Qur'on tilovati, zikr-salavot, sadaqot ofatlarning daf bo‘lishi omillaridandir
O‘zbekiston Musulmonlari idorasi butun dunyoga jiddiy tashvish olib kelayotgan koronavirus kabi yuqumli xastalikni tez orada insoniyat boshidan aritish borasida Qur'oni Karim va hadisi shariflarga muvofiq maxsus amallarni ado etish vazifasini diniy soha xodimlariga tavsiya qildi. Unda, jumladan, Qoraqalpog‘iston musulmonlari qoziyoti, Toshkent shahri va viloyatlar vakilliklari tomonidan bir bosh qoramol va har bir tuman-shaharlarda bir bosh qo‘y so‘yilib, go‘shtlar va hadyalar ila kam ta'minlangan oilalar, yordamga muhtoj kishilar, duosi mustajob insonlar va mehribonlik uylariga xayriya qilinishi belgilangan edi.
Samarqand shahar “Xo‘ja abdu Darun” masjidi binosiga ilk g‘isht qo‘yildi
Masjid barpo etish yoki yoki uning qurilishiga hissa qo‘shish ulkan savobligi dinimiz ahkomlarida alohida ta'kidlangan. Alloh taolo masjidlarni O‘ziga eng mahbub makonlar qilgan. Masjidlarni obod qiluvchilarning iymoni borligiga guvohlik berib shunday dedi: “Albatta, Allohning masjidlarini faqat Allohga va oxirat kuniga iymon keltirganlar, namozni to‘kis ado etganlar, zakotni berganlar va Allohdan boshqadan qo‘rqmaganlargina obod qilurlar. Ajab emaski, ana o‘shalar hidoyat topguvchilardan bo‘lsalar” (Tavba surasi, 18-oyat).
Urgut tumani “G‘o‘s” jome masjidiga tashrif
Samarqand viloyat bosh imom-xatibi o‘rinbosari Xayrullo domla Sattorov kuni kecha Urgut tumanidagi “G‘o‘s” jome masjidida bo‘lib, bu joyda qurilish ishlari bo‘yicha homiylar bilan maslaxatlashishdi.
Imom-xatib bozorda aholi va sotuvchilarga tushunchalar berdi
Yurtimizda koronavirus qayd etilgach ayrim bozor va oziq-ovqat do‘konlarida tirbandlik kuzatila boshlandi. Ba'zi joylarda tadbirkorlar aholi talabi oshganidan foydalanib, oziq-ovqat va birlamchi iste'mol mahsulotlari narxini oshirib sotishga urinishlar ham bo‘ldi. Aholi mahsulotlarning taqsilligi yoki narxlarning oshib ketishidan biroz xavotirga tushib, kunlik ehtiyojlaridan ziyod yeguliklarni jamlab olishga intilishlar kuzatildi. Samarqand shahar “Lohutiy” jome masjidi imom-xatibi O‘tkir domla Umirqulov shahardagi “Marmar” bozorida bo‘lib, sotuvchi va xaridorlarga bugungi vaziyatni og‘irlik, bosiqlik, sabr va intizom bilan bosib o‘tishga, mutaxassislarning ko‘rsatmlariga rioya qilish, sotuvchilar narx-navolarni sun'iy oshirishga intilmasliklari, o‘z navbatida aholi tomonidan ham xarid qilishda me'yor bilan ish ko‘rishlari haqida tushunchalar berdi.
O‘MI Samarqand viloyat vakilligi axborot xizmati
Samarqand viloyati ziyoratgoh va masjidlarida xayriya hashari qanday o‘tmoqda?
Yurtimizga bahor nafasi kirib keldi. Ushbu faslda dov daraxtlar kurtak yozib, borliq ko‘zni quvontirib, dilga hush kayfiyat bag‘ishlovchi gullar bilan burkanadi. Bahor arafasida barcha hududlarda obodonlashtirish, ko‘kalamzorlashtirish ishlari avj oladi. Shahar va qishloqlar, mahalla va ko‘chalarda turli hashar tadbirlari uyushtiriladi.
Navro‘z umumxalq bayramini munosib nishonlashga tayyorgarlik ko‘rish, o‘zaro mehr-oqibat va hamjihatlikni yanada kuchaytirish, mahallalar, aholi turar joylarini obodonlashtirish va ko‘kalamzorlashtirish maqsadida 2020 yil 14-15 mart kunlari mamlakatimizning barcha hududlarida “Obod yurt” umumxalq obodonlashtirish va ko‘kalamzorlashtirish xayriya hashari o‘tkazilishi haqida Hukumat farmoyishi qabul qilingan edi.
O‘zbekiston musulmonlari idorasi “Vaqf” xayriya jamoat fondining Samarqand viloyat vakilligi tasarrufidagi ziyoratgohlar hamda viloyatdagi barcha masjidlarda, ularning atrofi, qabristonlarda bugun umumxalq obodonlashtirish va ko‘kalamzorlashtirish xayriya hashari olib borilmoqda. Ushbu tadbirda “Vaqf” xayriya jamoat fondi, masjidlarning xodimlari, namozxon va ko‘ngillilar ishtirok etmoqda.
Quyida hashar jarayonlaridan fotolavhalar taqdim etamiz:
NARPAYLIK YOSHLAR ZIYORATDA
Ichki turizmni rivojlantirish borasida bir qancha ishlar olib borilmoqda. Shu kungacha Buxoro, Xiva shaharlariga tumanimiz nuroniylarining sayohati uyushtirildi. Navro‘z bayrami oldidan esa 100 nafarga yaqin ijtimoiy himoyaga muhtoj oila farzandlaridan iborat narpaylik yoshlar Samarqand shahrida sayohatda bo‘ldilar.
Samarqand tumanida otinoyilarning o‘quv seminari bo‘lib o‘tdi
Diniy soha vakilalari – otinoyilar doim xalq bilan birga, xotin-qizlar ichida yuradilar. Hozirgi zamon diniy soha vakilasi yuksak ma'naviyatli, chuqur hayotiy tajribaga ega, dunyoviy va diniy bilimlar sohibasi, el-yurt orasida obro‘-e'tiborli, milliy-diniy qadriyatlarni asl holida aholiga yetkaza oladigan, zamonaviy ilm-fan sirlarini egallashi, islom dini mohiyatini to‘liq tushuna bilishi, dunyoda yuz berayotgan hodisalardan xabardor bo‘lishi zarur. Shularni nazarda tutgan holda, Samarqand tuman bosh imom-xatibi B.Sharipov, tuman hokimligi va boshqa hamkor tashkilotlar vakillari ishtirokida o‘quv seminar bo‘lib o‘tdi.
Abdurahmon as-Sudays koronavirus bo‘yicha ehtiyot choralariga munosabat bildirdi
Bugun dunyoda shiddat bilan tarqalayotgan yuqumli kasallikdan xabaringiz bor. Shubhasiz, bu narsalarning barchasi Alloh taoloning buyuk hikmatidan, cheksiz qudratidan dalolatdir. Bu jarayon bandalar Allohga qaytishi uchun bir imtihon va sinovdir. Alloh taolo Kalomi majidida “Biz, albatta, sizlarni qo‘rquv, ochlik bilan, mol-jon va mevalarga nuqson yetkazish bilan sinab ko‘ramiz”, deb bayon qilgan. Bandaning vazifasi doimo Alloh taolo bilan bog‘liq bo‘lishdir. Chunki foyda yetkazuvchi ham, zararni daf qiluvchi ham u Zot subhanahu va taolodir. Shuning uchun insonlar Alloh taologa bo‘lgan ishonchlari mustahkam bo‘lishi, Uning qazo va qadariga imon keltirishi, doimo Uning o‘ziga tazarruda bo‘lishi, O‘ziga tavakkal qilishi kerak. Yana bu dardu vabolarni musulmonlardan uzoq qilishini so‘rab Uning o‘ziga duo qilish lozim.
Muftiy hazratlarining Xorazm viloyatiga tashriflari boshlandi
Bugun, 12 mart kuni O‘zbekiston musulmonlari idorasi raisi, muftiy Usmonxon Alimov hazratlari va Din ishlari bo‘yicha qo‘mita raisi Abdug‘ofur Ahmedov diniy-ma'rifiy sohada olib borilayotgan ishlar bilan yaqindan tanishish maqsadida Xorazm viloyatiga tashrif buyurdilar.
Samarqand viloyat ko‘p tarmoqli bolalar tibbiyot markazi Gemotologiya bo‘limiga yangi binokulyar mikroskop olib berildi
Imom Muslim «Sahih»ida rivoyat qilishicha, Rasululloh sollallohu alayhi va sallam dedilar: «Inson vafot etgach, barcha amallari undan uziladi: faqat uchta amali(dan savob kelib turadi): sadaqai joriyadan, foydalanib turiladigan ilmdan va haqqiga duo qilib turadigan solih farzanddan (Muslim (1631) Abu Hurayra roziyallohu anhudan rivoyati).
Viloyat bosh imom-xatibi Kattaqo‘rg‘on va Narpay tumanlarida bo‘ldi
Samarqand viloyat bosh imom-xatibi Z.Eshonqulov masjidlarning faoliyati bilan tanishish, aholi bilan uchrashish maqsadida Kattaqo‘rg‘on va Narpay tumanlarida bo‘ldi. Kattaqo‘rg‘on tumani, Payshanba shaharchasida faoliyat yuritayotgan dehqon bozorida bo‘lgan viloyat bosh imom-xatibi bozorning faoliyati bilan tanishar ekan, yaqinda o‘z ishini boshlagan saxovat rastasini ham ko‘zdan kechirdi. Oldin xabar berganimizdek, bu rastaga saxovatpesha insonlar tomonidan qo‘yilgan oziq-ovqat mahsulotlarini muhtoj kishilar o‘z ehtiyojlariga yarasha haq to‘lamasdan olib, iste'mol qilishlari mumkin.
Kattaqo‘rg‘on tumanida Samarqand viloyati tuman va shahar bosh imom-xatiblarining navbatdagi sayyor yig‘ilishi bo‘lib o‘tdi
10 mart kuni Kattaqo‘rg‘on tumanida Samarqand viloyati tuman va shahar bosh imom-xatiblarining navbatdagi sayyor yig‘ilishi bo‘lib o‘tdi. Unda Samarqand viloyati hokimining o‘rinbosari D.Mamadkulov, viloyat bosh imom-xatibi Z.Eshonqulov, bosh imom-xatib o‘rinbosari X.Sattarov hamda 16 nafar bosh imom-xatiblar, Kattaqo‘rg‘on tuman va Kattaqo‘rg‘on shahar masjidlarining imom-xatiblari va imom-noiblari ishtirok etdi.
Sayyor yig‘ilishi doirasida bosh imom-xatiblar tomonidan turli tadbirlar o‘tkazilmoqda
Samarqand viloyati tuman va shahar bosh imomlarining Kattaqo‘rg‘on tumanida bo‘lib o‘tadigan sayyor yig‘ilishi doirasida imom-xatiblar tomonidan masjidlarning faoliyatini o‘rganish hamda diniy-ma'rifiy tadbirlarda ishtirok etish, aholi xonadonlarida bo‘lib, ular bilan suhbatlashish hamda ma'naviy va moddiy yordamlar ko‘rsatish bo‘yicha hozir qadar bir qancha ishlar amalga oshirildi. Quyida ushbu tadbirlardan foftolavhalar taqdim etamiz:
Bosh imom-xatiblarning sayyor yig‘ilishi Kattaqo‘rg‘on tumanida bo‘lib o‘tmoqda
O‘zbekiston musulmonlari idorasi Samarqand viloyat vakilligi o‘z ish rejasiga asosan har oyda ikki marta shahar va tuman bosh imomlari ishtirokida yig‘ilish o‘tkazib unda belgilangan vazifalar ijrosi bo‘yicha muhokamalar bo‘lib o‘tadi. Xabaringiz bor, 2020 yil boshidan buyon ushbu yig‘ilishlar sayyor tarzida o‘tmoqda.
Suv ulashish – sadaqaning afzali
Sa'd ibn Uboda roziyallohu anhuning onalari vafot qilganida, Rasululloh sollallohu alayhi vasallamga: "Onam vafot qildi, uning nomidan sadaqa qilsam bo‘ladimi?" deganida, Rasululloh sollallohu alayhi vasallam: "Ha", dedilar. U: "Sadaqaning qaysi biri afzal?" degan edi, Rasululloh sollallohu alayhi vasallam: “Suv ulashish”, deb aytdilar (Imom Ahmad va Nasaiy rivoyati).
