Фарзандидан ғазабланган, урган ота-оналарни кўрганимда Расулуллоҳ саллаллоҳу алайҳи васалламнинг шу сўзларини эслайман:

"БИЛСАЛАР ЭДИ, БУНДАЙ ҚИЛМАСДИЛАР..."

Билсалар эди, болаларининг жисми оналарни ташлаб кетмаса-да, қалбан уларни тарк этишлари ва ҳеч қачон қайтмасликларини...

Билсалар эди, синган буюмлар, бетартиб уйлар, кирланган кийимларнинг чораси осонгина топилар экан, синган кўнгиллар, узилган ришталар, кирланган ниятлар осонгина ўз ҳолига қайтмаслигини...

Биласалар эди, бола туғиш бу боланинг эгаси маъносида ЭМАСЛИГИ ва ҳар бир инсоннинг ҳақиқий ЭГАси Аллоҳ азза ва жаалалиги ва У омонатига қандай муомалада бўлингани ҳисобини сўрашини...

Билсалар эди, камситилган, эзилган, хўрланган, масхара қилинган болаларнинг шахсияти, қадр-қиймати, ғурури ҳам озор кўришини...

Билсалар эди, зўровонлик ва зуғум остида ўсган бола зўравон ва золим бўлиб етишишини, болаликда юракка тушган нафрат уруғи бутун бошли жамиятни барбод қилишини...

Оҳ бир билсалар эди...

Кошки билсалар эди...

Сен билдинг, АЛЛОҲНИНГ ОМОНАТИНИ МЕҲР ВА ЭҲТИРОМ БИЛАН АСРАБ-АВАЙЛАГИН...

Темиров Ҳасан