Makka-yu Madina ko‘chalarida,

Sizni ko‘rgim keldi yo Rasulalloh.

Rabi'ul avvalning kechalarida,

Sizni ko‘rgim keldi yo Rasulalloh.

Sog‘indim, sog‘indim diydoringizni,

Ziyoratlar qildim mozoringizni.

Afsus ko‘rolmadim ruxsoringizni,-

Sizni ko‘rgim keldi yo Rasulalloh.

Bir ahli sunnatman-sizga ummatman,

Savoblari yo‘g‘u, gunoh-la bandman.

Shuncha yomonliklar qilib, harchandman,-

Sizni ko‘rgim keldi yo Rasulalloh.

Tushlarimda ko‘pmas bir bor ko‘rsaydim,

Nurli yuzingizga boqib to‘ysaydim.

Armonim qolmasdi keyin o‘lsaydim,-

Sizni ko‘rgim keldi yo Rasulalloh,

 Isrofil qori ISMOILOV - Urgut tuman “Chubin” jome masjidi muazzini