Islom hamkorlik tashkiloti Tashqi ishlar vazirlari kengashi ishtirokchilari Samarqandga tashrif buyurdilar
18 oktyabr kuni Toshkent shahrida o‘z ishini boshlagan Islom hamkorlik tashkiloti Tashqi ishlar vazirlari kengashining 43-sessiyasi ishtirokchilari 19 oktyabr kuni Sharq durdonasi bo‘lgan Samarqandga tashrif buyurdilar.
SAMARQAND SHAHRI KUNI
18 oktiyabr kuni Samarqandda ko‘hna va hamisha navqiron Samarqand shahriga Amir Temur ordeni berilgan kun munosabati bilan viloyat miqyosida tadbir bo‘lib o‘tdi. Unda ko‘plab tashkilot va jamoat birlashmalari vakillari qatorida viloyat bosh imom xatibi N.Islamov va bosh imom o‘rinbosari Z.Eshonqulov ishtirok etdi.
IMOM XATIBLARNING UMUMIY YIG‘ILISHI O‘TKAZILDI
2016 yil 15 oktyabr kuni Samarqand viloyatidagi barcha rasmiy masjid imom xatiblari ishtirokida uchinchi chorak yakunlariga bag‘ishlangan umumiy yig‘ilish bo‘lib o‘tdi. Samarqand shahridagi "Xo‘ja Abdu Darun" jome masjidida bo‘lib o‘tgan yig‘ilishda O‘zbekiston musulmonlari idorasi Samarqand viloyati vakili N.Islamov, vakil o‘rinbosari Z.Eshonqulov, viloyat Adliya boshqarmasi mutaxassislari B.Ulmasov, Sh.Shodiyev, shahar va tuman bosh imomlari hamda barcha imom xatiblar ishtirok etdi.
TEMUR TUZUKLARI veb sayti
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi rahbarligida Kompyuter va axborot texnologiyalarini rivojlantirish hamda joriy etish Markazi UZINFOCOM tomonidan buyuk sohibqiron Amir Temurning “Temur tuzuklari” asarining veb-sayt ko‘rinishi tashkil etildi.
PAXTAKORLARDAN HOL SO‘RALDI
Ma’lumki, bugungi kunda yurtimizning barcha viloyatu tumanlarida milliy boyligimiz – paxta yig‘im-terim ishlari avjiga chiqqan. Paxta maydonlarida fermerlarimiz yomg‘irli kunlar kelib qolmasdan oq oltinni terib olishga asdoydil kirishganlar. Yurtdoshlarimiz ham bu xayrli ishga hissalarini qo‘shish maqsadida hasharga otlanganlar. Diniy soha xodimlarining ham ushbu umumxalq hashariga munosib tarzda hissa qo‘shayotganlarini alohida ta’kidlash lozim.
SAMARQANDLIK BARCHA HOJILAR HAJ ZIYORATINI ADO ETIB VATANGA QAYTISHDI
2016 yilgi haj mavsumi ham tobora nihoyalanib bormoqda. Samarqand viloyatidan borgan hojilarning barchasi Islom dinining beshinchi ruknini ado etib, sog‘-omon yurtimizga qaytib kelishdi.
ANONS."HIDOYAT SARI" KO‘RSATUVI
23 sentyabr (Juma) kuni soat 18:55 hamda takroran 26 sentyabr 14:15da "O‘zbekiston" telekanalida “Hidoyat sari ko‘rsatuvi” efirga uzatiladi. “Hanafiylik – mo‘tadil mazhab” mavzusida bo‘lib o‘tadigan ko‘rsatuvda Toshkent shahar bosh imom xatibi Anvar qori Tursunov boshlovchiligida O‘zbekiston musulmonlari idorasi raisi o‘rinbosari Shayx Abdulaziz Mansur, Toshkent shahar “Muhammad Nosir hoji” jome masjidi imom xatibi Homidjon Ishmatbekov, Toshkent shahar “Shayx Ziyovuddinxon” jome masjidi imom xatibi Erdon Esonov, islomshunos Soatmurod Primov ishtirok etadi.
MA’RIFIY TADBIR
Joriy yilning 17 sentyabr kuni Samarqand shahar “Kamolot” MFY hududida joylashgan 13-son umumta’lim maktabida O‘zbekiston Respublikasining birinchi prezidenti I.A.Karimovning porloq xotirasiga bag‘ishlangan ma’rifiy tadbir bo‘lib o‘tdi. Tadbirda O‘zbekiston musulmonlar iidorasi Samarqand viloyati vakilining xotin-qizlar masalalari bo‘yicha maslahatchisi N.Temirova, Samarqand shahar otinoyilari, mahalla fuqarolar yig‘inlarining diniy ma’rifat va ma’naviy-ma’rifiy ishlar bo‘yicha maslahatchilari, maktab o‘qituvchi va o‘quvchilari ishtirok etdi.
IMOM XATIBLAR FAOLIYATIDAN
13 sentyabr kuni Samarqand shahar, “Xo‘ja Abdu Mo‘min” jome masjidi imom xatibi J.Xotamov tomonidan, homiylarni jalb qilgan holda, 10-sonli mehribonlik uyi tarbiyalanuvchilari uchun Qurbon hayiti munosabati bilan bayram dasturxoni tashkil etildi. Qutlug‘ bayram kunlari bolalar qalbiga xushnudlik ulashish maqsadida amalga oshirilgan ushbu tadbirda so‘zga chiqqan J.Xotamov mehribonlik uyi tarbiyalanuvchilariga bugungi kunda yurtimizda yosh avlod uchun yaratilayotgan imkoniyatlardan unumli foydalangan holda o‘qib-izlanib, yetuk kadr bo‘lib yetishishlarini tiladi.
HOJILARIMIZ EHROM LIBOSIDAN CHIQDILAR
Muzdalifa maydonida ibodatlarini nihoyasiga yetkazgan yurtdoshlarimiz qatorida samarqandlik hojilar ham Mino vodiysiga sog‘-salomat qaytib keldilar. Qurbon hayiti munosabati bilan bir-birlarini qutladilar va ular uchun tayyorlangan jonliqlar qurbonlik qilingandan so‘ng, sochlarini oldirdilar va shu kunning o‘zida yetti donadan shaytonga tosh otib, ehrom libosidan chiqdilar.
QURBON HAYITI OLDIDAN
2016 yil 10 sentyabr kuni Samarqand tuman Urganji mahallasida “Istiqlol in’om etgan ne’matlar” mavzusida davra suhbati bo‘lib o‘tdi. Davra suhbatida O‘zbekiston musulmonlari idorasi Samarqand viloyati vakilining xotin-qizlar masalalari bo‘yicha maslahatchisi N.Temirova, tuman bosh otinoyisi A.Rahmatova ishtirok etib, istiqloldek nurafshon kunlar shukronasida bo‘lish lozimligi, ushbu baqt esa bevosita Respublikamiz birinchi prezidenti Islom Karimov nomi bilan bog‘liq ekanligi haqida to‘xtalib o‘tdilar.
QURBON HAYITI OLDIDAN YIG‘ILISH
2016 yil 8 sentyabr kuni Samarqand viloyati vakilligi binosida shahar va tuman bosh imom xatibilari hamda Samarqand shahar va Samarqand tuman masjid imomlari ishtirokida yig‘ilish bo‘lib o‘tdi. Yig‘ilishda Muborak Qurbon hayitini munosib nishonlash va ko‘tarinki ruhda o‘tkazish, ibodat qiluvchilar uchun zarur shart-sharoitlar tashkil etishga oid masalalar muhokama etildi. Namozxonlarning xavfsizligini ta’minlash, ularning emin-erkin ibodat qilishlarga sharoit hozirlash ustuvor maqsadimiz ekani, bu borada imom-xatiblar zimmasiga katta mas’uliyat yuklatilishi ta’kidlandi.
O‘zbekiston Respublikasi Prezidenti Islom Abdug‘aniyevich Karimovning vafoti munosabati bilan TA’ZIYA
Abu Hurayra roziyallohu anhudan rivoyat qilinadi:
Nabiy sollallohu alayhi vasallam: «Agar Alloh taolo bir bandani yaxshi ko‘rsa, Jabroilga: «Alloh falonchini yaxshi ko‘radi, sen ham uni yaxshi ko‘rgin!» deb nido qiladi. Keyin Jabroil ham uni yaxshi ko‘radi va osmon ahli ichida: «Albatta, Alloh taolo falonchini yaxshi ko‘radi, sizlar ham uni yaxshi ko‘ringlar!» deb nido qiladi. Keyin osmon ahli ham uni yaxshi ko‘radi. So‘ngra unga nisbatan yerda (ya’ni, yer yuzidagi odamlarning qalbida) maqbullik (ya’ni, rozilik va muhabbat) o‘rnatiladi. (Muttafaqun alayh)
HAR BIR MASJID YIGIRMA BESh XONADONGA
Mustaqillik arafasida Samarqand viloyati vakilligi tasarrufidagi masjidlar imom xatiblari tomonidan homiylarni jalb qilgan holda “har bir masjid yigirma besh xonadonga” tamoili ostida qator xayriya ishlari amalga oshirildi. Jumladan:
IMOMLARIMIZ O‘ZBEKISTON MUSTAQILLIGIGA 25 YIL KO‘KRAK NISHONI SOHIBI
30 avgust kuni Samarqand viloyati bo‘ylab joylarda «O‘zbekiston mustaqilligiga 25 yil» esdalik nishoniga munosib ko‘rilgan nomzodlarning taqdirlash marosimi bo‘lib o‘tdi.
