Ҳазрати Алидан, розийаллоҳу анҳу, ривоят қилинади:

"Пайғамбар соллаллоҳу алайҳи ва саллам, бир куни мендан:

- Эй Али, сега беш минг қўй берайми ёки ҳам дунё, ҳам охират учун фойдали беш калимани ўргатайинми? - деб сўрадилар.

- Ё Расулаллоҳ, беш минг қўй озмунча фойда эмас. Бироқ менга ўша беш фойдали калимани ўргатишингизни хоҳлайман, - дедим.

Шунда Расули акрам, соллаллоҳу алайҳи ва саллам, ушбу дуони ўргатдилар:

- Аллоҳим, гуноҳларимни мағфират қил. Менга кенг феъл ва ҳалол бир даромад насиб эт. Нафсимни берган ризқингга қаноатли қил ва қалбимни Ўзинг манъ этган нарсаларга мойил қилиб қўйма".

"Ҳикматлар хазинаси" китобидан.

ЎМИ - Самарқанд вилоят вакиллиги матбуот хизмати