Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Ўзбекистон Президенти Францияга жўнаб кетди

 
 

Ўзбекистон Республикаси Президенти Шавкат Мирзиёев Франция Республикаси Президенти Эммануэль Макроннинг таклифига биноан 8 октябрь куни расмий ташриф билан ушбу мамлакатга жўнаб кетди.

Франция – юксак даражада ривожланган, саноат ишлаб чиқариши бўйича жаҳонда етакчи ўринлардан бирини эгаллаган индустриал-аграр мамлакат. Иқтисодий салоҳияти бўйича дунёнинг энг йирик еттита давлати қаторига киради. БМТ Хавфсизлик Кенгашининг беш доимий аъзосидан бири, Европа Иттифоқи ва халқаро майдонда муҳим роль ўйнайди.

Франция Ўзбекистон билан ҳамкорликдан манфаатдор. Ушбу давлат раҳбари Эммануэль Макрон мамлакатларимизнинг ўзаро яқинлашишини қутлаб, Ўзбекистон Президенти Шавкат Мирзиёевнинг Парижга расмий ташрифини орзиқиб кутаётганини таъкидлаган эди.

Ташриф давомида давлат раҳбарлари ўртасида музокаралар, Франция парламенти раҳбарияти, етакчи компаниялар ва молия институтлари вакиллари билан учрашувлар ўтказилиши режалаштирилган.

Манба:prezident.uz

Киритилган вақти: 08/10/2018 00:00;   Кўрилганлиги: 767
 
Материал манзили: https://sammuslim.uz/press/news/ozbekiston-prezidenti-frantsiyaga-jonab-ketdi
Чоп этилган вақт: 21/09/2020 03:55
 
 
Ўқиш учун ушбу тугмани босинг