Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Динлараро мулоқот конференцияси

 
 

Жорий йилнинг 10-12 сентябрь кунлари Германиянинг Мюнстер ва Оснабрюк шаҳарларида самовий динлар уламолари иштирокида “Терроризмга қарши кураш ва бутун дунёда тинчликни сақлаш” мавзусида “Динлараро мулоқот” номли халқаро конференция бўлиб ўтади. Ушбу халқаро Конференцияни Германия канцлери Ангела Меркел ҳоним очиб беради.

Ушбу муҳим тадбирда Африка давлатлари номидан Нигерия Президенти Муҳаммад Бухорий, Европа Парламенти вакили Антони Таянилар ташриф буюришади.

Мазкур конференция мулоқот мавзусининг марказида динлараро ва маданиятлараро мулоқот, тинчлик ва осойишталикни сақлаш ҳамда фарқланишларга барҳам бериш масалалари қўйилган.

Конференция ташкилотчиларидан бири: “Дин бу – тинчлик ва осойишталикни таъминлайдиган, ўз ўрнида, одамларни бағрикенг бўлишга чақирадиган муқаддас таълимотлар йиғиндисидир. Ушбу конференция самовий дин вакиллари ўртасида ўзаро бирдамлик муҳитини шакллантиради”, дея таъкидлаб ўтди.

3 кун давом этиши кутилаётган ушбу халқаро конференциянинг тантанали ёпилиш маросими 12 сентябрь куни Оснобрюк шаҳар ҳокимлиги биноси қаршисида бўлиб ўтади.

Ўзбекистон мусулмонлар идораси

халқаро алоқалар бўлими


Киритилган вақти: 14/07/2017 00:00;   Кўрилганлиги: 2177
 
Материал манзили: https://sammuslim.uz/press/news/dinlararo-muloqot-konferentsiyasi
Чоп этилган вақт: 28/03/2024 19:27
 
 
Ўқиш учун ушбу тугмани босинг