• So‘z – agar qo‘yib yuborilsa,
• O‘q – agar otilsa,
• Vaqt – agar o‘tkazib yuborilsa.

1. Alloh taolo bandasiga gapirish uchun til bergan bo‘lsa, nima deb gapirishi uchun aql bergan. Shuning uchun xalqimizda “Avval o‘yla, keyin so‘yla” degan ma'noli so‘zlar bor. Bu borada mo‘min-musulmonlar suyukli Payg‘ambarimiz sallollohu alayhi vasallamdan o‘rnak va namuna olishlari lozim bo‘ladi. Ul Zot sallollohu alayhi vasallamdan bir kishi biror narsa to‘g‘risida so‘rasa, tezlik bilan javob bermas edilar, balki biroz taskin topib, keyin javob berardilar.

2. Haqoratli so‘z misoli o‘qdek. Kamonchi otgan o‘qini ortga qaytara olmaganidek, kishini obro‘sini to‘kadigan so‘zni aytgan kishi, uzr so‘rashligi bilan ham, jarohatli qalbni tuzata olmaydi. Shuning uchun “Uzr so‘ralmaydigan ishni qil”  deb aytiladi.                                                                                                                                  Abu Zarr roziyallohu anhudan rivoyat qilinadi:
   «Rasululloh sollallohu alayhi vasallam menga:
   «Qayerda bo‘lsang ham, Allohga taqvo qil. Yomonlikka yaxshilikni ergashtir, bu uni o‘chiradi. Odamlarga husni xulq ila muomala qil», dedilar».
   Termiziy rivoyat qilgan.

3. Ne'matlarning ichida eng qimmat va bebaho narsa bu – vaqt qiymatidir! Bugungi kunimizni g‘animat bilmasak ertaga yangi kun bilan uchrashish bor yoki yo‘q! Har bir kunimiz bizlar bilan qiyomatda alohida yo‘liqadi. Shuning uchun “Bugungi ishni ertaga qoldirma” , deb aytilgan. Bugungi ishimiz – bugungi ibodatimizdir!                                                                                                                                                                   Rasululloh sollallohu alayhi va sallam bunday marhamat qilganlar:
   “Qiyomat kunida to to‘rt narsadan so‘ralmagunicha bandaning qadami joyidan jilmaydi: umrini qanday o‘tkazgani, yoshligida nima qilgani, molini qayerdan topib nimaga sarf qilgani, ilmiga qay darajada amal qilgani” (Imom Termiziy rivoyati)

Xayrulloh Sattarov,

O‘MI Samarqand viloyat vakili o‘rinbosari.