Аввал хабар қилганимиздек Самарқанд вилоятидаги филиалимиз янги манзилда ўз фаолиятини давом эттирмоқда. Дўконимизнинг расмий очилиш маросими бугун ўтказилди.

Тадбирга фахрий имом ва Самарқандаги «Имом Бухорий» жомеъ масжиди ноиб имоми Маҳмуджон домла ташриф буюрдилар. Шунингдек «Grand Ta'lim» ўқув маркази раҳбари Музаффар Саттиев ҳам тадбирда иштирок этдилар. Маросим сўнггида қилинаётган ишлар бардавом ва хайрли бўлишидан, халқимиз учун манфаатли бўлишидан умид қилиб хатми Қуръон бахшида қилинди.

Аллоҳ таоло бошлаган ишимиз давомий бўлишини, илм-маърифат тарқатувчи масканлар бундан ҳам кўп бўлишини, ушбу янги дўконимиз Ватанимиз, миллатимиз, динимиз ривожи учун муносиб ҳисса қўшишини насиб қилсин!