Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Имомнинг далолати билан фуқаролар муаммоси ҳал бўлди

 
 

Сайдулло домла Рўзиев 16 йилдан бери Самарқанд вилояти Каттақўрғон шаҳридаги “Қориравот” жоме масжидида хизмат қилиб келади. Маҳалла аҳлини яхшиликка чақириб, ёмонликдан қайтаришда, ислом маърифатини етказишда холис меҳнат қилади. 

қинда унинг ҳузурига масжидни замонавий қайта таъмир қилиш таклифи билан бир киши келганида, имом-хатиб: ҳозирча масжид ҳолати таъмирга муҳтож эмас, бунинг ўрнига маҳалламиздаги муаммолари мавжуд хонадонларга ёрдам берсангиз унданда кўпроқ савобга эришасиз, дея мурувват кўрсатишга тарғиб этди. Ва бунинг учун ижтимоий муҳитни соғломлаштириш бўйича тузилган 2-ҳудудий ишчи гуруҳининг навбатдаги йиғилишига таклиф этди. Йиғилишда фуқароларнинг турли мурожаатлари ўрганилмоқда. Муаммолар кўп: уларнинг аксари қарздорлик, моддий етишмовчилик билан боғлиқ. Жараённинг бевосита гувоҳи бўлган меҳмон иккита оиланинг муаммоларини ўзи ҳал этиб беришини зиммасига олди. Бир кишининг тўғри тадбир билан яхшиликка далолати сабаб қайсидир хонадоннинг мушкулотлари ариди. 

Толҳа ибн Убайдуллоҳ ибн Курайздан ривоят қилинган ҳадисда Расулуллоҳ соллаллоҳу алайҳи васаллам: «Ҳар бир маъруф садақадир. Яхшиликка далолат қилувчи худди уни қилувчи кабидир», дея марҳамат қилганлар.

 

Манба: muslim.uz (Ўзбекистон мусулмонлари идораси Масжидлар бўлими)


Киритилган вақти: 25/09/2019 11:10;   Кўрилганлиги: 1067
 
Материал манзили: https://sammuslim.uz/press/news/imomning-dalolati-bilan-fuqarolar-muammosi-hal-boldi
Чоп этилган вақт: 21/02/2024 02:35
 
 
Ўқиш учун ушбу тугмани босинг