Куни кеча 28 август куни Самарқанд вилояти бош имом-хатиби Зайниддин домла Эшонқулов Қўшробод туманида жойлашган, яқинда миллий ва замонавий меъморчилик анъаналарига тўла мос қуриб битказилган  “Жўш ота” жоме масжидининг янги биносига ташриф буюрди. Ташриф чоғида вилоят бош имом-хатиби бу даргоҳда олиб борилган бунёдкорлик ишлари билан яқиндан танишди.

Шундан сўнг қурилиш ишлари давом этаётган “Домла Камолиддин Охун”, “Давриқўрғон” жоме масжидларида ҳам бўлди. Масжидларда олиб борилаётган қурилиш ишлари билан яқиндан танишди ҳамда масжидни янада обод қилиш, намозхонлар учун янада қулайликлар яратиш борасида ўзининг керакли тавсияларини берди. Вилоятимизда ана шундай замонавий ва гўзал масжидларнинг қурилиши намозхонлар кўнглига хушнудлик олиб келмоқда. Вилоят бош имом-хатиби бу даргоҳнинг гўзал қиёфага келишига сабабчи ҳамда бош бўлганларнинг ҳақларига дуои-хайрлар қилди.

ЎМИ Самарқанд вилоят вакиллиги матбуот хизмати