Кийиниш инсон ҳаётининг муҳим жихати экани хаммамизга яхши маьлум. Ислом хамма сохаларда, ўз кўрсатмаларини берсаю, кийиниш борасида тарк этса, унинг мукаммаллигига путур етган бўлади. Исломда кийиниш масаласида хам қатор тавсиялар айтиб ўтилган кийнишлик динимизда улуғ ибодат саналиб, икки дунё саодатига эришиш учун яна бир илоҳий неьматдир (кўрсатмадир).

Баьзилар кийиниш масаласига бунчалик катта эьтибор беришнинг боиси нима, ахир бу арзимас нарсаку дейишлари мумкин. Лекин кийиниш арзимас нарса эмасдир. Балки динимизда инсон ҳаётининг барча соҳалари баравар эьтиборга олинади. Хаммамизга маьлумки инсоннинг кийиниш ўша кишининг ички дунёсини акс эттириб туради. Либоснинг бизга маьлум бўлган жихатлари айтайлик: Бизга доим хамрох, зийнат ва иссиқ-совуқдан ҳимоя хамда энг мухим аврат жойларни тўсиб турадиган Аллох таолонинг улуғ неьматидир. Биз билмаган манфаатли жиҳатлари қанча билмаймиз. Исломда яьни: хаёт йўлимиз бўлган Қурьони Карим ва Пайғамбиримиз соллалоху алайхи васаллам хадис муборакларида кийиниш тўғрисида келишилиги биз мўмин-мусулмонлар учун талаб даражасида кийиниб юришга етарли далил хужжатдир.

Демак мухтарам азиз биродарлар! Биз ахли иймон мўмин мусулмонлар бу борада Аллохнинг китоби ва суннатига мувофиқ атрофимиздаги бошқа халқларга ибрат бўлиб, керак бўлса хамма хаваси келадиган даражада чиройли кийиниб юришимиз мўминлик бурчимиздир.

Аллох таоло Аьроф сурасида мархамат қилади: “Эй одам болалари! Батахқиқ сизларга авратингизни тўсадиган либос ва зийнат либосини туширдик. Тақво либоси – ана ўша яхшидир. Ана ўшалар Аллохнинг оятларидир. Шоядки,эслатма олсалар.”

Инсонни хайвондан ажратиб турадиган аломатлардан бир хам либосдир. Либоснинг зарурияти кишининг авратини ўзгалардан пинхон тутишидир. Юқорида айтганимиздек, Аллох таоло кийим бошни инсон авратини тўссин, ўзини тузатсин деб берган. Демак, азизлар бизнинг динимиз Исломда бошқа сохалар каби кийиниш борасида ҳам эркак киши қандай кийиниш керак, аёл киши қандай кийиниши керак хаммаси эьтибор олинган ва мукаммал йўлга қўйилган. Мисол, аёллар эркаклар кийимини кийиниш ва уларга ўхшашга харакат қилиш мумкин эмас. Ибни Аббос розияллоху анхудан ривоят қилинади: Набий соллалоух алайхи васаллам хотинчалиш эркакларни ва эркак сифат аёлларни лаьнатладирлар. Эркак хам аёл хам кийиниб юришда хамиша хаёли бўлиши, иффатини асраши лозим. Бу эса гўзал исломий одоблардан саналади, уларга амал қилиш хар бир мусулмондан талаб этилади.

Темиров Ҳасан манбалар асосида