Диний идора ҳаётидаги муҳим воқеалар йилномаси.
1971 йил. Муфтий Зиёвуддин ибн Эшон Бобохон Қоҳирадаги Ислом тадқиқотлари академиясининг VII анжуманида қатнашди.
* * *
1971 йил. Тошкентда Имом Бухорий номли Тошкент олий маъҳади очилиб, унда йигирмага яқин талаба таълим ола бошлади.
* * *
1974 йил август. Улуғ муҳаддис Имом бухорий таваллудининг 1200 йиллигига бағишлаб Самарқанд шағрида “Имом Бухорий ва ҳозирги замон” мавзуида илмий амалий анжуман ўтказилди. Унда жаҳоннинг 33 мамлакатидан келган дин арбоблари, йирик олимлар қатнашди.
“Ўзбекистон мусулмонлари идораси” китобидан, 21-бет
Тарбия қанча мукаммал бўлса, халқ шунча бахтли яшайди
Ёш авлод тарбияси ҳамма замонларда ҳам муҳим ва долзарб аҳамиятга эга бўлиб келган. Аммо биз яшаётган ХХI асрда бу масала ҳақиқатдан ҳам ҳаёт-мамот масаласига айланиб бормоқда.
Ёш авлодни тарбиялашда маҳалланинг ўрни
Самарқанд шаҳар “Барака” маҳалласида “Қўшбаққоли” жоме масжиди имом-хатиби Жобир Рустамов маҳаллада истиқомат қилувчи аҳоли билан диний-маърифий мавзуда давра суҳбати ўтказди.
Нарпай тумани “Чақар” қишлоғида истиқомат қилувчи оқсоқолларнинг Кун.уз тахририятига йўллаган мурожаатига МУНОСАБАТ
Нарпай тумани “Чақар” қишлоғида яшовчи бир гуруҳ оқсоқоллар Kun.uz таҳририятига маҳалладаги рўйхатдан ўтмаган масжидни очилиши юзасидан мурожаат қилган.
Ҳақиқатдан ҳам, мазкур бино бугунги кунда масжид сифатида давлат рўйхатидан ўтмаган.
Мурожаат юзасидан шуни маълум қиламизки, Ўзбекистон мусулмонлар идораси вилоят вакиллиги томонидан ушбу фуқароларга масжидни давлат рўйхатидан ўтказиш юзасидан бир неча маротаба тушунтириш ишлари олиб борилган.
“Ҳидоят”, “Мўминалар” журналлари ва “Ислом нури” газетасига обуна бўлишга шошилинг!
Ушбу нашрларни ўқиганда юртимиз ва дунё мусулмонлари ҳаёти билан танишиш баробарида илм ҳам ўрганасиз. Шунингдек, юртимиздаги энг кўп ададда нашр этиладиган "Ҳидоят" журнали ва салмоқли ададларда чоп этилувчи "Мўминалар" журнали ва "Ислом нури" газетаси сизнинг ҳамфикрларингиз сонини ҳам орттиради. Сиз ушбу нашрларда ўз ижодингиз билан қатнашиш имконига ҳам эгасиз. Сизнинг ижодингиз "Газетхон илҳоми", "Мактубларда манзаралар" ва бошқа мавзуга мос рукнлар остида эълон қилинади.
Диний идора ҳаётига оид муҳим воқеалар йилномаси
1962 йил. Муфтий Зиёвуддинхон ибн эшон Бобохон Бағдодда (Ироқ) ўтказилган халқаро Ислом конгресси мажлисида қатнашди.
* * *
1963 йил август. Диний бошқарма таклифига биноан Ҳиндистон муфтийи, Уламолар жамияти раиси, шайх Атиқур Раҳмон Усмоний бошчилигида меҳмонлар ташриф буюрди.
* * *
1968 йил. “Совет Шарқи мусулмонлари” журнали қайтадан нашр этила бошланди.
* * *
1968 йил. Қуръони карим нозил бўлганининг 1400 йиллиги муносабати билан Тошкентда хаттот Мирза Ҳошим Хўжандий 1913 йили насх хатида кўчирилган нусха асосида Қуръони карим нашр этилди.
“Ўзбекистон мусулмонлари идораси” китобидан, 20-бет
Мурувватли қўллар ҳамиша ёрдамга шай
Ургут туман “Шайх Қутбиддинхон” жоме масжиди жамоатининг моддий ёрдами билан Сўфиён маҳалласида истиқомат қилувчи моддий ёрдамга муҳтож бўлиб турган Сафарова Гулсара опага 1220000 (Бир миллион икки юз минг сўм) ёрдам пули берилди.
Малайзиялик меҳмонлар Имом Бухорий мақбарасини зиёрат қилди
Юртимизда расмий ташриф билан бўлиб турган Малайзия Бош вазирининг махсус вакили, Ташқи ишлар вазирининг ўринбосари Муҳаммад Яҳё бошчилигидаги делегация бугун Самарқанд шаҳрига ташриф буюрди. Меҳмонлар Самарқанддаги зиёратини Имом ал-Бухорий мажмуасидан бошладилар. У жойда дастлаб, муҳаддислар султони Имом Бухорий ҳазратларининг равзалари зиёрат қилинди. Шундан сўнг меҳмонлар Имом Бухорий Халқаро илмий-тадқиқот маркази ва ҳадис илми мактаби фаолияти билан танишди. Меҳмонларнинг зиёрати давомида уларга Самарқанд вилоят бош имом-хатиби Зайниддин Эшонқулов ва Имом Бухорий ёдгорлик мажмуаси бошқарув кенгашининг раиси Д.Эрмаматовлар ҳамроҳлик қилди.
Диний идорага оид Муҳим воқеалар йилномаси
1947 йил. Нусха кўпайтириш йўли билан “Совет шарқи мусулмонлари” журнали нашр этила бошлади.
* * *
1948 йил. Ҳижрий-қамарий ҳисоб билан мусулмонлар тақвими чоп этилди.
* * *
1948 йил декабрь. Ўрта Осиё ва Қозоғистон мусулмонларининг иккинчи қурултойи бўлди. Унда Зиёуддинхон ибн Эшон Бобохон диния назорати раисининг ўринбосари этиб сайланди.
* * *
1961 йил. Диний бошқарма қошида халқаро алоқалар бўлими ташкил этилди.
Имом хатибларнинг масъулиятли вазифалари
Муқаддас динимиз кишилик жамиятда барча шароит ва ҳар қандай ҳолатда ҳам инсонларга тўғри йўлни кўрсатувчи, тасалли берувчи, кишиларни ўз эътиқоди доирасида бирлаштир турувчи вазифасини бажариши бизга маълум. Айни мана шундай энг нозик ва муқаддас туйғулар номи остида инсониятни ўз йўлидан чалғитиш, бузуқ ва асоссиз ақидаларини инсонлар онгига “жойлаштириш” бу энг катта хавф-хатардир. Ақидапараст оқимларнинг даъво қилаётган “ҳақиқий ислом арконлари” ҳеч қандай илмий ва шаръий асос ва далилларга эга эмаслиги, балки ислом дини таълимотига бутунлай зид эканлигини бугун дунё уламолари исботлаб бўлди. Халқ пешвоси, маърифат тарқатувчи саналган имом-хатибларимиздан ўзлаштирган билимларини кенг жамоатчиликка батафсил етказиш, аҳолини, айниқса ёшларни бу каби фитна-фасод, бузғунчилик мафкурасига йўғрилган таълимотлардан саломат сақлай олишдек улкан масъулият талаб этилади.
Бугун Самарқанд шаҳри куни
Маълумки, 1996 йилдан бошлаб 18 октябрь “Самарқанд куни“ сифатида кенг нишонланади. Ушбу кунда шаҳар ўзгача шукуҳ таратади. Шаҳарнинг ҳар бурчакларида байрам кайфияти кезиб юради.
Пахта-миллий бойлигимиз
Диёримизда олтин куз фасли ўзининг ўзгача жилоси билан бошланди. Азал-азалдан ушбу давр пишиқчилик, мўл ҳосилни йиғиш ва сарфланган меҳнат самарасини кўриш мавсуми ҳисобланади. Сентябрь ойидан бошлаб оқ олтин, яъни ризқу рўзимиз бўлган пахта ҳосилини териш ишларига уюшқоқлик билан киришилади.
Масжидлар яна ҳам обод бўлмоқда
Сўнги вақтларда намозхонлар, маҳаллий ва хорижий меҳмонларга янада қулай шароитлар яратиш мақсадида масжидларни кенгайтириш учун янги бинолар, замонавий таҳоратхоналар қурилиб, эскилари таъмирланмоқда. Самарқанд вилояти масжидларида олиб борилаётган қурилиш, таъмирлаш ва ободонлаштириш ишлари билан яқиндан танишиш мақсадида ЎМИ Самарқанд вилоят вакили З.Эшонқулов Самарқанд шаҳридаги “Мурод Авлиё” масжидида янгидан барпо этилаётган таҳоратхонанинг қурилиш ишлари билан танишди.
Маърифат сари йўналтириш ҳар биримизнинг вазифамиздир
Ислом инсонни руҳий, жисмоний покланиш йўли билан камолатга етаклаб, мунтазам равишда ижтимоий фаолликка, маърифатли бўлишга даъват этади. Исломда масалага кўр-кўрона ёндашув, бирёқлама хулосалар, жаҳолат кескин қораланади. Айрим ёвуз ақидапараст кучлар ёшлар онгини заҳарлаб, уларни кўп қадим қадриятларимиздан узоқлаштираётганлиги, уларни жаҳолатга тортаётгани ва бунга алданиб қолаётганлар озми-кўпми борлиги ачинарли, албатта. Бугун ёвуз кучларнинг пуч ғоялари, сохта даъватларига билмасдан учиб, йўлидан адашиб қолаётган ёшларимизни жаҳолат батқоғидан қутқариш, уларни маърифат сари йўналтириш ҳар биримиз учун масъулиятли вазифадир.
Миллатлараро тотувлик тинчлик ва барқарорликнинг кафолатидир
Тошкент давлат иқтисодиёт университети Самарқанд филиали профессор ўқитувчилари ва талаба-ёшлар ўртасида “Ўзбекистон – миллатлараро тотувлик ва диний бағрикенглик юрта” мавзусида давра суҳбати ва маърифий учрашув бўлиб ўтди.
