Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Мева-сабзавот экспорт қилувчилар учун янгилик

 
 

Самарқанд вилоят прокуратурасида вилоят божхона бошқармаси билан ҳамкорликда тижорат банклари, солиқ идоралари ходимлари ҳамда тадбиркорлар иштирокида Ўзбекистон Республикаси Президентининг 2018 йил 17 октябрдаги “Мева-сабзавот маҳсулотларини ташқи бозорларга чиқариш самарадорлигини оширишга доир қўшимча чора-тадбирлар тўғрисида”ги қарори мазмун-моҳиятига бағишланган тадбир ўтказилди.

Қарорга кўра, юридик шахслар экспорт қилувчилари мева-сабзавот маҳсулотларини дастлабки тўловсиз, аккредитив очмасдан, банк кафолатини расмийлаштирмасдан ҳамда экспорт шартномасини сиёсий ва тижорат хавфларидан суғурта полисисиз экспорт қилишлари мумкин.

- Экспортдан тушумларни ўз вақтида таъминламаган ташкилотлар ноҳалол экспортёрлар реестрига киритилади ва кейинчалик уларга нисбатан экспорт қилишда тўловларни олдиндан тўлиқ тўлаш талаблари қўлланилади, - дейди вилоят божхона бошқармаси бўлим бош инспектори Ш.Раҳматов. - Тадбиркорлик субъектлари улгуржи савдо қилиш лицензиясига эга бўлмасдан мева-сабзавот маҳсулотларини экспорт қилиш ҳуқуқига ҳам эга. Бунда якка тартибдаги тадбиркорлар мева-сабзавот маҳсулотларини экспорт қилишдан тушган тушумдан ягона солиқ тўлови тўлашлари керак бўлади.

Манба: “zarnews.uz”


Киритилган вақти: 17/11/2018 00:00;   Кўрилганлиги: 755
 
Материал манзили: http://sammuslim.uz/press/news/meva-sabzavot-eksport-qiluvchilar-uchun-yangilik
Чоп этилган вақт: 28/09/2020 06:51
 
 
Ўқиш учун ушбу тугмани босинг