Xayrli ishni xar kim xar kun qilishi kerak
بسم الله الرحمن الرحيم
Ehson qilish eng oldin sizni tug‘ib katta qilgan, yedirib-ichirgan, kiyintirgan, chiroyli ta'lim, xulqu odob o‘rgatgan, kamolga yetkazib uyli-joyli qilgan ota-onadan boshlanadi. Imom Nasafiy va Xozin tafsirlarida zikr qilinishicha, farzand uchun ota-onaning maqomi shunchalar ulug‘ki, u ota-onani nomi bilan chaqirmay, balki «otajon, onajon» kabi shirin so‘zlar murojaat qilishi, ularni ranjitadigan gaplarni gapirmasligi, ular oldida o‘zini hokisor tutishi lozim. Shundan keyin qarindosh-urug‘lar, o‘zgalar mehr-muruvvatiga muhtoj bo‘lib qolgan yetimlar, kambag‘al-faqirlar, safarda aziyat chekayotgan musofirlarga ehson qilinadi.
YAXSHILIKNING MUKOFATI DOIM YAXSHILIKDIR!
Allohning hukmi bilan insonlar moddiy imkoniyatlariga ko‘ra turli toifalarga bo‘lindi. Albatta Alloh barchani boy qilishga qodir bo‘la turib ularni boy va kambag‘al qilib qo‘yishida juda ko‘p hikmatlar bor. Alloh ba'zilarga rizqni keng va ba'zilarga esa tor qilib berganidagi asosiy hikmatlardan birini bayon qilib shunday deydi:
وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ
ya'ni: «Agar Alloh bandalarining rizqlarini keng-mo‘l qilib yuborsa, albatta, ular yer yuzida tajovuzkorlikka o‘tib ketgan bo‘lur edilar. Lekin U o‘zi xohlaganicha o‘lchov bilan (rizq) tushirur. Albatta, U bandalaridan xabardor va (hamma narsani) ko‘rib turuvchidir». (Sho‘ro surasi 27 oyat).
YAXSHILIK QILISHDA MUSOBAQALASHING!
Ushbu biz yashab turgan ajib dunyo o‘zi shundoq tuzilganki, bu hayoti dunyoda qiyinchilik bilan kun kechiradigan, kambag‘al, bechora kishilar doimo uchrab turadi. Bunday holat oldin ham va bundan kiyin ham bo‘lishi muqarrardir. Lekin, ushbu kishilarga nisbatan boshqa mo‘min-musulmonlar hech qachon befarq bo‘lmaydi va qanday munosabatda bo‘lish kerakligini ham unutmaydi. Chunki mo‘min-musulmon oyati karima va hadisi shariflardan kambag‘allikdan qiynalgan va mashaqqat chekkanlarga yordam qo‘lini cho‘zganlarga qanday mukofotlar borligini yaxshi biladilar.
Xayirli ishlar davom etmoqda!
Qancha qancha og‘ir damlarni boshidan matonat bilan o‘tkazgan xalqimiz bugungi vaziyatda ham irodasini namoyon qilmoqda. Mana kuni kecha Alloh taloning inoyati bilan 7 nafar bemorlar koronavirus epidemisidan tuzaldilar.
Viloyatdagi masjid va ziyoratgohlarda qurbonliklar ado etilmoqda
Hikoya qilishlaricha, bir ayol tushida bir odamni zaharli ilon chaqib, o‘ldirganini ko‘rdi. Bu tush ayolni juda qo‘rqitdi. Tong otgach, ayol o‘sha tushida ko‘rgan odamning uyiga borib, ko‘rgan tushini uning o‘ziga aytib berdi. Undan ehtiyot bo‘lishni, xushyorroq bo‘lib yurishni iltimos qildi. Ayol ketgach, xaligi odam Alloh uchun ikkita qo‘y so‘yib, sadaqa qilishni nazr qildi. Shoyad, o‘sha so‘ygan qo‘ylari sababli xaligi qo‘rqinchli tushning xataridan salomat bo‘lsa. Darhaqiqat, Payg‘ambarimiz sollalohu alayhi vassallam ham o‘z hadisi shariflarida “Sadaqa baloni qaytaradi va umrni uzaytiradi”-deganlar.
Xushxabar: Tinimsiz sa'y-harakatlar sababidan koronavirus kasallari sog‘aymoqda
Butun dunyoga katta tashvish va muammo bo‘lib turgan koronavirus infeksiyasiga qarshi kurash bo‘yicha davlatimiz Rahbarining bevosita boshchiligida tizimli ishlar qilinmoqda.
Xabaringiz bor, ushbu yo‘nalishlarda hukumatimiz tomonidan keng ko‘lamli chora-tadbirlar uzluksiz amalga oshirilmoqda. O‘z navbatida, yurtimiz aholisi tomonidan ushbu xastalikni insoniyat boshidan aritish maqsadida, xatmi Qur'onlar o‘qildi, salovotlar, aytildi, duoyu tazarrular va xayriyalar qilindi. Xalqimiz orasida Alloh taoloning valiy bandalari, duolari mustajob chin do‘stlari bor. Ularning birgina duolari balolarni aritishi, yengillik va kushoyishlar keltirishi mumkin.
Xalqsevar-muruvvatli insonlar
Insoniyatni johiliyat zalolatidan Islom nuri sari yuzlanishga sabab bo‘lgan ulug‘ zot Payg‘ambarimiz sollallohu alayhi vasallam marhamat qilib aytganlar: "Quyosh balqigan har bir kunda ikki kishi o‘rtasini adolat bilan isloh etishing ehsondir.
SAVOBLI KASB EGALARIGA EHTIROM
Hammamizga ma'lumki, mamlakatimizda sog‘liqni saqlash tizimini xalqaro andozalar asosida rivojlantirish yo‘lida ko‘plab ishlar amalga oshirilmoqda. Shu o‘rinda bugungi kunda butun dunyoni larzaga solib turgan Koronavirus (SOVID 19) infeksiyasi bizning jonajon yurtimizni ham nazardan chetda qoldirmaganini ta'kidlash o‘rinlidir. Mana shunday qaltis vaziyatda o‘z sog‘ligini keyinga surib, insonlar sog‘ligini birinchi o‘ringa qo‘ygan va bu yo‘lda bor bilimi va salohiyati bilan xizmat qilayotgan tibbiyot xodimlarining xizmatlari tahsinga sazovor.
Ushbu sinovlardan birdamlik bilan o‘tamiz
Bugungi sinovli kunlarda yonma-yon turib, o‘zaro hamjihatlikda qiyinchiliklarni yengib o‘tishda ko‘plab soha vakillari namuna bo‘lmoqda. Bularga misol tariqasida tibbiyot va barcha davlat tashkilotlari xodimlarini keltirishimiz mumkin. Ularning kasallikni yengib o‘tish bo‘yicha amalga oshirayotgan mehnatlari, aholining tinchlik va xotirjamligini saqlash borasida kunu-tun say'-harkatlari alohida tahsinga sazovor. Aholimizdan esa faqat joriy qilingan tartibga rioya etgan hollarida, iloji boricha ko‘chaga chiqmasliklari talab etiladi.
Shu yo‘nalishda imom-xatiblarimiz ham o‘z hissalarini qo‘shishga harakat qilmoqdalar. Ular tomonidan aholi o‘rtasida tushuntirish, targ‘ibot ishlari olib borilib, tibbiyot niqoblari tarqatiilmoqda. Kam ta'minlangan oilalarga moddiy yordamlar ko‘rsatimoqda. Siz ham xayrli ishlarga o‘z hissangizni qo‘shing, hurmatli vatandosh!
Allohning nazdida mehnati qadrliroq, zahmatiga mukofotlari ko‘proq insonlar
Oramizda shunday kasb egalari borki, mashaqqatli mehnatlari qahramonlikka loyiq bo‘lsa-da, ularning qadriga yetmaymiz. Zahmatli mehnatlariga past nazar bilan qaraymiz, gohida kamsitamiz. Go‘yoki ular bajarayotgan ish tahqir, haqorat… Ammo anglamaymizki, Allohning nazdida bizdan ko‘ra ularning mehnati qadrliroq, zahmatiga mukofotlari ko‘proq.
Imom-xatiblar tomonidan epidemiyani oldini olish bo‘yicha tadbirlar amalga oshirilmoqda
O‘zbekiston musulmonlari idorasi Ulamolari Kengashining karantin davrida osoyishtalikni saqlash va inson sog‘lig‘ini muhofaza qilish maqsadidagi o‘rnatilgan tartib-qoidalarga qat'iy rioya qilishga chaqirig‘i e'lon qilindi. Darhaqiqat, mutaxassislarning tavsiya va ko‘rstmalariga amal qilish holatning ijobiy tomonga o‘zgarishiga sabab bo‘ladi. Nabiy alayhissalom ham Allohga tavakkal qilib, tuyasini yaylovga qo‘yib yuborgan sahroyi arabga: “Avval uni bog‘lab, keyin Allohga tavvakkal qil” deb buyurganlar. Biz ham o‘z o‘rnida ehtiyot choralarini qo‘llab, so‘ng Allohga tavakkal qilib, O‘zidan shifo va omon saqlashini so‘rasak maqsadga muvofiq bo‘ladi.
Yaxshilarning muruvvati
Rasululloh sollallohu alayhi vasallam muborak hadislarida “Qiyomat faqatgina yomon odamlar ustida qoim bo‘ladir”, deganlar (Ikki shayx rivoyati). Ya'ni, yer yuzida yaxshi odamlar qolmasa, shunda qiyomat bo‘lar ekan.
