАДИ ХОЛОС
"АЛЛОҲ ЮҚОРИДА" - "АЛЛОҲ ОЛИЙ ЗОТДИР" деганда, "Жиҳат" нисбатига эга бўлмиш: Тепа томон, юқори тараф, деган маънони назарда тутаётган бўлсангиз, билиб қўйингки, Салафлардан ҳам Саҳобалардан ҳам, Китоб ва Суннатдан ҳам далил топа олмайсиз. Юзлаб келтирмоқчи бўлган далилингиз АЛЛОҲ ТАОЛОНИ - махлуқларни сифатидан ПОКЛИГИГА ДАЛИЛ БЎЛАДИ холос.
Агар, "Аллоҳ юқорида" деган сўздан мурод: Аллоҳ барча махлуқотлардан олий ҳамда юқори десангиз, яъни: арабий тилда: العليّ сўзни қасд қилсангиз, биз Аҳли-сунна ва сиз билан (бу масалада) фарқимиз йўқ. Албатта, биз ҳам Аллоҳ таоло махлуқотларидан олий Зотдир, деймиз. Бунга иймон келтирамиз.
ҲАҚИҚАТЛАР
Кошки, бу янги чиқган тоифалар Аллоҳнинг Зотида тафаккур юритиш масалалари ҳақида фитна қўзғаб, омма халқни онгини бўзмасалар эди. Улар ҳам, "Аллоҳ (азза ва жалла)га нима лоиқ бўлса, шундай дейман, нима нарса нуқсон бўлса, Аллоҳни поклайман"-деб, Аллоҳнинг Зоти тўғрисида ақилларини юритамасалар эди. Биз бу масалалар ҳақида, омма халққа асло гапирмаган бўлардек. Аксинча, Аллоҳни танитиш ва ёлғиз У Зотгагина ибодат қилиш, ҳамда Ислом ахлоқлари ва аҳкомларини таълим бериш билан чекланган бўлардек.
"САЛАФИЙ"ЛАР ВА ҲУЛУЛ АҚИЙДАСИ
Бисмиллаҳир роҳманир роҳийм
Бугунги кунда, фақат ўзларинигина энг соф “тавҳид”га эътиқод қилишини таъкидлайдиган “салафий”лар Қуръон оятлари ва ҳадисларда келган муташобиҳ оятларнинг зоҳирий маъносига асосланган ҳолда, Аллоҳнинг сурати, жисмоний тана аъзолари, тарафи, чегараси бор эканлиги (тажсим ақийдаси)га эътиқод қиладилар ҳамда бу бузуқ эътиқодларида уларга ҳамфикр бўлмаган мусулмонларни куфр ва адашувда айблайдилар.
