Жиззахда "Дунё уламолари мурожаати" номли китобнинг тақдимот маросими ташкил этилди
Жорий йилнинг 25 июль куни Жиззах вилоят ҳокимлиги, Ўзбекистон мусулмонлари идораси вилоят вакиллиги ҳамда Жиззах давлат педагогика институти ҳамкорлигида «Дунё уламолари мурожаати» номли китобнинг тақдимот маросими ўтказилди. Учрашувда вилоят имом-хатиблари, олим ва мутахассислар иштирок этди.
Бирлашган Араб Амирлигида хурмо фестивали
Бирлашган Араб Амирлигида Хурмолар фестивали бошланди. Хурмо пальмалари – Шимолий Африка, Арабистон ярим оролида ва бошқа Осиё давлатларида қадим-қадимдан мавжуд бўлган ўсимликдир. Мазкур ўсимлик одамзодга таҳминан 9 минг йил илгари маълум бўлган. Пальма дарахтининг 70 га яқин тури бор, хурмонинг ҳам худди шунча тури фанга маълум. Хурмони мевасини янги ва қуритилган ҳолда истеъмол қилиш мумкин.
ХЎЖА АБДУ ДАРУН ЖОМЕ МАСЖИДИ
“Хўжа Абду Дарун” жоме масжиди Самарқанд шаҳар Садриддин Айний кўчаси 21-уйда жойлашган. Масжид 1981 йилдан буён расмий фаолият юргизиб келмоқда.
Сарҳисоб танлови
Истиқлол йиллари мамлакатимизда диний-маърифий соҳадаги ислоҳотларни оммавий ахборот воситалари орқали кенг тарғиб этишда фаоллик кўрсатган ижодкорларни тақдирлаш бўйича «Сарҳисоб» танлови
ДУНЁ УЛАМОЛАРИ МУРОЖААТИ НОМЛИ КИТОБ ТАҚДИМОТИ
2016 йилнинг 20 июл куни Ўзбекистон мусулмонлари идораси Самарқанд вилояти вакиллиги томонидан ташкил этилган вилоятда фаолият олиб бораётган расмий дин вакилларининг диний, маънавий-маърифий ва бошқа соҳалардаги билимларини ошириш ҳамда уларнинг дунёқарашларини кенгайтиришга қаратилган уч кунлик ўқув-семинар машғулотларининг иккинчи кунида барча ҳудудлар бўйлаб “Дунё уламолари мурожаати” номли китоб тақдимоти бўлиб ўтди. Эслатиб ўтиш жоизки семинар дарслари вилоятнинг Самарқанд ва Каттақўрғон шаҳарлари ҳамда Пастдарғом, Пайариқ ва Ургут туманларида олиб борилмоқда.
ИМОМ ХАТИБЛАР УЧУН ЎҚУВ СЕМИНАР
Ўзбекистон мусулмонлари дораси Самарқанд вилояти вакиллиги томонидан вилоятда фаолият олиб бораётган расмий дин вакилларининг диний, маънавий-маърифий ва бошқа соҳалардаги билимларини ошириш ҳамда уларнинг дунёқарашларини кенгайтиришга қаратилган ўқув-семинар машғулотлари ташкил этилди. 19-21 июл кунлари бўлиб ўтадиган машғулот дарслари вилоятнинг бешта ҳудудида: Самарқанд ва Каттақўрғон шаҳарлари ҳамда Пастдарғом, Пайариқ ва Ургут туманларида олиб борилмоқда. Вилоят имом хатиблари беш гуруҳга бўлинган ҳолда, ўзларига яқин ҳудудда семинар машғулотларига иштирок этмоқдалар.
САЙЁР МАЖЛИС
2016 йил 14 июл куни Самарқанд туманининг марказий масжиди ҳисобланган Хўжа Аҳрори Вали жоме масжидида Ўзбекистон мусулмонлари идораси Самарқанд вилояти вакиллиги тасарруфидаги шаҳар ва туманлар бош имом хатиблари ҳамда Самарқанд шаҳар ва Самарқанд туман масжид имом хатиблари иштирокида сайёр йиғилиш бўлиб ўтди.
Ҳайитингиз муборак бўлсин!
Муборак Рамазон ойи ҳам нихоялаб катта кичик орзиқиб кутаётган ҳайт байрами яқинлашиб халқимиз байрамона кайфиятда бир бирларини қутламоқдалар.Аллоҳ таолога беадат ҳамду санолар бўлсинки ўтаётган улуғ ойни кўтаринки руҳ билан эсда қоларли даражада ўтказдик. Вилоятимиз мўмин мусулмонлари рўза тутишлик билан бирга таровеҳ намозларини ҳам чиройли тарзда адо қилишдилар. Шаҳар ва қишлоқларимизда хатмоналар қилиниб элу юртимиз ҳақига хайрли дуолар қилинди. Самарқанд вилоят телерадиокомпанияси орқали рамазон ҳақидаги маърифий роликлар ҳар куни эфирга узатилиб халқимизга ҳавола этилгани кишиларни хурсанд этди. Зарафшон газетаси ва шаҳар туман газеталарида маърифий мақолаларнинг чоп этилиши ҳам газетхонларни мамнун қилди. Вилоят бош имом хатиблиги бошчилигида жами қирқ тўрт миллион сўмлик маблағ кам таминланган оилаларга моддий ёрдам сифатида тарқатилди. Ундан ташқари қариялар уйига ва болалар уйига саховатлар қилинди. Мисол тариқасида 114-сон махсус мактабгача таълим муассасига Имом Аъзам масжиди тамонидан 40 та стул, 10 та стол, 6 та махсус машқ бажарадиган стул ва 5 дона гилам берилди. Хайит савғолари азал азалдан боболаримиздан мерос бўлиб келмоқда ишонамизки биздан кейинги авлод ҳам бу муборак ишни бизданда чиройлироқ қилиб бажарадилар. Қолаверса барча қабристонларда байрам олди ҳашар уйиштирилиб зиёратчилар учун қулай имкониятлар яратилди. Фурсатдан фойдаланиб вилоят бош имом хатиблиги томонидан халқимизни рамазон хайити билан қутлаймиз. Элимиз тинч ватанимиз обод хонадонларимиз хурсандчиликка тўлсин. Байрамингиз муборак бўлсин азиз юртдошлар.
РАМАЗОН ҲАЙИТИ ОЛДИ ЙИҒИЛИШИ
Жорий йилнинг 29 июнь куни Самарқанд вилоят вакиллиги биносида 2015-2016 ўқув йил битирувчилари тақсимоти бўйича жойларга бориб ишлашларини таъминлаш ва Рамазон ҳайитини юқори савияда ўтказишга бағишланган йиғилиш бўлиб ўтди. Унда вилоят вакили Н.Исламов, вакил ўринбосари З.Эшонқулов, вакиллик ходимлари, 2016 йил битирувчилари, шаҳар ва туманлар бош имом хатиблари ҳамда Самарқанд шаҳар ва Самарқанд туман масжид имом хатиблари иштирок этдилар.
ШҲТ АЪЗОЛАРИ МИНОРДА
Шанхай Ҳамкорлик Ташкилотининг навбатдаги 15 йиллик юбилей мажлисида қатнашиш учун Республикамизга келган хорижий меҳмонлар пойтахтимизнинг диққатга сазовор масканларига ташриф буюрмоқдалар. 23 июнь куни “Минор” жоме масжидида бир қатор турли мамлакат вакиллари кутиб олинди. Жумладан, АСЕАН халқаро ташкилоти бош котиби Ле Лионг Минь, “Чайна Минметалз корпорейшн” раҳбари Ли Лианг, Ҳиндистон ва Хитой божхона қўмитаси мутахассислари ҳамда ахборот агентликлари вакиллари ташриф буюришди.
ШАНХАЙ ҲАМКОРЛИК ТАШКИЛОТИ (ШҲТ)
Шанхай Ҳамкорлик Ташкилоти (ШҲТ) Хитой, Россия, Қозоғистон, Тожикистон, Қирғизистон ҳамда Ўзбекистон давлатлари ўртасида 2001 йил 15 июнда ташкил этилган халқаро минтақавий ташкилот ҳисобланади. Унинг асосий мақсади аъзо давлатлар ўртасида ўзаро ишонч ва яхши қўшничиликни мустаҳкамлаш ҳамда сиёсий, савдо-иқтисодий, илмий-техникавий, маданий, шунингдек, таълим, энергетика, транспорт, туризм, атроф-муҳитни муҳафаза қилиш ва бошқа соҳалардаги самарали ҳамкорликни йўлга қўйишдан иборат. Бундан ташқари, минтақавий хавфсизликни таъминлаш, терроризм, экстремизм ва айирмачиликка қарши биргаликда курашиш ҳам ташкилотнинг асосий вазифалари сирасига киради.
Покистон Ислом Республикаси Президенти Мамнун Ҳусейн Имом Бухорий мажмуасига ташриф буюрди
Шанхай Ҳамкорлик Ташкилоти давлат раҳбарлари кенгашининг навбатдаги мажлисида иштирок этиш учун Ўзбекистонга келган Покистон Ислом Республикаси Президенти Мамнун Ҳусейн бошчилигидаги делегация 22 июн куни Имом Бухорий мажмуасига ташриф буюрди. Меҳмонларни вилоят мутасаддилари ҳамда Имом Бухорий жоме масжиди имом хатиби З.Эшонқулов кутиб олди.
ШОҲИ ЗИНДАДА ХАТМОНА
19 июнь якшанба куни Самарқанд шаҳрининг марказий масжиди ҳисобланган “Шоҳи Зинда” жоме масжидида хатмона бўлиб ўтди. Унда вилоят бош имом хатиби Нуриддинхон Исламов, узоқ-яқиндан келган меҳмонлар, масжид ходимлари ва намозхонлар қатнашдилар. Вилоят бош имом хатиби масжидда йиғилганларни ушбу улуғ фурсат билан табриклар экан, хатми Қуръон фазилати, ҳофизи Қуръонлар қадри ҳақида қисқача ваъз- насиҳат қилиб ўтдилар. Аллоҳ таолодан Каломи шарифи барокотидан юртимизни тинч сақлаб, халқимиз фаровонлигини зиёда этишини сўраб дуои хайрлар қилдилар.
ТАРОВЕҲ НАМОЗЛАРИ ТАРОВАТИ
Муборак Рамазон ойининг файзли кечаларида намозхонлар ҳолидан хабар олиш, масжидларда ибодат учун ҳозирланган шароитлар билан яқиндан танишиш, айниқса хатми Қуръон бўлаётган масжидлардаги руҳиятни ўрганиш мақсадида Ўзбекистон мусулмонлари идораси Самарқанд вилояти вакиллиги раҳбарлари ҳамда вакиллик ходимлари вилоят бўйлаб сафарларга чиқмоқдалар. Таъкидлаш лозимки, йилнинг энг иссиқ ва кунларнинг энг узун вақтига тўғри келган Рамазон ойида мўмин-мусулмонларнинг ихлосу ғайрат билан ибодат қилаётганлари таҳсинга лойиқ. Намозхонлар юзида хотиржамлик, розилик аломатлари кўриниб турибди.
МУҲАММАД НАҚИББЕК ЖОМЕ МАСЖИДИДА ТАРОВЕҲ ШУКУҲИ
Каттақўрғон шаҳридаги қадимий ва бугунги кунда ҳам ҳайбат, тароватини йўқотмаган Муҳаммад Нақиббек жоме масжиди Рамазон ойининг фараҳбахш кечаларида янада серфайз бўлиб кетди. Масжид ўзгача гўзаллик билан тўлиб тошган. Рамазоннинг шукуҳи, таровеҳнинг таровати, хатми қуръонларнинг файзи ва барокатини масжидга ташриф буюрган намозхонларнинг юзидан сезиб олиш қийин эмас эди.
