1947 yil. Nusxa ko‘paytirish yo‘li bilan “Sovet sharqi musulmonlari” jurnali nashr etila boshladi.

* * *

1948 yil. Hijriy-qamariy hisob bilan musulmonlar taqvimi chop etildi.

* * *

1948 yil dekabr. O‘rta Osiyo va Qozog‘iston musulmonlarining ikkinchi qurultoyi bo‘ldi. Unda Ziyouddinxon ibn Eshon Boboxon diniya nazorati raisining o‘rinbosari etib saylandi.

* * *

1961 yil. Diniy boshqarma qoshida xalqaro aloqalar bo‘limi tashkil etildi.

* * *

1961 yil. Diniy boshqarmaning birinchi mehmonlari sifatida Suriya bosh muftiyi shayx Abu yusr Obidin, Pokiston “Jamoatul Islom” jamiyati raisi Mavlono Badayuniy, Marokash Islom ishlari bo‘yicha davlat vaziri, “Istiqlol” partiyasi raisi, drktor Allal Fa'siy rasmiy tashrif bilan Toshkentga kelishdi.  

“O‘zbekiston musulmonlari idorasi” kitobidan, 19-20-betlar