Бу саҳобия аёл Айюб ибн Абдуллоҳ ибн Зуҳайрил Асадийянинг момоси бўлиб, Факиҳий ўзининг “Макка китоби”да уни келтириб ўтган, яъни, у ҳақда хабар берган.

Бу хабар Ибн Жу райжнинг ибн Абу Ҳусайндан келган ривоят йўли орқали етиб келган. Хабарда айтилишича, Набий соллаллоҳу алайҳи ва олиҳи ва саллам Суҳайл ибн Амрга шундай мактуб ёзганлар: “Агар сенга мак тубим кечаси етиб борса, тонг отишини кутма, кундузи етиб борса, кун ботишини кутиб ўтирма, менга икки катта мешда замзам сувидан жўна тиб юбор”. Суҳайлнинг айтишича унинг хотини бу ишда Айюбнинг момоси Асийла Хузоиядан ёрдам сўрайди. Бу икки аёл кечаси билан қудуқдан сув тортиб, тонг отмай туриб икки мешни тўлди ришади. Сўнг ўша икки мешни иккита арқонга маҳкам боғлаб тайёрлаб қўйишади. Суҳайл ўша кечаси икки мешни туяга ортиб, у зотга жўнатади. Бу хабарни Умар ибн Шабба худди шу тарзда кел тирган (Ал-Исоба, 221-бет).

"Саҳобия аёллар ҳаёти қомуси" китобидан. Таржимон Зайниддин Эшонқулов.