Аллоҳ таьоло Ўз каломида "Инсонларни ва жинларни фақат ўзимга ибодат қилишлари учун яратдим"деб марҳамат қилади, демак бизларга шариатимиз қандай ҳолатимизда қайси ибодатни буюрган бўлса ўша ҳолатимизда ибодатни адо қилишимиз керак экан.

Баьзида биз ожиз бандалар Аллоҳга қилишимиз керак бўлган ибодатни вақтини ўзимиз белгилаб хато қиларканмиз,

Нафақага чиқсам намоз ўқкийман, рўза тутаман,

Ишларимни битириб олсам кейин ҳажга бораман,

Иморатларимни қуриб битирсам кейин садақа киламан, эҳсон чиқараман, ва ҳакозо.

Чунки инсон қилаëтган ҳар бир ишини ëшлигида мукаммал бажара олар экан,

Улуғларимиз айтадилар;

"Ëшлигингда қилсанг тоат қариганча куникасан,

Қариганда қилсанг тоат куникканча кўмиласан".

Биз ëшлигимиздан улуғларимизнинг панду-насиҳатларига қулоқ солиб, шариат ҳукмларига амал килиб борар эканмиз, эртанги кунда яьни, қариганимизда биз ўзимиздан ўзимиз насиҳат олиб, Аллоҳни "ЯГОНА МАҚСАД" и бўлган ибодатини адо қилиб борган бўламиз.

"Соқол оқи ўлимга пешравдир,

Тириклик сабзаси узра қировдир."

(Алишер Навоий)

А.Ўташев Ургут тумани "Алишер Навоий" жоме масжиди имом-хатиби