Ўзбекистонда 2019 йилда чақалоқларга энг кўп қўйилган исмлар қайси эканини биласизми?
Адлия вазирлиги ҳузуридаги Давлат хизматлари агентлиги Ўзбекистонда 2019 йил давомида энг кўп қўйилган исмлар ҳақида маълумот берди. Агентлик хабарига кўра, 2019 йил давомида республикада янги туғилган чақалоқларга Муҳаммадали ва Солиҳа исмлари энг кўп қўйилган.
Янги туғилган ўғил болаларнинг 11 305 нафарига Муҳаммадали исми қўйилган бўлса, қизларнинг 12 461 нафарига эса Солиҳа исми қўйилган.
2018 йилда Ўзбекистонда чақароқларга энг кўп қўйилган исмлар Мустафо ва Солиҳа исмлари бўлганди. Ундан аввалги йилда эса Азизбек ва Мадина исмлари энг кўп қўйилган.
Бундан аввал Ўзбекистонда 2020 йилнинг илк 18 соатида 1111 нафар чақалоқ дунёга келгани хабар берилган эди.
Манба:Daryo.uz
Киритилган вақти: 07/01/2020 11:23; Кўрилганлиги: 1077
Материал манзили: https://sammuslim.uz/press/news/ozbekistonda-2019-yilda-chaqaloqlarga-eng-kop-qoyilgan-ismlar-qaysi-ekanini-bilasizmi
Чоп этилган вақт: 13/05/2024 05:09
Чоп этилган вақт: 13/05/2024 05:09
