Ҳаммамизга яхши маьлумки тинчлик ва хотиржамлик Аллоҳ таолонинг энг буюк неьматларидан биридир. Шу боис ҳам Ҳазрати Пайғамбаримиз алайҳиссалом ҳадислариинг бирида тинчлик-хотиржамлик энг улуғ неьмат эканини таькидлаб, шундай деганлар, “Икки неьмат борки, кўпчилик инсонлар унинг қадрига етмайдилар. У- хатиржамлик ва сиҳат-саломатлик” дир. (Имом Бухорий ривояти).

Маьлумки ислом динида тинчлик Аллоҳ таоло томонидан бутун инсониятга иньом этилган улуғ неьмат сифатида қадрланади. Жумладан, Қурьони каримда марҳамат қиладики, “Эй иймон келтирганлар! Ёппасига итоатга киришингиз ва шайтоннинг изидан эргашмангиз. Албатта, у сизларга аниқ душмандир”. (Бақара сураси, 208-оят).

Тинчлик ва хотиржамлик илоҳий неьмат экани ҳақида Набий алайҳиссаломнинг қуйидаги ҳадисларидан бирида айтилганки, “Аллоҳдан авф ва тинчлик-омонликни сўранглар. Чунки бирор кишига имондан кейин тинчлик-омонликдан афзалроқ неьмат берилгани йўқ” (Сунан Термизий”, 3558-ҳадис).

Пайғамбаримиз Муҳаммад саллоллоҳу алайҳи васаллам муборак ҳадисларидан бирида ,”Ким оиласи тинч, жасади саломат ва ҳузурида бир кунлик таоми бор ҳолатда тонг оттирса, унга дунё тўлиғича берилибди”, деганлар. (Имом Бухорий ривояти).

Бизлар қанча шукр қилсак шунча оз. Ушбу сурурли дамлар бардавом бўлмоғи учун тинчлик неьматиинг шукронасини қилиб, уни кўз қорачиғидек асрамоғимиз керак.Чунки неьматлар, шукри билан бардавом ва зиёда бўлади.

Хулоса ўринда  айтиш керакки, динимизнинг тинчилликка бўлган эьтибори катта аҳамиятга эга эканлигидан яққол намоён бўлади.

Аллоҳ таоло юртимизни  тинч, оилаларимизни фаровон, олижаноб халқимизни яратган роббимиз ўз паноҳида асрасин.

М.Жомонқулов Булунғур тумани бош имом хатиби