Мўминнинг мукофот оладиган куни
Аллоҳ таолога беадад ҳамду санолар бўлсинки Рамазон рўзасини тугатиб, эвазига катта мукофатлар олиш арафасида турибмиз. Бу мукофот албатта рўзадорларга Яратган Зот тамонидан ҳайит куни бериладиган, миқдори Ўзигагина аён бўлган улкан мукофотдир. Шунинг учун ҳам ҳайит байрамини аъло кайфият ва кўтаринки руҳ билан ўтказиш лозим. Ҳайит куни дуолар ижобат бўладиган, гуноҳлар кечириладиган муборак кундир. Бу кунда ўқиладиган намоз вожиб ҳисобланади. Намозгоҳга бориш учун ҳар бир намозхон уйидан таомланиб чиқиши, мисвак ва ғусл қилиши, хушбўй атир сепиши, энг яхши кийимларини кийиши ва намоз вақтигача фитр садақасини бериши суннат амаллардан ҳисобланади. Бомдод намозидан то ҳайит намозигача нафл намозлар ўқилинмайди. Ҳайит куни илоҳий байрам бўлганлиги учун бу кунда фотиҳахонлик қилмасдан байрамона кайфиятда бир бирларимизни қутлаб совға саломлар бериб хурсандчилик билан ўтказиш керак. Пайғамбаримиз (с.а.в) бир ҳадисларида: “Ҳайит намози ўқиладиган кун шайтон “Дод” деб юборади. Унинг лашкарлари “Сени ким йиғлатадиган даражада хафа қилди” деб қайта қайта сўрасалар ҳам тўхтамай йиғлайверади. Охири йиғидан тўхтаб: “Бир йил ҳаракат қилиб, одам болаларини йўлдан уриб, уларга турли гуноҳларни қилдирган эдим, бари куйиб кетди. Бир ой тутган рўзаси ҳурматидан Аллоҳ уларнинг барча гуноҳларини кечириб юборди”, - деб жавоб беради. Шайтон йиғлаб, куйиб хафа бўладиган кунда мўмин мусулмонлар шод бўлиб хурсандчилик қилишлари, ота-оналаридан, қариндош уруғларидан, опа-сингилларидан, қолаверса кам таминланган оилалардан хабар олишиб хурсандчилик улашишлари лозим. Расулуллоҳ (с.а.в): “Ким бир мусулмоннинг дунё қайғуларидан бирини кетказса, Аллоҳ унинг қиёмат кунидаги қайғуларидан бирини кетказади. Ким дунёда бир қийналган биродарининг оғирини енгил қилса, Аллоҳ таоло унинг қиёматдаги оғирини енгил қилади. Қайси бир банда бошқа бир бандага ёрдам қилса, Аллоҳ таоло унга ҳам ёрдам қилади”, - деб мархамат қилганлар. (Термизий ривояти). Охиратини ўйлаган ҳар бир мўмин киши имкони борича савоб талабида муҳтожларга ёрдам қўлини чўзиши жаннат томон ташлаган қадамига тенгдир. Айниқса ҳайит кунлари бой ва камбағаллар тенг бўлиб хурсандчилик қилсалар, ҳар бир хонадонга байрам шукуҳи кириб борса нур устига аъло нур бўлади. Гап талашиб арзимас дунё матоҳи учун аразлашиб юрганлар, аввало ҳайит ҳурматидан тезда ярашиб бир бирларидан узр сўрашлари керак. Буюк Аллоҳимиз бандаларнинг гуноҳларини кечириб турганида биз ожиз бандалар бир биримизнинг гуноҳимиздан ўтмасак ношукурлик эмасми. Албатта мўмин кечиримли бўлади. Иншаоллоҳ ҳайит байрамини биргаликда ўйнаб кулиб, аъло даражада ўтказамиз. Вилоятимиз худидида 273 та жоме масжидларда соат 05:45 дақиқа ўтганда ҳайит намози ўқилинади. Намозхонлар учун масжидларимизда шарт шароитлар яратилган. Аллоҳ таоло барчамизнинг ханодонларимизга барокатларини нозил айлаб келгуси йил рамазон ойига соғ саломат етишимизни насиб қилсин. Яна бир бор байрамингиз муборак бўлсин азизлар.
ИФТОРЛИК-РИЁКОРЛИК ЭМАС
Аллоҳга беадад шукрлар бўлсинки, муборак Рамазон ойини барчамиз тинчлик, хотиржамликда ўтказиб келмоқдамиз. Бу ойнинг дастлабки ўн кунлиги – “раҳмат” даҳасида ер юзига Аллоҳнинг раҳмати ёғилади. Иккинчи ўн кунлиги мағфират даҳаси аталиб, холис ният билан рўза тутган кишиларнинг гуноҳлари кечирилади. Охирги ўн кунлиги эса “Дўзахдан нажот”, яъни Аллоҳнинг раҳматига ноил бўлган, гуноҳларидан пок бўлганлар, албатта, дўзахдан нажот топадилар. Яна бу даҳани “Қадр даҳаси” ҳам деб атайдилар.
ИСТИҚЛОЛ ШАРОФАТИ ИЛА ТИКЛАНГАН ҚАДРИЯТ
Истиқлол йилларида кўҳна тарихимиз, бой меросимиз, миллий давлатчилигимиз, муқаддас динимиз, урф-одат ва анъаналаримиз қайта тикланди. Бугунги кунда меҳр-оқибат, бағрикенглик, ҳамжиҳатлик каби олийжаноб фазилатлар, миллий ва умумбашарий қадриятларга ҳурмат, Ватан тақдири ва келажагига дахлдорлик туйғуси юрагимизнинг туб-тубидан ўрин олди.
ОЙЛАРНИНГ СУЛТОНИ РАМАЗОН МУБОРАК!
“Эй иймон келтирганлар! Сизлардан олдинги (уммат)ларга фарз қилингани каби сизларга ҳам рўза тутиш фарз қилинди, шояд (у сабабли) тақволи бўлсангиз” (Бақара, 183).
САБР ИМОННИНГ ЯРМИДУР
Сабр-матонат ва бардош мўминларнинг энг яхши сифати, уларнинг шаънини улуғловчи гўзал фазилатларидандир. Шунинг учун ҳам Аллоҳ таоло бандаларига бирор мусибат, офат ёки машаққат келганида фақат сабр қилишга буюради.
Таровиҳ намозининг фазилатлари
Таровиҳ намозининг фазилатлари ҳақида ҳазрати Али (к.в.)дан сўраганларида, ул жаноб шундай дебдурлар:
РАМАЗОН КЕЧАЛАРИНИНГ ЗИЙНАТИ
Бандаларини гўзал суратда яратган, улар учун фойда ва зарарни уларнинг ўзларидан ҳам яхшироқ билган Зот бандаларига бир йилда бир ой баъзи нарсалардан тийилган ҳолда рўза деб аталмиш ибодатни бажаришларини амр қилди.
РАМАЗОН ҚУРЪОН ОЙИДИР
Рамазон Қуръон ойидир. Ҳа, Рамазоннинг энг буюк фазилатларидан бири – бу унинг Қуръон ойи эканидадир. Аллоҳ таоло Ўзининг сўнги китоби, Қиёматга боқий қоладиган, барчани ожиз қолдирган мўъжиз каломи Қуръони Каримни нозил қилиш учун айнан Рамазон ойини танлаган. Шунинг ўзи бу ойнинг қанчалар улуғ эканини англаш учун етарлидир. Аллоҳ айтади:
ТУРМУШДАГИ ҲАМЖИҲАТЛИК ОИЛАГА БАРАКА КЕЛТИРАР!
Муниса уй юмушларини бажаргач, Аҳмаджоннинг хонасига кирди. Стол устидаги китобларни тахлаб турган эди, ҳадислар тўпламига кўзи тушди. Китобдаги бир ривоят диққатини жалб қилди: Салмон Форсий (р.а.) ривоят қилишларича, Фотимаи Заҳро (р.а.) Пайғамбар (алайҳиссалом)нинг олдиларига кирдилар. Кўзлари Расулуллоҳ (с.а.в.)га тушиб йиғладилар. Сарвари олам (с.а.в.) Фотимаи Заҳродан сўрадилар: “Эй Фотима, сени нима йиғлатди?”. “Эй Аллоҳнинг пайғамбари (с.а.в.), ман бирла куёвингиз Али (р.а.) ўртамизда бир сўз ўтди. Али (р.а.) мендан қиттиқ хафа бўлдилар. Сабаби шуки, менинг оғзимдан беихтиёр бир сўз чиқиб кетди. Мен у кишига узрлар айтдим. То мендан хушнуд бўлиб юзимга кулиб қарадилар”. Пайғамбаримиз (с.а.в.) айтдилар: “Эй фарзанд, билмасмидинг Эрнинг ризоси, Худонинг ризосидур ва эрнинг нохушлиғи Худои Таолонинг нохушлиғига сабаб бўлади. Эй Фотима, ажаб саодатлиғдур, ул хотинданки эри андин рози бўлса, ҳар хотун кеча-кундуз эрининг хизматида бўлиб, бир марта эрини хушнуд қилса, бир йиллик ибодатдин яхшироқдур. дедилар. Эй қизим, хотунларга ҳамма амаллардан яхшироғи Аллоҳнинг фарзидан сўнгра ва эрини хизматидан сўнгра чарх йигирмоғи. Бир соат ўлтириб чарх йигирмоқ, хотунларга бир йиллик ибодатдин яхшироқдур. Эй Фотима ҳар хотунки, эри андин ризо бўлса, Жаннатнинг хоҳлаган эшигидин киргай”.
ГИЁҲВАНДЛИК УМР ЗАВОЛИ
Ҳаёт гўзал. Ҳаёт лаззатлик. Ана шу гўзалликдан завқланиб, ҳаёт лаззатидан татиган киши дунё саҳнасига яхши амаллар қилишга ҳаракат қилади. Ота-она, оғайни-қариндош, ака-ука, опа-сингил, қўни-қўшнининг қадрига етиб яшайди. Ҳаромдан ҳазар қилиб, ҳалоллик байроғини баланд тутади. Муқаддас динимиз кўрсатмаларига амал қилади.
Муборак Рамазон ойининг фазилати
Инсонни камолот сари етакловчи диний қадриятларимиздан бири Рамазон ойи билан боғлиқ маросимлардир. Бу ойда тутиладиган рўза амали инсонда ўз нафсини бошқара олиш, сабр-қаноатли бўлиш, мақсад сари собитқадамлик билан интилиш каби фазилатларнинг шаклланишига хизмат қилади. Бу фазилатларни касб этган инсон эса ҳаётда дуч келадиган ҳар қандай тўсиқларни осонлик билан енгиб ўта олади. Рўза инсонни ҳалол-покликка даъват этади, унинг қалбини турли ғуборлардан тозалайди[1].
СОҒЛОМ ФАРЗАНД ЮРТ ТАЯНЧИ
Тарихга назал солсак, шарқий халқларимизда фарзанд тарбияси, унинг ахлоқ-одоби, илм-маърифати доимо эътиборда бўлиб келган. Айниқса, ислом динида Қуръони карим ва ҳадиси шарифлар кўрсатмаларига биноан бу вазифа янада масъулиятли бўлиб, ота-она зиммасига юклатилди.
