Бугун, муборак Рамазон ойи муносабати билан Самарқанд вилояти бош имом-хатиби Аҳмадхон домла Алимов Пастдарғом туманида бўлиб, инсонпарварлик ва меҳр-мурувват рамзи бўлган хайрли ташрифни амалга оширди.

Ташриф давомида устоз турли миллат вакилларидан бўлган 4 нафар эҳтиёжманд оилалар ҳолидан хабар олиб, уларга моддий ва маънавий кўмак кўрсатди. Шунингдек, Рамазон ойининг фазилатлари, унинг сабр, бағрикенглик ва меҳр-оқибат ойи эканлиги ҳақида тавсиялар берди.

Оилалар устознинг ташрифидан миннатдорчилик билдириб, бу каби эзгу ишлар жамиятимизда миллатлараро ҳамжиҳатликни янада мустаҳкамлашини таъкидлашди.

Бу хайрли тадбир Рамазон ойида эҳтиёжманд ва муҳтож инсонларга ёрдам бериш, мусулмончилик ва инсонпарварлик анъаналарини кенг ёйиш мақсадида амалга оширилди.