Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Вилоят бош имом-хатиби Индонезиялик меҳмонларни қабул қилди

 
 

Индонезиялик журналист Марфуаҳ Панжи Астути турмуш ўртоғи Ҳерламбанг Сукма Сакияна билан Ўзбекистонда бўлиб турибди. Марфуаҳ Панжи Астути хоним Ўзбекистон хусусан, Самарқанд ҳақида “Journey to Samarkand” – “Самарқандга саёҳат” номли рисола муаллифи ҳисобланади. 

Меҳмонларнинг хабар беришича ушбу китоб ўн минг нусхада нашр этилган ва индонезиялик китобхонлар томонидан қизғин қабул қилиниб, унинг барча нусхалари қисқа муддат ичида харид қилинган.

Бугун, 9 январь куни меҳмонларни Самарқанд вилоят бош имом-хатиби Зайниддин Эшонқулов вилоят вакиллиги биносида қабул қилди. Учрашув чоғида Ўзбекистон ва Индонезия халқлари ўртасидаги дўстлик ришталари, ушбу асарнинг аҳамияти ва бундан кейинги ҳамкорлик масалалари борасида сўз юритилди. Қабул маросими сўнгида муаллиф ўзининг “Самарқандга саёҳат” номли асарини З.Эшонқуловга ҳадя қилди. Шунингдек, вакиллик томонидан ҳам меҳмонларга эсдалик совғалари топширилди.

ЎМИ - Самарқанд вилоят вакиллиги матбуот хизмати


Киритилган вақти: 09/01/2020 17:25;   Кўрилганлиги: 965
 
Материал манзили: https://sammuslim.uz/press/news/viloyat-bosh-imom-xatibi-indoneziyalik-mehmonlarni-qabul-qildi
Чоп этилган вақт: 28/03/2024 20:29
 
 
Ўқиш учун ушбу тугмани босинг