Qabristonlarda hashar bo‘lmoqda
O‘zbekiston musulmonlari idorasi raisi, muftiy Usmonxon Alimov boshchiligida shu yilning 13 fevral kuni Zomin tumanida viloyat bosh imom xatiblari hamda mas'ul vakillar ishtirokida sayyor yig‘ilish o‘tkazilgan edi. Yig‘ilishdan so‘ng qatnashchilarga Zomin tumanidagi qabristonga ziyorat uyushtirilib, u joydagi qabrlarning joylashish holati va ko‘rinishini namuna qilib olish tavsiya qilindi. Shundan kelib chiqib, viloyat vakili shahar va tuman bosh imom xatiblari bilan bir necha marta yig‘ilib, qabrlarni hashamatli qilmaslik, ustiga bino va tosh o‘rnatmaslik, aksincha qabr ustini somonli loy bilan suvoq qilib qo‘yish shari'atimiz va an'analarimizga mos ekanligini aniq dalil va misollar bilan xalq orasida va juma mav'izlarida tushuntirishga kelishib oldilar. Juma tezisiga ham shu mazmundagi ilova qo‘shimcha qilindi. Viloyat bosh imom xatibi Z.Eshonqulovning qabrlarni shari'atimiz talabalariga mos ravishda bo‘lishiga qaratilgan video murojaati tayyorlanib, shahar va tuman bosh imom xatiblariga taqdim qilindi hamda viloyat televideniyasi orqali namoish etildi. O‘MI Samarqand viloyati vakilligi tashabbusi bilan 2019 yil 2-3 mart kunlari viloyatdagi jami 1441 ta qabristondan 819 tasida hashar o‘tkazildi. Unda 27236 nafar fuqarolar ishtirok etdi. Hashar jarayonida ko‘chatlar o‘tqazilib, tozalash va obodonlashtirish ishlari amalga oshirildi. Jumladan: 2290 dona manzarali daraxt ko‘chatlari ekildi. 13450 metr ariqlar tozalandi. 91,5 tonna chiqindilar olib tashlandi. 7900 tup daraxtlar oqlanib, ularga shakl berildi. 73 ta texnika jalb etildi. 560 ta qabrlar somonli suvoq qilindi. Homiylarni jalb qilgan holda 32 000 000 so‘m pul mablag‘i yo‘laklar ta'miri, manzarali ko‘chatlar ekish kabi ishlarga sarf qilindi.
Vaqf mulki va obi-hayot aksiyasi
“Vaqf” xayriya jamoat fondi kelib tushgan mablag‘larni har bir yo‘nalish bo‘yicha taqsimotini amalga oshirgan holda hududlarda bir qancha loyihalarni amalga oshirishni o‘z oldiga maqsad qilgan. Shunday loyihalardan biri “Obi hayot” loyihasidir. Ushbu loyihadan ko‘zlangan maqsad aholini toza ichimlik suviga bo‘lgan ehtiyojini qondirish bo‘lib, uni amalga oshirish uchun fond tomonidan “Vaqf mulki va obi-hayot aksiyasi” o‘tkazilib kelmoqda. Xabaringiz bor, yaqinda Surxondaryo viloyatidagi bir nechta mahalla aholisiga “Vaqf” xayriya jamoat fondi tomonidan toza ichimlik suvi tarmog‘ini o‘tkazish ishlari yakuniga yetkazlidi.
Xayriya fondining xayriya ishlari
Aholining ijtimoiy himoyaga muhtoj qatlamlarini moddiy va ma'naviy qo‘llab-quvvatlash “Vaqf” xayriya jamoat fondining maqsad va vazifalaridan biridir. Fondning Samarqand viloyati filiali Samarqand shahridagi “Xo‘ja abdu Darun” jome masjidi bilan hamkorlikda ana shunday muhtoj oilalardan biriga ko‘mak qo‘lini cho‘zdi. Samarqand shahrida davolanayotgan Qashqadaryo viloyati, Shahrisabz tumani, Pillakash qishlog‘ida yashovchi 2015 yilda tug‘ilgan Qudratov Yasurbekni davolanishi uchun 1300000 so‘m pul hamda oziq-ovqat ehson qilindi.
Bulung‘ur tumani imom xatiblari ziyoratda
Bulung‘ur tumanida faoliyat yuritayotgan rasmiy imom xatib va imom noiblari Samarqand viloyatining diqqatga sazovar joylarini ziyorat qildilar. Ziyoratning avvalida dastlab hadis ilmining sultoni Imom al-Buxoriyning qabrlari ziyorat qilinib, haqlariga tilovat va duo qilindi. Shundan so‘ng, Imom al-Buxoriy xalqaro ilmiy-tadqiqot markazi hamda Hadis ilmi maktabida bo‘lib, bu yerda amalga oshirilgan keng ko‘lamli bunyodkorlik va obodonlashtrish ishlari, ilmiy xodimlar uchun yaratilgan shart-sharoitlar bilan yaqindan tanishishdi. Ziyorat davomida Bulung‘ur tumani “G‘ishtli” jome masjidi imom xatibi Kuliyev Xolmuhammad domla o‘zining shaxsiy kutubxona fondidagi 4 ta qo‘lyozma kitoblarini Imom al-Buxoriy xalqaro ilmiy tadqiqotlar markazi kutubxonasiga topshirdi.
O‘zbekiston va Qozog‘iston Vaqf fondlari rahbarlari uchrashdi
So‘nggi paytlarda qo‘shni davlatlar bilan o‘rnatilgan aloqalarimiz tobora mustahkamlanib bormoqda. Jumladan, Prezidentmiz Shavkat Mirziyoevning qo‘shni Qozog‘iston Respublikasi bilan hamkorlik borasida olib borayotgan amaliy ishlari natijasida barcha sohalarda hamkorlik yo‘lga qo‘yilmoqda.
Umra ziyoratchilari Samarqanddan jo‘nab ketdi
Xabaringiz bor Umra ibodatiga boruvchilar endi faqat yilning bahor faslida yoki Ramazon oyidagina emas, balki butun yil davomida Umra ibodatlariga borish imkoniga ega bo‘ldilar. Bugun ham Umra ziyoratini niyat qilgan Samarqandlik bir guruh ziyoratchilar Toshkent shahriga yo‘l oldilar. 26 fevralning tongida esa Jidda shahriga parvoz qiladilar. Samarqand viloyati bosh imom xatibi Z. Eshonqulov va boshqa mutasaddilar viloyat vakilligi binosida ularni safarga kuzatib qoldilar.
Insonparvarlik va muruvvat ulug‘ fazilat
Xayr-saxovat, insonparvarlik va muruvvat xalqimizga xos ulug‘ an'ana. Ayniqsa, ko‘ngli o‘ksik insonlarga mehr ko‘rsatish, qalbini quvonchga to‘ldirish savobi ulkan amallar sirasiga kiradi.
Imom xatiblarimiz Vaqf xayriya jamoat fondini jamoatchilikka tanishtirishda davom etmoqda
O‘zbekiston Respublikasi Prezidentining “Xotin-qizlarni qo‘llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to‘g‘risida”gi Farmoni va “O‘zbekiston Respublikasida oila institutini mustahkamlash konsepsiyasini tasdiqlash to‘g‘risidagi” Qarori qabul qilingan edi. Shu munosabat bilan 2019 yil 21 fevral kuni Samarqand tuman hokimligi majlislar zalida yig‘ilish bo‘lib o‘tdi. Unda Samarqand tumanining xotin-qizlar qo‘mitasi, prokuratura, mahalla jamg‘armasi, deputatlar, mahalla rais va maslahatchilari, tuman Majburiy ijro byurosi xodimlari, OAV xodimlari, Tuman bosh imom xatibi va tumandagi barcha imom xatiblar ishtirok etdi.
Xalqaro forum qatnashchilari Samarqandda
Buxoro shahrida bo‘lib o‘tgan I Xalqaro “Ziyorat-turizmi” Forumi qatnashchilaridan iborat delegatsiya bugun tongda Samarqand shahriga tashrif buyurdilar. Mehmonlar ziyoratni “Shohi-Zinda” jome masjidida bomdod namozini ado etish bilan boshladilar. Shundan so‘ng majmuani ziyorat qildilar. Mehmonlarning keyingi ziyorat manzili “Registon” ansambili bilan tanishish bo‘ldi. Ansamlning me'moriy yechimi ajdodlarimiz madaniyati va san'atining yaqqol ifodasi sifatida barchani hayratga solib kelmoqda. Mana shunday ta'sirotlar bilan mehmonlar Payariq tumanidagi Imom al-Buxoriy ziyoratgohi sari yo‘l oldilar. Ushbu maskanda hadis ilmining sultoni Imom al-Buxoriyning qabrlarini ziyorat qilib, haqlariga tilovat va duo qilindi. Shundan so‘ng, Imom al-Buxoriy xalqaro ilmiy-tadqiqot markazi hamda Hadis ilmi maktabida bo‘lib, bu yerda amalga oshirilgan keng ko‘lamli bunyodkorlik va obodonlashtrish ishlari, ilmiy xodimlar uchun yaratilgan shart-sharoitlar bilan yaqindan tanishishdi.
Buxoro shahrida I Xalqaro Ziyorat-turizmi Forumi o‘z ishini boshladi
Prezidentimiz Shavkat Mirziyoev tashabbusi bilan joriy yilning 21 — 23 fevral kunlari Buxoro va Samarqandda I Xalqaro “Ziyorat-turizmi” Forumi bo‘lib o‘tishi belgilangan edi. Kecha 21 fevral kuni dasturga ko‘ra, forumga taklif etilgan mehmonlar Buxoroning diqqatga sazovor maskanlari va ziyorat turizmi obyektlari, jumladan Bahouddin Naqshbandiy memorial majmuasini tomosha qildilar. Shundan keyin forumining VIP-ishtirokchilari va boshqa bir qancha tashkilotlar vakillari bilan mahalliy va xorijiy OAV uchun matbuot anjumanlari bo‘lib o‘tdi. Forumda ishtirok etish uchun 34ta davlatdan 120 nafarga yaqin vakil tashrif buyurgani anjumanda aytib o‘tildi. Ziyorat turizmi bo‘yicha ilk xalqaro forumda islom dunyosining nufuzli xalqaro tashkiloti, tegishli idoralar, din ulamolari, O‘zbekiston musulmonlari idorasining viloyatlardagi bosh imom xatiblari, oliy o‘quv yurtlari, sayyohlik ma’muriyatlari, ilmiy-akademik doiralar, ziyorat turizmi bo‘yicha turistik kompaniyalar vakillaridan iborat xorijiy mehmonlar, shuningdek, mahalliy OAV vakillari va turoperatorlar ishtirok etmoqda.
Dillarga xursandchilik ulashish - har bir inson uchun huzurbaxsh amaldir.
Muhtaram Prezidentimizning 2017 yil 1 avgustdagi “Nogironligi bo‘lgan shaxslarni davlat tomonidan qo‘llab-quvvatlash tizimini tubdan takomillashtirish chora-tadbirlari to‘g‘risida”gi Farmoni ijrosini ta'minlash maqsadida yurtimizning bir qancha shaharlarida eshitish va gapirish qobiliyati cheklangan shaxslar bilan diniy-ma'rifiy tadbirlar o‘tkazilmoqda. Joriy yilning 20 yanvar kuni Samarqand shahridagi “Xo‘ja Is'hoqi Vali” jome masjidida ham ilk bor shu kabi tadbir o‘tkazilgan edi. Shundan so‘ng haftaning har dushanba va payshanba kunlari eshitish va gapirish qobiliyati cheklangan bunday insonlarning siniq ko‘ngillarini ko‘tarib, dillariga xursandchilik ulashish, ularning dinimizni o‘rganishga bo‘lgan ehtiyojlarini ta'minlash, bu boradagi ishtiyoqlarini qo‘llab-quvvatlash, Islom dinining insonparvar g‘oyalarini targ‘ib qilish va shu orqali yot g‘oyalarga barham berish maqsadida ushbu tadbir o‘tkazib kelinmoqda. Masjid imom xatibi Yo.Mansurov yig‘ilganlarga Islom dinining asoslari, odob va axloq mezonlari, ilm-ma'rifat tushunchasi kabi mavzularda ma'ruzalar bilan chiqish qilmoqda. “Vaqf” xayriya jamoat fondi Samarqand viloyati bo‘limining ko‘magi bilan monitor orqali yozib olingan juma ma'ruzasining surdo tarjimasi tadbir ishtirokchilariga namoish etilmoqda. Shuni ta'kidlab o‘tish lozimki, Vaqf” xayriya jamoat fondi va uning Samarqand viloyati bo‘limi tadbir ishtirokchilariga barcha sharoitlarni yaratib berishda o‘z hissasini qo‘shib kelmoqda. Fond faoliyatiga bag‘ishlangan ma'lumotlar joylashtirilgan yillik taqvim va boshqa sovg‘alar tadbir qatnashchilariga sovg‘a sifatida taqdim etildi.
Oilalarni mustahkamlash - jamiyat tarqqiyotining asosidir
Samarqand shahrining Yoshlar saroyida viloyat xotin qizlar qo‘mitasi tomonidan tashkil etilgan “Oilalarni mustahkamlash – jamiyat tarqqiyotining asosidir” mavzusida konferensiya bo‘lib o‘tmoqda. Konferensiyadan ko‘zlangan maqsad, oila institutini yanada mustahkamlash va xotin-qizlarni har tomonlama qo‘llab-quvvatlashga qaratilgan islohotlarni ta'minlash, ayollarning huquqlari, erkinliklari va qonuniy manfaatlarini ishonchli himoya qilish va ularning muammolarini o‘z vaqtida hal etishni ta'minlashga qaratilgan.
Oltin silsilaning birinchi dovoni
Tarixiy va milliy qadriyatlarga boy yurtimizning Islom olamidagi yuksak o‘rni va nufuzi hech bir musulmonga sir emas. Ayniqsa, bu yurtdan yetishib chiqqan buyuk allomalarning islom ta'limotlari, xususan, hadis ilmini shakllantirish va rivojlantirishdagi xizmatlari butun dunyoda tan olingan. Islom dini va madaniy-ma'naviy merosga e'tibor qaratilayotgan bugungi kunda O‘zbekiston zaminida o‘z dini va ma'naviy an'analariga mehr va sadoqat, tarixiy merosni asrab avaylash bo‘yicha ajoyib tajriba maktabi shakllanmoqda. Xabaringiz bor marhum ustoz Shayx Muhammad Sodiq Muhammad Yusuf va tarjimonlar guruhi butun Islom olamida eng sahih hadis to‘plamlari deb e'tirof qilingan to‘qqiz mo‘tabar kitobdan iborat “Oltin silsila” rukni ostida ilmiy asosga ega, barcha shartlarga amal qilgan holda ulamolar hay'ati ijrosida izohli tarjima qilinishini yo‘lga qo‘yib, buyuk vatandoshimiz Imom Buxoriy hazratlarining “Jome'us sahih” to‘plamiga bag‘ishlangan 8-juzdan iborat izohli tarjimaning 5 juzi “Hilol nashr” nashriyoti tomonidan chop etilgan edi. Ushbu xayrli ishning davomi o‘laroq asarning izohli tarjimasiga bag‘ishlangan “Oltin silsila” kitobining 6-8-juzlari ham nashrdan chiqdi. 2019 yil 17 fevral kuni uning taqdimoti hadis ilmining sultoni, buyuk vatandoshimiz Imom Buxoriy hazratlarining ravzalari yonida joylashgan jome masjidda bo‘lib o‘tdi. Taqdimotda yurtimizning yetuk ulamolari, ustoz Shayx Muhammad Sodiq Muhammad Yusufning safdoshlari va shogirdlari, “Hilol nashr” nashriyoti rahbari Ismoilxon Muhammad Sodiq, O‘zbekiston musulmonlari idorasi kotibiyat mudiri Muhammad Ayyubxon Homidov, O‘zbekiston musulmonlari idorasining Samarqand viloyatidagi vakili Zayniddin Eshonqulov, Samarqand “Hadis ilmi maktabi” rektori Olimxon Yusupov va ko‘plab kitob ixlosmandlari ishtirok etdi. Tadbir avvalida “Oltin silsila” kitobining ijodiy jamoasi tomonidan Imom Buxoriy hazratlari haqqiga ado etilgan Qur'oni karim tilovatining xatmi, Umra ziyorati, qurbonlikning savoblari duo qilinib, u kishining haqlariga bag‘ishlandi. Shu bilan birga “Jome'us sahih” hadislar to‘plami ham to‘liq mutolaa qilinib, unda keltirilgan oxirgi uch hadisi sharif shu tadbir qatnashchilari ishtirokida mutolaa qilinib, yakuniga yetkazildi. Ushbu xatmlar ortidan buyuk alloma va barcha o‘tgan aziz avliyolar, dinimiz, xalqimiz va yurtimiz taraqqiyotga xizmat qilib o‘tganlarning haqlariga duoi xayrlar qilindi.
JIZZAXDA SAYYOR YIG‘ILISH
Joriy yilning 13 fevral kuni Jizzax viloyat Zomin tumanida joylashgan “Ma’rifatli” jome masjidida O‘zbeksiton musulmonlari idorasi raisi, muftiy Usmonxon Alimov hazratlari boshchiligida sayyor yig‘ilish bo‘lib o‘tdi. Unda O‘zbeksiton musulmonlari idorasining masjidlar bo‘limi mudiri Muhammadnazar Qayumov, “Vaqf” xayriya jamoat fondi rahbari Iskandar Xalilov va O‘MIning joylardagi vakillari qatnashdi. Yig‘ilishda viloyatdagi vakillarning joriy yilning o‘tgan davri mobaynida amalga oshirgan ishlari yuzasidan hisobotlari tinglandi. Muftiy hazratlari diniy xodimlarning oldida turgan vazifalar, Yurtimizda amalga oshirilayotgan ijtimoiy, diniy islohotlar haqida gapirib o‘tdilar. Shundan so‘ng peshin namoziga yig‘ilgan jamoat bilan dildan suhbat uyushtirildi.
O‘ZBEKISTON MUSULMONLARI IDORASINING MAJLISLAR ZALIDA "KATTA LANGAR QUR'ONI VA UNING TARIXIY AHAMIYATI" MAVZUSIDA ILMIY AMALIY SEMINAR BO‘LIB O‘TMOQDA
Joriy yilning 12 – 13 fevral kunlari O‘zbekiston musulmonlari idorasida “Usmon Mus'hafi”ning nodir nusxalaridan hisoblangan “Katta Langar Qur'oni”ga bag‘ishlangan “Katta Langar Qur'oni va uning tarixiy ahamiyati” mavzusida ilmiy amaliy seminar va diniy adabiyotlar nashrini tartibga solishga oid muhim tadbir bo‘lib o‘tishi belgilangan edi. Ayni damda anjuman o‘z ishini boshlab, mutaxassislar tomonidan mavzuga oid kerakli ma'lumotlar ishtirokchilarga yetkazilmoqda. Unda O‘zbekiston musulmonlari idorasining raisi, muftiy U.Alimov, rais o‘rinbosarlari, O‘zbekiston islom sivilizatsiyasi markazi direktori Sh.Minavarov, O‘zbekiston musulmonlari idorasining joylardagi vakillari ishtirok etmoqdalar.
