Bir g‘arib ko‘nglini qilsang shod...
Islom dini ta'limotlari musulmon kishini ota-onasiga, farzandlariga, qo‘ni-qo‘shnilariga g‘amxo‘rlik qilish, ko‘makka muhtoj bo‘lganlarga yordam ko‘rsatishga da'vat etadi.
Hadisi sharifda: “Beva va miskinga ehson qilish uchun harakat qilgan kishi Alloh yo‘lida jang qilgan, tuni bilan namoz o‘qigan va kun bo‘yi ro‘za tutib yurgan kishi kabidir”, deb marhamat qilingan (Imom Buxoriy va Muslim rivoyati).
Demak, har bir mo‘min-musulmon atrofidagi kishilarga mehribon, himmatli, saxovatpesha, sadoqatli bo‘lishi lozim bo‘ladi.
Urgut tuman “Soy G‘o‘s” jome masjidi imom-xatibi Xudoydod Farmonov tumanda joylashgan muruvat uyida istiqomat qilayotgan, o‘zgalar mehriga muhtoj fuqarolar holidan xabar olib, ularga saxovatpesha insonlar ko‘magi bilan ikki million so‘mlik qishgi kiyim-kechaklar hadya qildi.
Ha albatta, shoir o‘z so‘zida aytganidek,
Bir g‘arib ko‘nglini qila olsang shod -
Yaxshidir yer yuzin qilgandan obod.
Ko‘ngillarni shod etish barchamizga nasib etsin.
O‘MI Samarqand viloyat vakilligi
Viloyat bosh imom-xatibi masjid qurilishi bilan tanishdi
Urgut tumanining markazida joylashgan “Cho‘bin” jome masjidi bugungi kun talablariga javob bermay qolgani, namozxonlar ko‘pligi, ayniqsa, hayit va juma namozi kunlari joy yetishmayotlanligi sababli, uning binosini ko‘p sig‘imli, zamonaviy qilib qurishni taqozo qilingan edi. Bundan olti yil muqaddam tumandagi Mergancha mahallasidan joy tanlanib, loyiha asosida qurilishga kirishilgan edi. Bugun masjidning ulkan gumbazi va to‘rt minorasi uzoq-uzoqlardan ko‘zga tashlanib turadi. To‘rt minoraning balandligi 43 metr, gumbazi esa 34 metr. Masjid 55 metrga 45 metr o‘lchamda qad rostlamoqda. Masjid mutaxassislar nazoratida, belgilangan qurilish-arxitektura me'yorlari asosida bino etilmoqda. Hozirda bino ichini bezash, pardozlash, bino devorining tashqi qismiga granit va travetin plitalarini o‘rnatish ishlari bajarilmoqda.
JUMANING TABRIGI VA SUNNATLARI
- Juma uchun g‘usl qilish.
- Xushbo‘y narsalar surtish.
- Chiroyli kiyimlar kiyish.
- Jumaga viqor va sakina bilan erta borish.
- Juma kuni badanni tozalab, hay'atni go‘zal qilish.
- Juma kuni Kahf surasini qiroat qilish.
- Juma kuni va kechasi duoni ko‘p qilish.
- Juma kuni va kechasi Rasululloh sollallohu alayhi vasallamga ko‘p salavot aytish.
- Imom birinchi rak'atda Fotihadan keyin Jumu'a surasini va ikkinchi rak'atda Munofiqun surasini qiroat qilish.
- Juma kuni bomdod namozida "Haa miym sajda" va "Hal ataa alalinsani" suralarini qiroat qilish sunnatdir.
- Juma namozining farzidan avval va keyin to‘rt rak'atdan sunnat namozi o‘qish.
- Jumada mudragan odam boshqa yerga o‘tib olishi.
O‘MI Samarqand viloyati vakilligi
O‘zbekiston-Amerika ilmiy-amaliy seminari ishtirokchilari Samarqandga tashrifi
Ayni kunlarda Toshkent shahrida “Din va qonun ustuvorligi” mavzuida bo‘lib o‘tayotgan O‘zbekiston-Amerika ilmiy-amaliy seminari ishtirokchilari 6 noyabr kuni Samarqandga tashrif buyurdi.
“O‘quv mashg‘ulotlari men uchun juda ahamiyatli bo‘ldi”
Ma'lumki qadimda xalqimiz kelishmovchiliklar, qo‘ni-qo‘shni o‘rtasidagi tortishuvlar, er-xotin o‘rtasidagi tushunmovchiliklar, shuningdek qizlarni oilaviy hayotga tayyorlashda otinoyilar xizmatidan keng foydalanishgan. Otinoyilar Qur'onni, uning tafsiri va ma'nolari tarjimasini, hadislar, xalq og‘zaqi ijodi hamda Payg‘ambarlar tarixini juda yaxshi bilishgan. Yaxshi va go‘zal xulqi bilan elning hurmatida bo‘lishgan.
Viloyat bosh imom xatibi tajribali imomlar bilan uchrashdi
O‘zbekiston musulmonlari idorasi Samarqand viloyat vakilligida viloyatdagi tajribali imom-xatiblar bilan viloyat bosh imom xatibi Zayniddin Eshonqulov uchrashdi. Uchrashuv jarayonida imom-xatiblarimiz oldida turgan dolzarb vazifalar, joylardagi mavjud muammolar va ularni bartaraf etish masalalari muhokama qilindi. Shuningdek, barcha diniy soha vakillarining faolligini oshirish, aholiga moturidiylik yo‘nalishi, hanafiylik ta'limoti, ma'rifiy islom haqida ma'lumotlar yetkazishning daolzarbligi haqida fikrlar bildirildi.
O‘MI Samarqand viloyat vakilligi
“Qardosh O‘zbekistonga kelganimizdan juda baxtiyormiz”
31-oktyabr kuni Turkiyaning “Atlasglobal Airlines” aviakompaniyasiga qarashli “Airbus-321” samolyoti Istanbul-Buxoro yo‘nalishidagi ilk charter reysni amalga oshirib, uning ilk yo‘lovchilar turkiyalik jurnalist, bloger, turistik firmalar rahbarlari va xodimlari, shuningdek, qator din arboblari va olimlardan iborat edi.
Dunyo va oxirat mukofatiga sazovar bo‘ling!
Alloh talol muborak kalomida shunday marhamat qilgan:
“Erkakmi yo ayolmi – kimda-kim mo‘min bo‘lgan holida biror ezgu ish qilsa, bas, Biz unga pok hayot baxsh eturmiz va ularni o‘zlari qilib o‘tgan amallarining chiroyligi barobaridagi mukofot bilan taqdirlaymiz.” Nahl surasi 97-oyatda:
Solih amal iymon haqiqatlaridan kelib chiqadigan yo‘l bo‘lib, u islom arkonlarini va shu bilan birga insonning ham o‘ziga, ham jamiyatga foydali bo‘lgan, shariat mezonlariga loyiq keladigan boshqa yaxshi amallarni ham o‘z ichiga oladi. Bu yaxshi amal birovning hojatini ravo qilish, muhtojga yordam berish, bemorning ko‘nglini ko‘tarish, yoki bir og‘iz shirin so‘z va boshqalar bo‘lishi ham mumkin.
“VAQF” FONDI ATROFIDAGI GAPLAR: Fond rahbari barchasiga oydinlik kiritdi!
– «Vaqf» fondi tashkil etilganiga 1,5 yil to‘ldi. O‘tgan davr mobaynida uning keng ko‘lamli faoliyatiga qaramay ijtimoiy tarmoqlarda turli tanqidiy qarashlar ham bildirildi.
Shu sababli Fondning amalga oshirgan ishlari va ijtimoiy tarmoqlardagi xabarlarga oydinlik kiritish maqsadida, Fond rahbari Iskandar Xalilovga savollar bilan yuzlandik.
Hurmatli rais, avvalo fondning bir yarim yillik qisqa davr oralig‘idagi faoliyati haqida qisqacha so‘zlab bersangiz.
Fransiya prezidenti mamlakatdagi musulmonlarni himoya qilishga va'da berdi
Fransiya Respublikasi prezidenti Emmanyuel Makron Bayonna shahridagi masjidga qilingan tajovuzni qoralashini bildirib, islom diniga e'tiqod qiluvchi fuqarolar huquqlarini himoya qilish bo‘yicha choralarni kuchaytirilishini qayd etdi.
Safarning ham o‘z qoidalari bor
Bugungi kunda ko‘plab O‘zbekistonliklar xorij mamlakatlarida vaqtinchalik mehnat faoliyatini amalga oshirmoqdalar. Ular orasida ayollar va yoshlar ham bor. Hozirgi kunlarimizda ham xorijga ketayotganlar va bir muddat xorijda bo‘lib vataniga qaytib kelayotgan fuqarolar har bir mahallada, har kuni uchrab turibdi. Kim qayerda mehnat qilish bu uning istagi. Ana shu xorijga, o‘qish va yoki boshqa maqsadlarda ketayotgan fuqarolarimiz munosib shart-sharoitlarda mehnat qilishlari, salomatligini asrash va adashib turli terroristik va ekstremistik tashkilotlar hamda islom dinini niqob qilib olgan guruhlar va sektalar ta'siriga tushib qolmasliklari, o‘zligini yo‘qotmaslik, shu bilan birga har xil kasalliklarni orttirib olmaslik, o‘z Vatani va oilasiga sadoqatli bo‘lib qolishlari muhim sanaladi.
Samarqandda 2021 yilda qurilishi mo‘ljallanayotgan xalqaro aeroport
Samarqand xalqaro aeroporti yangi terminalining loyihasi tanlandi, deb xabar berdi "O‘zbekiston 24" telekanalining "Yangiliklar 24" dasturi.
Odam bolasining uch toifa so‘zi uning foidasigadir
Jomboy tumanidagi “Ko‘kto‘nli bobo” jome masjidi imom-xatibi Nurbek Xidirov ijtimoiy-ma'naviy muhitni sog‘lomlashtirish bo‘yicha Jomboy tumanida tuzilgan ishchi guruh a'zolari bilan ta'lim muassasalari, mahallalar, tashkilotlar va xonadonlarda bo‘lib, aholini ayniqsa yoshlarni turli buzg‘unchi oqimlarning ta'siriga tushib qolishini oldini olish, tinchlik-xotirjamlikning qadriga yetish, yosh avlodni har tomonlama barkamol bo‘lib voyaga yetishlari, ijtimoiy ko‘makka muhtoj fuqarolarning holidan xabar olib, ularning jamiyatga moslashishlari yo‘lida yordamlashish, muammo va kamchiliklarini bartaraf etish borasida amaliy chora-tadbirlar va diniy-ma'rifiy uchrashuvlar o‘tkazib kelmoqda.
IDORADA ISHLAGAN IBRATLI INSONLAR Shayx Abdulg‘ani Abdulloh
Abdulg‘ani ibn Ibrohimxo‘ja 1928 yili tug‘ilgan. Buxorodagi “Mir Arab” madrasasini va Toshkent pedagogika institutining (hozirgi pedagogika universiteti) tarix fakultetini bitirgan, Misrning “Al-azhar” dorilfununida o‘qigan. Arab, fors, turk, ingiliz, farang, dariy tillarini puxta bilardi. Yigirma bir yil “Sovet Sharqi musulmonlari” jurnali bosh muharriri, keyinchalik O‘rta Osiyo va Qozog‘iston musulmonlari diniy boshqarmasi raisining noibi, Din ishlari bo‘yicha qo‘mita raisi bo‘lib ishladi. Imom Buxoriy “Al-jome' as-sahih” kitobining 4-jildini arabchadan tarjima qilgan, “Islom odob-axloqi”, “Shariat ahkomlari”, “Musulmonlik haq-huquqlari va vazifalari” kabi asarlari chop etilgan. 1999 yili Toshkentda vafot etgan.
“O‘zbekiston musulmonlari idorasi” kitobidan, 24-bet.
O‘MI Samarqand viloyat vakilligi
IDORADA ISHLAGAN IBRATLI INSONLAR Shayx Yusufxon Shokirov
Yusufxon Olimxon to‘ra o‘g‘li 1926 yili tug‘ilgan. Ilk saboqni otasidan olgan, 1948-1955 yillari Buxorodagi “Mira Arab” madrasasida, 1955-1961 yillari Misrdagi “Al-azhar” dorilfununining arab tili fakultetitda o‘qiydi. 1981 yildan O‘rta Osiyo va Qozog‘iston musulmonlari diniy boshqarmasi xalqaro aloqalar bo‘limi mudiri, 1975-1977 yillari idora raisining o‘rinbosari, 1977 yili raisga bosh maslahatchi bo‘lib ishladi. 1975 yili Moskvada nomzodlik ilmiy ishini himoya qilgach, Buxorodagi “Mir Arab” madrasasida, keyin Toshkent Islom oliy ma'hadida tafsir va hadis, arab adabiyoti, balog‘at fanlaridan dars berdi. Arab, ingiliz, rus, turk, fors tillarini mukammal bilgan. “Islomiy e'tiqod”, “Islom shari'ati asoslari” va boshqa asarlari chop etilgan. 2000 yil Toshkentda vafot etgan.
O‘MI Samarqand viloyat vakilligi
