Joriy yilning 8 oktyabr kuni Moskvadagi “Krokus Siti Xoll” tantalar saroyida “Xalqaro Qur’on bayrami” bo‘lib o‘tadi. Ushbu tadbir doirasida Moskvada halol mahsulotlar degustatsiyasi (totib ko‘rish) marosimi ham tashkillashtiriladi. Bundan tashqari, 32 mamlakatdan tashrif buyurgan qorilar o‘rtasida bo‘lib o‘tadigan XVIII Qorilar musobaqasining eng yaxshi 5 nafar qorisi ham ishtirok etishi kutilmoqda.

Ushbu tadbirga tashrif buyurgan mehmonlarni ajoyib madaniy dasturlar kutmoqda. Hofizi Qur’onlarning Qur’on tilovatlari va mashhur ulamolar tomonidan talabalar va ustozlar uchun master-klasslar bo‘lib o‘tadi. Tadbir afishasida g‘oliblarni umra va haj ziyorati, Marokash va Turkiyaga sayohat hamda “Iphone 7” kabi ajoyib sovg‘alar kutayotgani aytiladi. Shuningdek, ishtirokchi va mehmonlar tadbir doirasida tashkil etiladigan ko‘rgazmada o‘zlariga yoqqan ajoyib san’at asarlarini sotib olishlari ham mumkin.

manba: muslim.uz