RAMAZON OYIDA BO‘LGAN MUHIM VOQEALAR
Ramazonning birinchi kuni:
- Hazrati Ibrohimga (alayhissalom) sahifalar tushirildi; milodiy 624 yili 26 fevralda (hijriy 2 yil) musulmonlar ilk bor ramazon ro‘zasini tuta boshlashdi; milodiy 641 yili 13 avgustda (hijriy 20 yil) Misr fath etildi.
QUTLUG‘ RAMAZON OYI MUBORAK BO‘LSIN!
Bismillahir rahmonir rahim
Muhtaram yurtdoshlar! O‘zbekiston musulmonlari idorasi nomidan Sizlarni ulug‘ ayyom – muborak Ramazon oyi tashrifi bilan chin qalbdan, samimiy muborakbod etamiz. Ushbu qutlug‘ oyning fayzu barakoti qalblarimiz va xonadonlarimizni munavvar va xushnud aylasin.
Allohning buyuk inoyati, Mustaqillik sharofati ila Muborak Ramazoni sharifni, mana, yigirma besh yildan beri, yurtimizda emin-erkin va katta shodiyonalik bilan kutib olmoqdamiz. Bu oy sharofati ila ota-onalar, tabarruk yoshdagi qariyalar ziyorat qilinadi, bemorlarning holidan xabar olinadi, mehru muruvvatga muhtoj kishilarga e’tibor ko‘rsatilib, ularga quvonch ulashiladi.
Rahmat va mag‘firat oyi – Ramazoni sharif mustaqil yurtimiz uchun har qachongidan ham fayzli, bo‘ladi, inshoalloh. Bu oyda barchalarimiz emin-erkin ro‘zalarni tutish, ikki mingdan ortiq masjidlarimizda tarovih namozlarini o‘qish, Qur’on xatmilarini amalga oshirish, elimiz farovonligi, mustaqil yurtimiz taraqqiyotini tilab duoi xayrlar qilish baxtiga musharraf bo‘lamiz. Bu sharofatli oyda qiladigan ibodatlarimiz, tavba-tazarrularimiz qalblarimizdagi g‘uborlarni yuvadi, ixlosimizni oshiradi, nafsimizni jilovlashga, yanada saxovatli bo‘lishga, yomonliklardan tiyilib, faqat o‘zimiz uchun emas, o‘zgalar uchun ham fidoyi va kamarbasta bo‘lishga, ezgu amallarimizni ko‘paytirishga o‘rgatadi. Mo‘min musulmonlarimiz muborak Ramazon oyi davomida “Kimda kim bir kishiga yengillik yaratib bersa, Alloh unga qiyomatda yengillik beradi” (Imom Muslim rivoyati), degan hadisi sharifga amal qilib, bu Muborak oyda ehtiyojmand, boquvchisini yo‘qotgan oilalarga, yoshi ulug‘ keksalar va faxriylarimizga hurmat-ehtirom, mehr-muruvvat, saxovat ko‘rsatishga harakat qilamiz.
Muhtaram mo‘min-musulmonlar! Muborak Ramazon oyi tashrifi munosabati bilan saxovatpeshalikni, mehr-oqibat, qanoat va shukronalik, o‘zaro hurmat va hamjihatlik xislatlarini yanada kuchaytirib, g‘arazli ishlardan, yomonliklardan yiroq bo‘lib, mustaqillik ne’mati hamda ushbu munavvar kunlarning shukronasini qilib, yaxshilik, ezgu ishlarni ko‘proq bajarish hayot tarzimiz, doimiy odatimizga aylansin.
Ushbu saodatli kunlarda turmushimiz yanada farovon, xalqlarimiz saodatli, oilalarimizning ma’naviy kamoloti, farovonligi, farzandlar baxt-saodati, ularning har tomonlama yetuk, odob-axloqli, Vatani, xalqi, dinu diyonatiga sodiq insonlar bo‘lib, kamol topishini so‘rab, duoi xayrlar qilaylik. Zero, joriy yilning yurtimizda “Sog‘lom ona va bola yili” deb e’lon qilinishi zamirida yurtimizdagi barcha oilalarning o‘zaro inoqligi, obodligi, barcha xalqlarning baxtiyorligi va osoyishtaligi mujassamdir. Turmushimiz farovon, oilamiz mustahkam ekan – mamlakat barqarordir, inshalloh.
Aziz yurtdoshlar! Taqdirimiz, qadr-qimmatimiz, iftixorimiz, baxtimiz, erkin va obod Vatanimiz mustaqilligining 25 yilligi tantanalari va shodiyonalari arafasida muborak Ramazoni sharifni kutib olish barchamiz uchun g‘urur va iftixor tuyg‘ularini baxshida etadi.
Ushbu qutlug‘ oyda diniy va milliy qadriyatlarimizning hayotiy kuchini tiklash, ibodatlarimizni emin-erkin ado etishimiz uchun davlatimiz tomonidan barcha qulayliklar, zarur sharoitlar yaratib berilganini, jahon ilmu fani, madaniyati va islom ta’limoti rivojiga ulkan hissa qo‘shgan o‘nlab allomalarimizning ilmiy meroslari va qadamjolari tiklanganini alohida mamnuniyat bilan ta’kidlamoqchiman.
Zero, xalqimiz asriy orzulari ushalgan ushbu mustaqillik kunlariga osonlikcha yetib kelganimiz yo‘q. Necha yillar mobaynida xalqimiz azaliy e’tiqodidan bebahra bo‘ldi, uning milliy-diniy an’analari, haq-huquqlari toptaldi.
Mustaqillik sharofati tufayli muqaddas yurtimiz zamini azal-azaldan ulug‘ allomalar, aziz-avliyolar Vatani bo‘lib kelganini yurtdoshlarimiz va xalqaro jamoatchilik o‘rtasida keng targ‘ib qilish, yosh avlod qalbida imon-e’tiqod, milliy g‘urur va iftixor tuyg‘ularini kamol toptirish baxtiga musharraf bo‘ldik.
Mustaqillik yillarida Samarqanddagi Imom Buxoriy va Shohizinda ziyoratgohlari, Buxorodagi Abdulxoliq G‘ijduvoniy va Bahouddin Naqshband majmualari, Farg‘onadagi Ahmad Farg‘oniyning, Surxondaryodagi Imom Termiziy va Hakim Termiziy maqbaralari, Qarshi shahridagi Ko‘kgumbaz va Odina masjidlari, Toshkentdagi Hazrati Imom va Minor majmualari kabi o‘nlab muborak qadamjolar ma’naviy-ruhiy va axloqiy tarbiyaning ta’sirchan markazlari sifatida qaytadan chiroy ochdi. Ushbu ziyoratgohlar bugungi kunda yurtdoshlarimizni bobolar qoldirgan boy ma’naviy merosdan bahramand bo‘lishga, ularning ishlaridan ibrat olishga, ular bilan faxrlanishga, ayniqsa, yoshlarimizni ajdodlarga munosib voris bo‘lishga, ularning yaratuvchanlik faoliyatini davom ettirishga da’vat etib kelmoqda.
Hurmatli yurtdoshlar! Muborak Ramazon oyini kutib olish kuniga sog‘-omon yetkazgani uchun Alloh taologa hamdu sano aytib, o‘zaro mehr-oqibatda, husni muomalada bo‘laylik, gina-qudratni unutib, bu Muborak oy tashrifi qudumi tufayli bir-birimizga quchoq ochaylik. Muborak Ramazon oyi kunlarini xalqimizga xos mehr-muruvvat, bag‘rikenglik va saxovat bilan o‘tkazaylik.
Muborak Ramazoni sharif tashrifi bilan muhtaram Prezidentimizni, barcha yurtdoshlarimizni chin dildan, samimiy muborakbod etamiz. Mustaqil Vatanimiz istiqboli porloq, tinchligi va osoyishtaligi bardavom, xalqimiz farovonligi yanada ziyoda bo‘lishini Alloh talodan so‘rab qolamiz.
Muborak Ramazon oyi barchamizga muborak bo‘lsin!
Usmonxon Alimov,
O‘zbekiston musulmonlari idorasi raisi, muftiy
SAMARQANDDA YIL IMOMI ANIQLANDI (hamda kitob taqdimoti, Ramazon oyi oldidan yig‘ilish tadbirlari)
2016 yilning 2 iyun kuni Samarqand shahridagi muhtasham san’at saroyida O‘zbekiston musulmonlari idorasi Samarqand viloyati vakilligi tasarrufidagi masjid imom xatiblari va noib imomlari o‘rtasida “Yil imomi - 2016” ko‘rik tanlovining viloyat bosqichi bo‘lib o‘tdi. Unda tanlovning dastlabki tuman bosqichida g‘oliblikni egallagan 16 nafar imom xatib va noib imomlar bellashdilar.
YIL IMOMI TANLOVI BIRINCHI BOSQICHI NIHOYALANDI
O‘zbekiston musulmonlari idorasining imom-xatiblar va imom noiblari o‘rtasida “Yil imomi-2016” ko‘rik tanlovini o‘tkazish to‘g‘risidagi 2016 yil 15 aprel 01A/19-sonli buyrug‘iga asosan viloyatimizda 18-26 may kunlari tanlovning birinchi (tuman) bosqichi bo‘lib o‘tdi. Unda viloyat bosh imom xatibi nuriddinxon Islamov, bosh xatib o‘rinbosari Zayniddin Eshonqulov va viloyatdagi oliy ta’lim muassasalarining ma’naviyat va ma’rifat ishlari bo‘yicha prorektorlari, bo‘lim boshliqlari hiy’at sifatida qatnashib, ishtirokchilarni munosib baholab bordilar. Tanlov nizomiga muvofiq, qatnashchilarning ilmiy saviyasi, dunyoqarashi, bugungi kunda olib borayotgan faoliyati hakamlar hay’ati tomonidan ko‘rib chiqildi.
O‘ZBEKISTON MUSULMONLARI IDORASI ULAMOLAR KENGASHINING QARORI
1. O‘zbekiston musulmonlari idorasi Fatvo hay’atining milodiy 2016 yil (hijriy 1437 yil) uchun ZAKOT nisobi 1 gr. tilloning bugungi kundagi bozordagi o‘rtacha narxi 135 000 so‘m ekanligini e’tiborga olib, 85 gr. tillo hisobidan zakot nisobi 11 475 000 so‘m ekanligi va mazkur summadan qirqdan bir hissasi, ya’ni 286 875 so‘m zakot chiqarish to‘g‘risidagi xulosasi ma’qullansin!
THE APPEAL OF THE PROMINENT MUSLIM SCHOLARS
It is known that the terroristic organizations in many parts of the world, especially in the Near East region are trying to enlarge their organizations with new members by spreading out the spoiled information which are far from soft Islamic teachings. Actually, it is observed that the terroristic organization which is called «Islamic State» has possessed on territories of Syria and Iraq, widely uses sacred sources of Islamic religion such as Holy Koran and Hadith in their ideological propaganda. According to the given conclusion of leading scientists and famous scientific institutions that get accustomed to terrorism, for preventing the population especially youth from negative effect of the radical notion, the slander orders on terrorism by Islam scholars are very pompous.
In order to save the transparent of Islam and to prove not to be concerned this terroristic organization on Islam which is active in Near East, the well-known and admitted scholars of Islam gathered and decided to write the book which is called “The appeal of the prominent Muslim scholars”. The great scholars of Islam condemn terrorism and radicalism, they call upon the people being versed from that spoiled activity which outcome can be harmful for Muslims. As such, there was given a lot of recommendations for Muslims to be aware of not losing their honest path.
Taking into consideration that the youth are mostly being convinced to the spoiled information and radical ideological propaganda which sources are currently spread widely in Internet, rules of propriety in using mass media is outlined.
This book plays an important role with the following peculiarities:
- It is exposed in Hadith that it is contrary to persuasion of Islam, “Any blame of Muslims to be announced them like atheist, organizing armed assault to the Muslim living areas, to make any propaganda to join for their rank”;
- It is exposed that the terrorists are tempting to affect the peoples mind by psychology saying that they are on true way and to join them in using any illegal military activities, to arise the hostility among Muslims;
- The people who are declared in this book are well-known and admitted ones by many others. Moreover, in the book there are included several useful considerations of our scholars in relation to the right path to religion.
The book contains reports and fatwas of the mufti of Uzbekistan Usmonkhon Alimov, sheikh Abdulaziz Mansur, sheikh Muhammad Sadiq Muhammad Yusuf, Grand Imam of al-Azhar Ahmed al-Tayeb, the Secretary-General of the International Union for Muslim Scholars Ali Qaradaghi, famous muslim scholars, such as Mohammad Said Ramadan Al-Bouti, Abdullah bin Bayyah, Ali Gomaa, Muhammad al-Azhari and Ahmad Muhammad Khalil.
IMOMLARIMIZ SHOHSUPADA
Joriy 2016 yil 24 may kuni Samarqand viloyati Kattaqo‘rg‘on tumani imom-xatiblari va imom noiblaridan iborat futbol guruhi tumanda tashkil etilgan tashkilot va idoralararo futbol musobaqasining final bosqichida ishtirok etishdi. Finalda tuman Ichki Ishlar bo‘limi futbol jamoasi imomlarimizga qarshi to‘p surdi.
Dunyo ulamolari murojaati nomli kitob haqida ma’lumot
Ma’lumki, bugungi kunda dunyoning turli hududlarida, xususan, Yaqin Sharq mintaqasida faoliyat yuritayotgan terrorchi tashkilotlar o‘z safini yangi a’zolar bilan to‘ldirish maqsadida islom ta’limotini buzib talqin qilmoqdalar. Xususan, Iroq va Suriyadagi yerlarni noqonuniy egallab, o‘zini «Islomiy davlat» deb nomlagan terrorchi tashkilot g‘oyaviy targ‘ibotida islom dinining muqaddas manbalari Qur’oni karim va hadisi shariflardan g‘arazli maqsadlar yo‘lida keng foydalanilayotgani kuzatilmoqda. Terrorizmni o‘rganish bo‘yicha nufuzli ilmiy muassasalar va yetakchi olimlarning bergan xulosalariga ko‘ra, radikal g‘oyalarning aholi, ayniqsa, yoshlar ongiga salbiy ta’sirining oldini olishda islom ulamolarining terrorizm va ekstremizni qoralovchi fatvolari va ma’ruzalari katta ahamiyatga ega.
YIL IMOMI KO‘RIK TANLOVINING TUMANLAR BOSQICHI BOSHLANDI
Joriy yilning 18 may kuni Samarqand viloyati Bulung‘ur tumani “Amir Hamza” jome masjidida Bulung‘ur va Jomboy tumanlari imom-xatib hamda imom noiblari ishtirokida “Yil imomi” ko‘rik tanlovining dastlabki (tuman) bosqichi bo‘lib o‘tdi. O‘zbekiston musulmonlari idorasining 2016 yil 15 apreldagi 01A/19-sonli buyrug‘i asosida tashkil etilgan tanlovda viloyat vakili Nuriddinxon Islamov, vakil o‘rinbosari Zayniddin Eshonqulov hamda Samarqand tibbiyot instituti ma’naviyat va ma’rifat ishlari bo‘yicha bo‘lim boshlig‘i Sulaymon Halimovlar hiy’at sifatida qatnashib, ishtirokchilarni munosib baholab bordilar.
LAHUTIY JOME MASJIDI
Masjid Lahutiy mahallasi 113-a uyda joylashganligi uchun mahalla nomi bilan yuritilib, "Lahutiy" masjidi deb nomlangan.
QO‘SH HOVUZ JOME MASJIDI
Samarqand shahar “Qo‘sh hovuz” jome masjidi taxminan 1897-1903 yillarda Axmadjon xoji bobo tomonidan o‘zining shaxsiy mablag‘i hisobidan qayta quriladi. Binoga puxta xom g‘ishtlar ishlatilgan, vassajuft va ustumlardan iborat.
OLIS TUMANLARDA BAYRAM SHUKUHI
O‘zbekiston musulmonlari idorasi Samarqand viloyati vakilligi tomonidan Umumxalq bayrami 9-may – Xotira va Qadrlash kunini munosib kutib olish va nishonlash maqsadida qator ishlar amalga oshirilmoqda. Jumladan viloyatning chekka tumanlari va chegaraoldi hududlarida joylashgan masjidlarga juma namozini ado etish va o‘sha atrofdagi mahallalarda istiqomat qiluvchi ikkinchi jahon urushi qatnashchilari, mehnat faxriylari, nogironlar, yolg‘iz keksalar, kam ta’minlangan oilalar holidan xabar olish maqsadida malakali imomlar safarbar etildi.
XOTIRA VA QADRLASH KUNI NISHONLANDI
Umumxalq bayrami 9 may – Xotira va Qadrlash kuni munosabati bilan Samarqandda ikkinchi jahon urushi, mehnat fronti qatnashchilari, mehnat faxriylari, diniy sohada uzoq yillar xizmat qilganlar hamda vakillik xodimlari, imom-xatiblar ishtirokida tantanali bayram tadbiri bo‘lib o‘tdi.
RUHOBOD JOME MASJIDI
“Ruhobod” jome masjidi Samarqand shahrining Go‘ri Amir maqbarasi hududida, “Ruhobod” maqbarasi va madrasasi binolari yonida joylashgan. Masjid binosi ikki tomoni peshayvon va xonaqohdan iborat. Ba’zi manbalarda ko‘rsatilishicha hozirgi masjid o‘rnida oldindan masjid bo‘lgan, so‘ng ushbu masjid qaytadan bino qilingan.
Bayram sovg‘alari ulashildi
Umumxalq bayrami 9 may – Xotira va Qadrlash kuni munosabati bilan O‘zbekiston musulmonlari idorasi Samarqand viloyati vakilligi va imom xatiblar tomonidan qator xayrli ishlar amalga oshirilmoqda. Jumladan, 30 aprel kuni viloyatning Payariq tumanida joylashgan “Imom Buxoriy” jome masjidi imom xatibi Zayniddin Eshonqulov va masjid xodimlari birgalikda homiylarni jalb qilgan holda tumandagi “Xo‘ja Ismoil” mahalla faollari tavsiyasiga binoan mahallada yashovchi mehnat faxriylari, keksa otaxon va onaxonlar, boquvchisini yo‘qotganlar, kam ta’minlanganlardan iborat 20 nafar fuqarolarga bayram sovg‘asi ulashdilar. Oziq-ovqat va kiyim kechaklardan iborat tuhfalarni qabul qilib olgan kishilar yuzida xursandchilik, yurtimizdagi tinchlik sababidan bo‘layotgan islohotlarga nisbatan shukronalik hissi ko‘rinib turar edi.
