БАЙРАМ ОЛДИДАН
Ўзбекистон мусулмонлари идораси Самарқанд вилояти вакиллиги томонидан Умумхалқ байрами 9-май – Хотира ва Қадрлаш кунини муносиб кутиб олиш ва нишонлаш мақсадида қатор ишлар амалга оширилмоқда. Жумладан вилоятнинг чекка туманлари ва чегараолди ҳудудларида жойлашган масжидларга жума намозини адо этиш ва ўша атрофдаги маҳаллаларда истиқомат қилувчи иккинчи жаҳон уруши қатнашчилари, меҳнат фахрийлари, ногиронлар, ёлғиз кексалар, кам таъминланган оилалар ҳолидан хабар олиш мақсадида малакали имомлар сафарбар этилди.
ҚИЗИҚАРЛИ УЧРАШУВ
2016 йилнинг 29 апрел куни вилоят хокимлиги ҳузуридаги фуқароларнинг ўзини ўзи бошқариш органлари ходимларининг малакасини ошириш бўйича ўқув курсида қизиқарли учрашув бўлиб ўтди.
ҚАБРИСТОНЛАРНИ ОБОД ҚИЛИШ - ИНСОНИЙ БУРЧДИР
Ўзбекистон мусулмонлари идораси ва Дин ишлари бўйича қўмита тамонидан 2016 йил 7 апрелда тасдиқлаган “Умумхалқ байрами 9 май –Хотира ва Қадрлаш кунини нишонлашга тайёргарлик кўриш ва уни ўтказиш бўйича Ўзбекистон мусулмонлари идораси тасарруфидаги диний ташкилотларда амалга ошириладиган тадбирлар режаси” ижросини таъминлаш мақсадида вилоят бош имом хатиби, шаҳар ва туман имом хатиблари иштирокида жойларда қабристонларни ободонлаштиришга доир ҳудудий семинарлар ўтказилмоқда. 21-28 апрел кунлари оралиғида бўлиб ўтиши режалаштирилган семинарлардан кўзланган мақсад белгиланган режа асосида қабристонларда ободонлаштириш ишларини олиб бориш, ота-боболаримиз хоки қўним топган масканларни кўркам ҳолатга келтириш ҳамда "9 май - Хотира ва Қадрлаш куни"га муносиб тайёргарлик кўришдир. Бундай масъулиятли ишга яқиндан ёндашган вилоят бош имом хатиби Н.Исламов ва бош имом хатиб ўринбосари З.Эшонқуловлар олис қишлоқлардаги қабристонларга бориб, у ерларни обод қилишга доир ўз тавсия ва фикрларини бермоқдалар.
САМАРҚАНДДА КЕНГ ҚАМРОВЛИ ТАРҒИБОТ ТАДБИРЛАРИ
2016 йилнинг 29-30 март кунлари Самарқанд вилояти бўйлаб саккизта туманда ижтимоий-маънавий муҳит барқарорлигини таъминлашга қаратилган кенг қамровли учрашувлар бўлиб ўтди.
ҲАШАР-ЭЛГА ЯРАШАР
Ҳашар азал-азалдан халқимиз орасида кенг тарқалган миллий қадриятларимиздан бўлиб, кўпчилик билан амалга ошириладиган тадбирларимиздандир. 25 март куни Иштихон туман “Муҳожирлар” жоме масжидида катта ҳашар уюштирилди. Ҳашарда масжид қавмидан иборат барча катта кичик иштирок этишди. Атрофлар тозаланиб дарахтларга шакл берилди. Ҳашарчилар ёрдамида 100 дона ҳар хил мевали ва 100 дона манзарали кўчат дарахтлари экилди. Ҳашарчилардан 75 ёшларни қоралаган Эрмуҳаммад бобо ўз қўллари билан кўчат экар экан: “Бугунги ҳашар менинг ҳаётимда унитилмас кунга айланди. Чунки муборак масжидимиз ҳавлисига кўчат ўтқаздим. Кўчатим дарахтга айланиб мева солганда балким мен бўлмасман. Аммо шу ерга ибодатга келган кишилар мевасидан еб хаққимга дуолар қилади” деб, янада ғайрат билан ишга киришиб кетди. Имом Бухорий ривоят қилган ҳадисда Пайғамбаримиз (с.а.в.) “Қай бир мусулмон бирор кўчат ёки экин экса ундан қуш, одам ёки бирон жонивор еса эккан кишига садақа савоби ёзилади” деб марҳамат қилганлар. Масжид қавми ҳар йили Наврўз арафасида ана шундай савобли катта ҳашар қилишликни келишиб олишди.
НАВРЎЗ БАЙРАМИ ОЛДИДАН ЙИҒИЛИШ
Жорий йилнинг 19 март куни Самарқанд шаҳар “Шохи Зинда” жоме масжидида Самарқанд шаҳридаги мавжуд масжид имом хатиблари иштирокида йиғилиш бўлиб ўтди. Ушбу йиғилишда вилоят бош имом хатиби Н.Исламов, бош имом хатиб ўринбосари З.Эшонқулов ҳамда вакиллик мутахассиси А.Ҳасановлар қатнашди.
ЗИЁРАТЧИЛАР ВИЛОЯТГА ҚАЙТИШДИ
Жорий 2016 йилнинг 17 март куни самарқандлик зиёратчиларнинг навбатдаги гуруҳлари умра амалини адо этиб, Саудия Арабистонидан юртимизга қайтиб келдилар. Уларни Тошкент халқаро аэрапортидан вилоят масъуллари кутиб олар эканлар, барча қулайликларга эга, замонавий автобусларда йўл патрули ходимлари, шифокорлар кузатувида вилоятга олиб келдилар.
БУГУН "ҲИДОЯТ САРИ" КЎРСАТУВИ
"Ўзбекистон" телеканалида эфирга узатилиб бориладиган диний-маърифий йўналишдаги "Ҳидоят сари" кўрсатувининг 4-март (Жума) кунидаги сони "Пойи жаннат - оналар" мавзусига бағишланади. Кўрсатувда бошловчи - Тошкент шаҳар бош имом-хатиби Анвар қори Турсунов ҳамда Тошкент шаҳридаги "Саид Ваққос ота" жоме масжиди имом-хатиби Фозилжон Убайдуллаев, "Нўғой қўрғон" жоме масжиди имом-хатиби Муродхон Садриддинов ва Тошкент вилоятидаги "Рамазони шариф" жоме масжиди имом-хатиби Азимжон Алимжоновлар динимизда Аллоҳ таолонинг ёлғиз Ўзига ибодат қилишдан кейинги энг шарафли ва фарзи айн ҳисобланган ота-онага яхшилик қилиш, онадек мўътабар сиймо қадри ҳақидаги мавзуга доир маърузалари билан иштирок этадилар.
Каттақўрғон туманида футбол мусобақаси
Самарқанд вилояти Каттақўрғон туманида ИИБ ташаббуси билан 21 март “Наврўз” байрами муносабати билан ташкилотлар ўртасида футбол мусобақаси ташкил этилди. Мусобақада Каттақўрғон тумани имом хатиблари ҳам иштирок этмоқдалар. Дастлаб туман ободонлаштириш бошқармаси устидан 3:0 ҳисобида ғалаба қозонган имом хатиблар “Маҳалла” жамоат фонди билан кечган ўйинда 5:0 ҳисобида устун келиб мусобақанинг нимчорак финалига чиқдилар.
Самарқандликлар умра зиёратига отланишди
Жорий йилнинг 29 феврал куни самарқандлик зиёратчиларнинг дастлабки гуруҳлари умра амалини бажариш учун Тошкент халқаро аэрапортидан Саудия Арабистони томон учиб кетдилар. Бир кун аввал Самарқанд вилояти вакиллиги биносида зиёратчиларни тантанали равишда кузатув ишлари амалга оширилган эди. Кузатувда вилоят ҳокимлиги мутасаддилари, жамоат тартибини сақлаш, вилоят вакиллиги ходимлари, мухбирлар ва зиёратчиларнинг яқинлари қатнашдилар.
Самарқандда ҳудудий ўқув-семинарлар
9-21 феврал кунлари Самарқанд вилояти бўйлаб, жойларда фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари учун ҳудудий ўқув-семинарлари бўлиб ўтди. Семинарда вилоят “Маҳалла” хайрия жамоат фонди, Хотин-қизлар қўмитаси вилоят бўлими вакиллари қаторида вилоят бош имом хатиби Нуриддинхон Исламов ҳам маърузаси билан иштирок этди.
Тингловчилар учун зиёфат
Жорий йилнинг 8 феврал куни Имом Бухорий халқаро маркази 4-босқич тингловчилари учун Самарқанд шаҳридаги “Мўжиза” ресторанида зиёфат ташкил этилди. Унда тингловчилар билан бирга вилоят бош имом хатиби Н.Исламов, бош имом хатиб ўринбосари З.Эшонқулов, Самарқанд шаҳар Хўжа Зудмурод жоме масжиди имом хатиби М.Меликовлар ҳам қатнашдилар.
Маърифий учрашувлар изчил давом этмоқда
2016 йилнинг 8-9 феврал кунлари Самарқанд вилояти вакиллиги учун тадбирларга бой бўлди. Турли мавзуларга доир ўтказилган йиғинларда вакиллик раҳбарлари ва имом хатиблар ўзларининг долзарб ва қизиқарли маърузалари билан иштирок этдилар. Жумладан:
Олий таълим муассасаларида учрашув
2016 йилнинг 6 феврал куни Самарқанд вилоятидаги қатор олий таълим муассасалари педагог ўқитувчилари, талаба ва ўқувчилари билан учрашувлар бўлиб ўтди. Жумладан Самарқанд иқтисодиёт ва сервис институтида ўтказилган тадбирда вилоят бош имом хатиби Н.Исламов, Самарқанд шаҳридаги “Санъат саройи”да ташкил этилган Самарқанд давлат университети талабалари билан бўлган йиғинда вилоят бош имоми ўринбосари З.Эшонқуловлар қатнашдилар.
Самарқандда ўқув-семинар
Жорий 2016 йилнинг 5 феврал куни Самарқанд Давлат университети биносида фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари учун ўқув-семинари бўлиб ўтди. Юқори савияда ташкил этилган семинарда қатор нуфузли ташкилотлар вакиллари иштирок этдилар. Жумладан, Ўзбекистон “Маҳалла” хайрия жамоат фонди, Ўзбекистон Хотин-қизлар қўмитаси, Дин ишлари бўйича қўмита, Тошкент ислом университети, Ўзбекистон мусулмонлари идорасидан келган маърузачилар бугунги куннинг долзарб мавзуларига доир нутқлари билан қатнашдилар.
