Куни кеча Ўзбекистон мусулмонлари идораси раиси ўринбосари И.Иномов вилоятнинг Ургут туманида бўлиб, тумандаги “Мулла Бобомурод” жомеъ масжидини бориб кўрди. Меҳмон масжид фаолияти билан яқиндан танишиб, жамоат олдида ижтимоий одоб меъёрлари тўғрисида маъруза қилди. Пешин намозини жамоат билан адо этгач, тумандаги кам таъминланган оилалар хонадонларига бориб, эҳсон улашди.
Шундан сўнг уламо туманда ўтказилаётган хатна тўй маросимларидан бирида иштирок этди. Маросимда меҳмон сўзга чиқиб, тинч замонамизнинг шукронасини келтирди ва тўй соҳибларини муборакбод этди.

Ташрифлар давом этмоқда...

ЎМИ Самарқанд вилоят вакиллиги матбуот хизмати