Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Туманларга саёҳат

 
 

11 октябр 2018 йил, пайшанба. Ўзбекистон мусулмонлари идорасининг Самарқанд вилояти вакиллиги ва вилоят имом хатиблари томонидан амалга оширилган маънавий-маърифий тадбирлар, аҳоли турмуш тарзини ўрганишга доир ишларнинг қисқача тафсилоти билан танишинг:

Вилоят бош имом хатиби З.Эшонқулов Ургут туманида бўлиб, жорий йил ҳаж сафарига бориб келганлар билан, улар томонидан амалга оширилиши лозим бўлган ишларни самарали ташкил этишга доир учрашувлар ўтказди.

****

Шаҳар ва туманларда барча имом хатиблар иштирокида “Миссионерлик, прозилитизм – жамият барқарорлигига таҳдид” мавзусида навбатдаги “маънавият соат”и машғулотлари бўлиб ўтди.

****

Пастдарғом туман, Турон МФЙда рўй берган оилавий мажорани бартараф этиш мақсадида туман бош имом хатиби О.Назаров мазкур хонадонга ташриф буюрди. Фуқаро Қ.Н. ва унинг онаси ҳамда опаси ўртасида уй-жой масаласидаги келишмовчилик моҳияти тўлиқ ўрганилди ва тушунтириш йўли билан муаммо адолатли бартараф этилиб, оила аъзолари ораси ислоҳ этилди.

****

Пастдарғом туман ФҲДЁ бўлимида оила қуриш мақсадида мурожаат қилган ёшлар билан учрашув бўлиб ўтди. Туман бош имом хатиби О.Назаров тадбирда иштирок этиб, ёшларга оила муқаддаслиги, унинг тинчлигини сақлаш йўллари, эр-хотин бурчлари, ҳуқуқ ва мажбуриятлари ҳақида насиҳат қилди.


Киритилган вақти: 12/10/2018 00:00;   Кўрилганлиги: 1678
 
Материал манзили: https://sammuslim.uz/press/news/tumanlarga-sayohat
Чоп этилган вақт: 28/03/2024 22:38
 
 
Ўқиш учун ушбу тугмани босинг