Динимизда фақат Аллоҳ таолога ибодат қилишга буюрилиб, бирдамликка чақирилади. Динда ғулувга кетиш, ҳаддан ошиш қайтарилади. Чунки, бунинг оқибати ихтилоф ва гуруҳбозликка сабаб булгани учун.

Аллоҳнинг каломида: "Айтинг: "Эй аҳли китоблар динингизда ҳаддан ошмангиз ва олдиндан адашган ва кўпларни адаштирган ҳамда тўгри йўлдан чалғиганларнинг ҳавойи нафсларига эргашманг", деб зикр килинган.

Динда ғулувга кетишнинг оқибати жуда ёмон. Аввало бу ақидани бузилишига олиб келади. Тарихда пайдо бўлган равофиз, хавориж, муътазила ва бошқа тоифаларнинг юзага келиши асосан динга ғулувга кетишнинг оқибатидир. Енгиллик исломнинг асосий шиорларидан биридир. Имом Бухорий ривоят қилган ҳадисда. "Осонлаштиринг асло қийинлаштирманг, башорат беринг ҳеч ҳам нафратлантирманг", дейилган. Ислом дини фасодга қарши курашиб ошкора ва ботиний фитналардан қайтарган.

Амиров Абдулхабиб Ургут тумани "Мурод Ота" масжиди имом-хатиби