Имом Мотуридий ҳаёти ва илмий меросига бағишланган илмий анжуманда иштирок этган Ўзбекистон мусулмонлари идораси раиси, муфтий Усмонхон Алимов ҳазратлари Самарқанд шаҳридаги “Домла Камолиддин” жоме масжидида бўлиб, бу жойда олиб борилаётган қурилиш ишлари билан танишдилар. Масжидда намозхонлар учун янада қулай шароит барпо этиш мақсадида қўшимча янги бино қурилмоқда. Муфтий ҳазратлари олиб борилаётган ишлар кўлами билан танишар экан, ўзларининг зарурий кўрсатма ва тавсияларини бериб, масжид биносининг қад ростлашида ўз ҳиссаларини қўшаётган мўмин-мусулмонлар, ташкилотчи ҳамда устоларнинг ҳақларига дуо қилдилар. Иншаллоҳ, қисқа муддатларда “Домла Камолиддин” жоме масжидининг янги биносини намозхонларга тақдим этиш тадбирида муфтий ҳазратларининг иштирок этиб, дуои хайрлар қилишини Яратгандан сўраб қоламиз.

ЎМИ Самарқанд вилоят вакиллиги ахборот хизмати