Бугун, 22 октябрь куни Самарқанд вилоят бош имом-хатиби  Зайниддин домла Эшонқулов Каттақўрғон туманида бўлди. Ташриф аввалида “Меҳр-2”  инсонпарвалик операцияси орқали ватанга қайтарилган болалар билан учрашиб, уларга ўқув қуроллари ва турли хил ўйинчоқларни ҳадия қилди.

Шундан сўнг вилоят бош имом-хатиби  “Тарнов” жоме масжидида бўлиб, амалга оширилган ишларни кўздан кечирди ҳамда намозхонларга янада қулай шарт-шароитлар яратиш бўйича ўзинингш керакли тавсия ва кўрсатмаларини берди.

Ташриф давомида  вилоят бош имом-хатиби мазкур туман марказида жойлашган “Қаландархона” жоме масжидининг янги, замонавий тусда қурилган ҳамда фойдаланишга тайёр ҳолга келтирилган таҳоратхонасида намозхонларга қилинган имконият ва шароитлар билан танишди. Шунингдек бу улкан савобли ишларга ҳисса қўшаётган кишилар ҳақига хайрли дуолар қилдилар.

ЎМИ Самарқанд вилоят вакиллиги матбуот хизмати