Ўзбекистон мусулмонлари идораси Самарқанд вилояти вакиллиги томонидан замонавий технология ва усуллардан фойдаланган ҳолда ZOOM  платформаси орқали шаҳар ва туман бош имом-хатиблари билан онлайн йиғилиш ташкил қилинди.

Йиғилишни вилоят бош имом-хатиби Зайниддин домла Эшонқулов олиб борди ва қуйидаги масалалар кўриб чиқилди: Карантин қоидаларига қатъий амал қилиш, имом-хатиблар карантин қоидаларига амал қилган ҳолда фаолиятларини янада жонлантириш, ОАВ ларида долзарб ва мазмунли мақола, видео ва аудио чиқишларни кўпайтирш ва бошқа ташкилий масалалар юзасидан топшириқлар берилди.

Бош имом-хатиблар берилган топшириқларни ўзлари учун белгилаб олдилар ва жойлардаги имом-хатибларга етказишни зиммаларига олдилар.

ЎМИ Самарқанд вилоят вакиллиги матбуот хизмати